လံာ်သိၣ်လီၤသီလီၤတၢ် 2:34 - Sgaw Karen Common Bible

³⁴ တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 2:34 Iomraidhean Croise

လံာ်သိၣ်လီၤသီလီၤတၢ် 3:6

ပမၤဟးဂီၤကွံာ်ဝ့ၢ်ခဲလၢာ်ဒီးမၤသံကွံာ်ကယဲၢ်ပှၤပိာ်ခွါ, ပှၤပိာ်မုၣ်ဒီးဖိသၣ်တဖၣ်, ဒ်သိးဒၣ်ပမၤတ့ၢ်အီၤလၢဝ့ၢ်တဖၣ် အပူၤလၢအဘၣ်ဃးဒီးဝ့ၢ်ဃ့ၡဘိၣ်အစီၤပၤစီၤစံဃိၣ်အသိးန့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 10:28

စီၤယိၤၡူဒုးဒီးမၤန့ၢ်ဝ့ၢ်မးက့ဒၤဒီးအစီၤပၤတနံၤဃီန့ၣ်လီၤ. အဝဲမၤသံပှၤလၢဝ့ၢ်ပူၤခဲလၢာ်ဒီးပှၤတအိၣ်မူတီၢ်နီတဂၤဘၣ်. ဒ်အမၤတ့ၢ်ဝ့ၢ်ယရံၤဃိအစီၤပၤအသိး, ဝဲမၤဝ့ၢ်မးက့ဒၤအစီၤပၤဒ်န့ၣ်အသိးလီၤ.

လံာ်စီၤယိၤၡူ 10:40

စီၤယိၤၡူမၤန့ၢ်မၤနၢၤကီၢ်ဒီဘ့ၣ်ညါန့ၣ်လီၤ. မၤနၢၤစီၤပၤတ ဖၣ်လၢကစၢၢ်ကလိအကီၢ်, မုၢ်ထီၣ်တၢ်ပၢၤလီၤတဖၣ်, ဒီးမုၢ်နုာ်ကစၢၢ်ဂံၢ်ထံးတဖၣ်ဃုာ်ဒီးကလံၤထံးအကီၢ်လၢအဃ့ထီ ဝဲန့ၣ်လီၤ. တပျဲပူၤပှၤနီတဂၤဘၣ်. မၤသံပှၤကိးဂၤဒဲးန့ၣ်လီၤ. တၢ်အံၤမ့ၢ်တၢ်လၢယွၤအံၣ်စရ့လးအကစၢ်မၤလိာ်တ့ၢ်ဝဲန့ၣ်လီၤ.

လံာ်စီၤယိၤၡူ 11:14

ပှၤအံၣ်စရ့လးဖိတဖၣ်ဟံးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဒီးဆၣ်ဖိ ကီၢ်ဖိလၢဝ့ၢ်တဖၣ်အံၤအပူၤဒီးပာ်အီၤလၢအဂီၢ်ဒၣ်ဝဲလီၤ. မ့မ့ၢ်ပှၤကညီန့ၣ်မၤသံကွံာ်ဝဲခဲလၢာ်လၢနးဒီးတပာ်မူတီၢ်ဝဲနီတဂၤဘၣ်န့ၣ်လီၤ.

လံာ်စီၤယိၤၡူ 6:21

အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:3

လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”