လံာ်သိၣ်လီၤသီလီၤတၢ် 2:32 - Sgaw Karen Common Bible

³² စီၤစံဃိၣ်ဟဲထီၣ်ဝဲဒၣ်ဃုာ်ဒီး အပှၤကညီတဖၣ်ဒ်သိးကဒုးပှၤ ဖဲဝ့ၢ်ယါစၤအကပၤန့ၣ်လီၤ.

လံာ်သိၣ်လီၤသီလီၤတၢ် 2:32 Iomraidhean Croise

လံာ်စီၤနဃ့မယၤ 9:22

နဒုးမၤနၢၤကွံာ်အဝဲသ့ၣ်လၢပှၤကလုာ်တဖၣ်ဒီးထံကီၢ်တဖၣ်, ကီၢ်လၢအအိၣ်ဝးတရံးအဝဲသ့ၣ်အကီၢ်န့ၣ်လီၤ. အဝဲသ့ၣ်မၤနၢၤကွံာ်ကီၢ်ဃ့ၡဘိၣ်လၢစီၤစံဃိၣ်ပၢဝဲ, ဒီးကီၢ်ဘၤၡၣ်လၢစီၤပၤဧိာ်ပၢဝဲဒၣ်န့ၣ်လီၤ.

စံးထီၣ်ပတြၢၤ 120:7

ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.

စံးထီၣ်ပတြၢၤ 135:11

ပှၤအမိၢ်ဖိအစီၤပၤစံဃိၣ်, ဒီးဘၤၡၣ်အစီၤပၤဧိာ်, ဒီးကနၤဧၣ်စီၤပၤတဖၣ်ခဲလၢာ်န့ၣ်လီၤ.

စံးထီၣ်ပတြၢၤ 136:19

မၤသံပှၤအမိၢ်ဖိအစီၤပၤစံဃိၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

လံာ်သိၣ်လီၤသီလီၤတၢ် 2:31

အန့ၣ်ဝံၤဒီးယွၤစံးဘၣ်ယၤ, ကွၢ်တက့ၢ်. လၢသုမဲာ်ညါန့ၣ် ယဒုးကဲထီၣ်တ့ၢ်စီၤပၤစံဃိၣ်ဒီး အကီၢ်လၢ ပှၤမၤစၢၤလီၤအသး တသ့ဘၣ်န့ၣ်လံ. ဟံးန့ၢ်ကွံာ်အထံအကီၢ်ဒီးအိၣ်ဆိးလၢအပူၤ တက့ၢ်.

လံာ်သိၣ်လီၤသီလီၤတၢ် 2:33

ဘၣ်ဆၣ် ယွၤပကစၢ်ယွၤဒုးလီၤဘၣ်အီၤဆူ ပတၢ်စိတၢ်ကမိၤအပူၤ, ဒီးပမၤသံကွံာ်အီၤ, အဖိခွါတဖၣ်ဒီး အပှၤကညီတဖၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 3:1

မၤကဒီးတစု, ပလဲၤဆူကလံၤစိးလိၤလိၤဆူဘၤၡၣ်အလီၢ်ကဝီၤ ဒီးစီၤပၤဧိာ်ဟဲထီၣ်ဒီးကယဲၢ်အပှၤတဖၣ်လၢကဒုးပှၤအဂီၢ်ဖဲ တၢ်လီၢ်ဘူးဒီးဝ့ၢ်အ့ဒြံၤန့ၣ်လီၤ.

လံာ်စီၤယိၤၡူ 12:1

အအံၤမ့ၢ်ထံကီၢ်အစီၤပၤတဖၣ်လၢ ပှၤအံၣ်စရ့လးဖိတဖၣ်မၤနၢၤတ့ၢ်ဒီးဟံးန့ၢ်လံအကီၢ်လၢထံကျိယၢ်ဒ့ၣ်အမုၢ်ထီၣ်တကပၤ စးထီၣ်လၢအၢ်နိၣ်တၢ်ပၢၤခိၣ် ထီၣ်ဆူထံကျိယၢ်ဒ့ၣ်တၢ်ပၢၤခိၣ်တုၤလၢကစၢၢ်ဃ့ရမိၣ်လၢကလံၤ စိးန့ၣ်လီၤ. အဝဲသ့ၣ်မၤနၢၤစီၤပၤခံဂၤန့ၣ်လီၤ.