လံာ်သိၣ်လီၤသီလီၤတၢ် 2:24 - Sgaw Karen Common Bible

²⁴ ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

လံာ်သိၣ်လီၤသီလီၤတၢ် 2:24 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:23

“တၢ်အံၤမ့ၢ်ကီၢ်ပၤရၣ်အစီၤပၤဖးဒိၣ်ကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲထီၣ်တ့ၢ်ယၤလၢပှၤပၢဘၣ်တၢ်လၢဟီၣ် ခိၣ်ဒီဘ့ၣ်ညါအဖီခိၣ်ဒီးဟ့ၣ်လီၤတ့ၢ်ယၤမူဒါလၢယကဘှီထီၣ်တၢ်လုၢ် ဟံၣ်တဖျၢၣ်လၢအဂီၢ်လၢကီၢ်ယူဒၤ, ဝ့ၢ်ယရူၤရှလ့ၣ်အပူၤန့ၣ်လီၤ. ခဲအံၤ, ကယဲၢ်သုဝဲခဲလၢာ်လၢအမ့ၢ်ကစၢ်ယွၤအပှၤဂီၢ်မုၢ်တဖၣ်, လဲၤသုဝဲဖဲန့ၣ်ဒီးမ်ယွၤသုကစၢ်ယွၤအိၣ်ဒီးသုတက့ၢ်.”

လံာ်စီၤဧ့စြၤ 1:2

“အအံၤမ့ၢ်ကီၢ်ပၤရၣ်အစီၤပၤဖးဒိၣ်စီၤကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲတ့ၢ်လံယၤပှၤပၢဟီၣ်ခိၣ်ဒီဘ့ၣ်, ဒီးဟ့ၣ်မူဟ့ၣ်ဒါတ့ၢ်လံယၤလၢယကသူၣ်ထီၣ်တၢ်လုၢ်ဟံၣ်တဖျၢၣ်လၢ အဂီၢ်လၢဝ့ၢ်ယရူၤၡလ့ၣ်, လၢကီၢ်ယူဒၤအပူၤန့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယဃ့းစက့လး 29:20

ယဟ့ၣ်အီၤ ကီၢ်အဲၤကူပတူးဒ်အမ့ၢ် တၢ်အဘူး အလဲလၢအဝဲသ့ၣ်အတၢ်ဖံးတၢ်မၤတဖၣ်အဂီၢ်မ့ၢ်လၢ အဝဲအသုးမုၢ်န့ၣ်မၤတ့ၢ်တၢ်လၢယဂီၢ်အဃိန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်တၢ်ဂံၢ် 21:12

အန့ၣ်ဝံၤဒီးအဝဲသ့ၣ်လဲၤသူၣ်ထီၣ်အဒဲဖဲကစၢၢ်ကဆူးစၤရ့းန့ၣ် လီၤ.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်စီၤယိၤၡူ 6:16

ဖဲလဲၤတရံးဝ့ၢ်နွံဝီန့ၣ်, ပှၤလုၢ်တၢ်အခိၣ်တဖၣ်အူထီၣ်အကွဲၤဒီး, စီၤယိၤၡူစံးဘၣ်ပှၤဂီၢ်မုၢ်, “ကိးပသူထီၣ်တက့ၢ်. ယွၤဟ့ၣ်လီၤသုဝ့ၢ်အံၤလံ.