လံာ်သိၣ်လီၤသီလီၤတၢ် 2:23 - Sgaw Karen Common Bible

²³ ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

လံာ်သိၣ်လီၤသီလီၤတၢ် 2:23 Iomraidhean Croise

လံာ်တၢ်ကဲထီၣ်အခီၣ်ထံး 10:14

ပှၤပသြူစံၣ်ဖိ, ပှၤကၤစလူဃံၣ်ဖိဒီးပှၤကၤပတိရံၣ်ဖိလၢပှၤ ဖလ့ၡသးဖိဟဲလီၤစၢၤလီၤသွဲၣ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 10:19

တုၤလၢပှၤကနၤဧၣ်ဖိအကီၢ်ဆၢတုၤဃီၤဝဲစးထီၣ်လၢကီၢ်စံဒိၣ် အကလံၤထံးဆူဝ့ၢ်ကရၢ်လၢအအိၣ်ဘူးဒီးဝ့ၢ်ဂါစၤ, ဒီးလၢမုၢ်ထီၣ်တခီန့ၣ်ဆူဝ့ၢ်စဒိၣ်, ဝ့ၢ်ဂမိရၤ, ဝ့ၢ်အၤဒမၤဒီးဝ့ၢ်စဘိအံၣ်လၢအအိၣ်ဘူးဒီးဝ့ၢ်လါၡၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 4:24

စီၤၡလိၤမိၤပၢဘၣ်ထံကီၢ်ခဲလၢာ်လၢအအိၣ်လၢထံကျိဖရၤသး အမုၢ်နုာ်, စးထီၣ်လၢဝ့ၢ်တံပစၤလၢအအိၣ်ထံကျိဖရၤသးအကၢၢ်ခိၣ် ဒီးယံၤဝဲလၢမုၢ်နုာ်, တုၤဆူဝ့ၢ်ဂါစၤန့ၣ်လီၤ. ကယဲၢ်စီၤပၤလၢအအိၣ်လၢထံကျိဖရၤသးအမုၢ်နုာ်တဖၣ်အိၣ်လၢအဝဲ အတၢ်ပၢအဖီလာ်ဒီးအဝဲအိၣ်ဃူအိၣ်ဖိးဒီးထံကီၢ်အိၣ်ဘူးအိၣ် တံၢ်ခဲလၢာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:8

အဝဲမၤနၢၤကွံာ်ပှၤဖလ့ၡသးဖိတဖၣ်ဒီးနုာ်လီၤဒုးန့ၢ်အဝဲ သ့ၣ်အတၢ်အိၣ်တၢ်ဆိးအလီၢ်တဖၣ်, စးထီၣ်လၢသဝီအဆံးကတၢၢ်တဖျၢၣ်ဒီးတုၤလၢဝ့ၢ်အဒိၣ်ကတၢၢ်တ ဖျၢၣ်, ဃုာ်ဒီးဝ့ၢ်ဂါစၤဒီးလီၢ်ကဝီၤလၢအအိၣ်ဝးတရံးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:12

ပှၤပသြုစံၣ်, ပှၤကၤစလူဃံၣ်, ဒီးပှၤကြ့တ့ၤလၢပှၤဖလ့ၡသးဖိ တဖၣ်လီၤစၢၤလီၤသွဲၣ်လၢအီၤန့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ဧၤမိၣ် 9:7

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

လံာ်စဖါနယၤ 2:4

ပှၤတအိၣ်တီၢ်ဘၣ်နီတဂၤလၢဝ့ၢ်ဂါစၤအပူၤဘၣ်. ဝ့ၢ်အၤၡကလိၣ်ကဘၣ်တၢ်ဟးဂီၤလဲၤသဒၣ်ကွံာ်အီၤလီၤ. ပှၤလၢဝ့ၢ်အၤစဒိးတဖၣ်ကဘၣ်တၢ်ဟီထီၣ်ကွံာ်အီၤလၢတမုၢ်ထူၣ် အတီၢ်ပူၤဒီးပှၤလၢဝ့ၢ်ဧ့ကြိၣ်တဖၣ်ကဘၣ်တၢ်နီၣ်ထီၣ်ကွံာ်အီၤ လၢအဝ့ၢ်ပူၤန့ၣ်လီၤ.

လံာ်စကၤရယၤ 9:5

ဝ့ၢ်အၤၡကလိၣ်ကထံၣ်ဘၣ်တၢ်အံၤဒီးကပျံၤတၢ်လီၤ. ဝ့ၢ်ဂါစၤကထံၣ်ဘၣ်တၢ်အံၤဒီးကကနိးကစုာ်ဖးဒိၣ်လီၤ. ဒ်န့ၣ်အသိးဝ့ၢ်ဧ့ကြိၣ်ဒီးအတၢ်မုၢ်လၢ်တဖၣ်စ့ၢ်ကီးကဟးဂီၤဝဲလီၤ. ဝ့ၢ်ဂါစၤအစီၤပၤကလီၤမၢ်သဒၣ်အီၤဒီးဝ့ၢ်အၤၡကလိၣ်ကအိၣ်တ့ၢ် သယုၢ်သညိလီၤ.

မၤတၢ် 17:26

ယွၤတ့လီၤဆိပှၤကညီတဂၤဒီးဒုးအိၣ်ထီၣ်ပှၤဟီၣ်ခိၣ်ဖိကိး ကလုာ်ဒဲးဒီးဒုးအိၣ်ဝဲဆိးဝဲလၢဟီၣ်ခိၣ်ဒီဘ့ၣ်အပူၤန့ၣ်လီၤ. အဝဲအနီၢ်ကစၢ်ဒၣ်ဝဲသုးကျဲၤဆိပာ်စၢၤတၢ်အဆၢအကတီၢ် လီၤတံၢ်လီၤဆဲးဒီးတၢ်အလီၢ်အကျဲဖဲအဝဲသ့ၣ်ကအိၣ်ကဆိးဝဲ အဂီၢ်န့ၣ်လီၤ.

လံာ်စီၤယိၤၡူ 10:41

စီၤယိၤၡူမၤနၢၤအဝဲသ့ၣ်စးထီၣ်လၢဝ့ၢ်ကၤဒ့ၣ်ဘၢ်န့တုၤလၢ ဝ့ၢ်ဂါစၤ, ဒီးကိၡ့ၣ်အကီၢ်ဒီဘ့ၣ်ညါတုၤလီၤလၢဝ့ၢ်ကံးဘိၣ်န့ၣ်လီၤ.

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 15:47

အိၣ်ဒီးအၤစဒိာ်ဒီးဂါစၤဃုာ် ဒီးအဝ့ၢ်ဖိဒီးအသဝီတဖၣ်တုၤလၢထံကျိဖိလၢအဲၤကူပတူး အကီၢ်ဆၢဒီးပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အနံၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:18

ယူဒၤအပှၤဂီၢ်မုၢ်မၤန့ၢ်ဝ့ၢ်ဂါစၤဒီးအလီၢ်ကဝီၤ, ဝ့ၢ်အၤၡကလိၣ်ဒီးအလီၢ်ကဝီၤ, ဝ့ၢ်ဧ့ဘြိၣ်ဒီးအလီၢ်ကဝီၤန့ၣ်လီၤ.