လံာ်သိၣ်လီၤသီလီၤတၢ် 2:21 - Sgaw Karen Common Bible

²¹ အဝဲသ့ၣ်အနီၢ်ထီဝဲထဲသိးသိးဒီးပှၤဧနးဖိတဖၣ်န့ၣ်လီၤ. အဝဲသ့ၣ်အိၣ်ဖဲန့ၣ်အါအါဂီၢ်ဂီၢ်ဒီးမ့ၢ်ပှၤဖးဒိၣ်တကလုာ် လီၤ. ဘၣ်ဆၣ်ဒီးယွၤမၤဟးဂီၤကွံာ်အဝဲသ့ၣ်ဒီးလၢတၢ်န့ၣ်အဃိ, ပှၤဧၣ်မိၣ်ဖိတဖၣ်, ဟံးန့ၢ်ကွံာ်အဝဲသ့ၣ်အကီၢ်ဒီးနုာ်လီၤအိၣ် ဆိးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 2:21 Iomraidhean Croise

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 2:20

(လီၢ်ကဝီၤအံၤဘၣ်တၢ်သ့ၣ်ညါစ့ၢ်ကီးအီၤဒ်ပှၤရၤဖၤဖိ, အထံအကီၢ်, ဒ်ပှၤဂီၢ်မုၢ်လၢအအိၣ်ဆိးဖဲန့ၣ်အမံၤအိၣ်ဝဲအသိး န့ၣ်လီၤ. ပှၤဧၣ်မိၣ်ဖိတဖၣ်ကိးအဝဲသ့ၣ်လၢပှၤစၤမစူၣ်ဖိန့ၣ်လီၤ.

လံာ်သိၣ်လီၤသီလီၤတၢ် 2:22

ယွၤမၤတ့ၢ်တၢ်တမံၤဃီလၢပှၤအဒိၣ်ဖိတဖၣ်အဂီၢ်လၢအမ့ၢ်စီၤဧ့ ၡီၤအစၢၤအသွဲၣ်လၢအအိၣ်ဆိးဝဲဖဲကီၢ်အဒိၣ်လၢအပှဲၤဒီးကစၢၢ် ကလိန့ၣ်လီၤ. အဝဲမၤဟးဂီၤကွံာ်ပှၤဃိရံၤဖိတဖၣ်သတးဒီး ဟံးန့ၢ်ကွံာ် အဝဲသ့ၣ်အထံအကီဲၢ်ဒီး အိၣ်ဆိဒံးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.