လံာ်သိၣ်လီၤသီလီၤတၢ် 2:15 - Sgaw Karen Common Bible

¹⁵ ယွၤထီဒါအဝဲသ့ၣ်တဘိယူၢ်ဃီ, တုၤလၢအဝဲမၤဟးဂီၤကွံာ်အဝဲ သ့ၣ်ခဲလၢာ်တစုန့ၣ်လီၤ.

လံာ်သိၣ်လီၤသီလီၤတၢ် 2:15 Iomraidhean Croise

စံးထီၣ်ပတြၢၤ 106:26

လၢတၢ်န့ၣ်အဃိ အဝဲဒၣ် ဟ့ၣ်လီၤအဝဲသ့ၣ်လၢ တၢ်ဟ့ၣ်ပလီၢ်လီၤတံၢ်လီၤဆဲးတမံၤ လၢကမၤသံကွံာ်အဝဲသ့ၣ်လၢပှၢ်မုၢ်ကနၢ,

စံးထီၣ်ပတြၢၤ 32:4

ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 78:33

မၤသးဒ်န့ၣ်ဒီး, အဝဲမၤလၢာ်ကွံာ်အဝဲသ့ၣ်အမုၢ်နံၤတဖၣ် လၢတၢ်ကလီကလီအပူၤ, ဒီးအနံၣ်အလါတဖၣ်လၢတၢ်ကိၢ်တၢ်ဂီၤအပူၤလီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်တၢ်ဂံၢ် 14:28

ခဲအံၤဟ့ၣ်အဝဲသ့ၣ်လၢတၢ်စံးဆၢအံၤတက့ၢ်. “ယဆိၣ်လီၤယသးလၢ, ဒ်ယမူယဲအသိး, ယကမၤတၢ်လၢသုဂီၢ်ဒ်သုဃ့တ့ၢ်တၢ်အသိးန့ၣ်လီၤ. ယၤ, ယွၤစံးလံတၢ်လံ.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:15

ဖဲအဝဲသ့ၣ်လဲၤဒုးတၢ်တဘျီဘျီလၢ်လၢ်န့ၣ်, ယွၤထီဒါအဝဲသ့ၣ်, ဒ်အစံးတ့ၢ်ဝဲအသိးန့ၣ်လီၤ. ဒီးအဝဲသ့ၣ်အိၣ်လၢတၢ်သးဟးဂီၤဖးဒိၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:6

ယွၤစံၣ်ညီၣ်ဝ့ၢ်အၤစဒိးအပှၤဂီၢ်မုၢ်တဖၣ်ဆါဆါကလဲာ်ဒီးမၤပျံၤမၤဖုးအီၤလီၤ. ယွၤစံၣ်ညီၣ်အဝဲသ့ၣ်ဒီးကယဲၢ်ပှၤအိၣ်ဝးတရံးဖဲတၢ်လီၢ်န့ၣ် ခီဖျိတၢ်ဒုးလီၤဘၣ်အဝဲသ့ၣ်လၢ ကအိၣ်ဒီးတၢ်ဆါအချံထီၣ်ဒီးညိး တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:13

မၤသးဒ်န့ၣ်ဒီး, ပှၤဖလ့ၡသးဖိတဖၣ်ဘၣ်တၢ်မၤနၢၤကွံာ်အီၤဒီး ယွၤတြီဃာ်အဝဲသ့ၣ်လၢတၢ်နုာ်လီၤဒုးကီၢ်အံၣ်စရ့လးအလီၢ် ကဝီၤန့ၣ်တစိၤဒၣ်စီၤၡမူအ့လးအိၣ်မူဝဲအဖၢမုၢ်န့ၣ်လီၤ.