လံာ်သိၣ်လီၤသီလီၤတၢ် 2:14 - Sgaw Karen Common Bible

¹⁴ တၢ်အံၤမ့ၢ်ဖဲပဟးထီၣ်ကွံာ်လၢဝ့ၢ်ကၤဒ့ၣ်ဘၢ်န့အကီၢ်အလီၢ်ခံ သၢဆံဃိးနံၣ်န့ၣ်လီၤ. ကယဲၢ်ပှၤဒုးတၢ်ယၤတၢ်ဖိလၢပှၤတစိၤန့ၣ်သံလၢာ်လံဝဲဒ်ယွၤစံး တ့ၢ်လၢပဝဲသ့ၣ်ကဘၣ်သံအသိးန့ၣ်လီၤ.

လံာ်သိၣ်လီၤသီလီၤတၢ် 2:14 Iomraidhean Croise

စံးထီၣ်ပတြၢၤ 106:26

လၢတၢ်န့ၣ်အဃိ အဝဲဒၣ် ဟ့ၣ်လီၤအဝဲသ့ၣ်လၢ တၢ်ဟ့ၣ်ပလီၢ်လီၤတံၢ်လီၤဆဲးတမံၤ လၢကမၤသံကွံာ်အဝဲသ့ၣ်လၢပှၢ်မုၢ်ကနၢ,

စံးထီၣ်ပတြၢၤ 90:15

ဟ့ၣ်လၢ်ပှၤတၢ်သူၣ်ခုသးခုဒိၣ်ဒိၣ်အါအါခဲအံၤ, ဒ်နဟ့ၣ်တ့ၢ်ပှၤတၢ်သူၣ်အုးသးအုး လၢတၢ်သူၣ်ကိၢ်သးဂီၤအနံၣ်အလါ တဖၣ်အပူၤအသိးန့ၣ်တက့ၢ်.

စံးထီၣ်ပတြၢၤ 90:3

နဒုးဃၣ်က့ၤပှၤကညီဆူဖၣ်ဆါ, ဒီးစံး, “ပှၤကညီဖိသ့ၣ်ဧၢ, က့ၤက့ၤဆူလီၢ်ခံန့ၣ်တက့ၢ်.”

စံးထီၣ်ပတြၢၤ 90:9

အဂ့ၢ်ဒ်အံၤ, ပမုၢ်နံၤမုၢ်သီခဲလၢာ် လဲၤပူၤကွံာ်ဝဲလၢနတၢ်သးထီၣ်အပူၤ, ဒီးပနံၣ်ပလါကတၢၢ်ကွံာ်ဝဲလီၤဂာ်ဒ် တၢ်ကအုကစွါအသိးန့ၣ်လီၤ.

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်တၢ်ဂံၢ် 1:1

ဖဲကီၢ်အံၣ်စရ့လးအပှၤဂီၢ်မုၢ်ဟးထီၣ်ကွံာ်လၢကီၢ်အဲၤကူပတူး အပူၤ, ပူၤကွံာ်ခံနံၣ်တနံၣ်, လါခံလါတလါထီၣ်အခီၣ်ထံးကတၢၢ်တသီ န့ၣ်ယွၤကတိၤတၢ်ဒီးစီၤမိၤၡ့လၢယွၤအိၣ်ဝဲဆိးဝဲ အဒဲစီဆှံပူၤလၢကစၢၢ်စံၤနါအပှၢ်မုၢ်ကနၢပူၤန့ၣ်လီၤ. ယွၤစံးဝဲဒၣ်,

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 32:11

ယဆိၣ်တၢ်လၢမ့ၢ်လၢအဝဲသ့ၣ်အသူၣ်တတီအသးတရၤဒီးယၤအဃိ, ပှၤပိာ်ခွါလၢအသးအိၣ်ခံဆံနံၣ်ဒီးဆူအဖီခိၣ်လၢအ ဟးထီၣ်လၢကီၢ်အဲၤကူပတူးအပူၤန့ၣ်, တလဲၤနုာ်ဘၣ်ဆူကီၢ်လၢ ယအၢၣ်လီၤအီလီၤတ့ၢ်ဒီးစီၤအၤဘြၤဟၣ်, စီၤအံၤစဲး, ဒီးစီၤယၤကိာ်န့ၣ်နီတဂၤဘၣ်.

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 1:2

(တၢ်လဲၤကျဲလၢကစၢၢ်စံၤနါဆူကၤဒ့ၣ်ဘၢ်နံခီဖျိကီၢ်အဒိၣ် အတၢ်လူၢ်တၢ်တြီၤအကျဲန့ၣ်, ယံာ်ဝဲတဆံတသီန့ၣ်လီၤ.)

လံာ်သိၣ်လီၤသီလီၤတၢ် 1:46

လၢတၢ်န့ၣ်အဃိ, ပအိၣ်ဆိးလၢဝ့ၢ်ကၤဒ့ၣ်အပူၤအါနံၤအါသီန့ၣ် လီၤ.

လံာ်သိၣ်လီၤသီလီၤတၢ် 2:13

အန့ၣ်ဝံၤဒီး, ပခီဂာ်ထံကျိစ့ရ့းဒ်ယွၤတဲတ့ၢ်ပှၤလၢပကဘၣ် မၤအီၤအသိးန့ၣ်လီၤ.

လံာ်သိၣ်လီၤသီလီၤတၢ် 2:16

ဖဲအဝဲသ့ၣ်သံကွံာ်ခဲလၢာ်န့ၣ်, ယွၤစံးဘၣ်ပှၤ, ‘တနံၤအံၤသုကဘၣ်လဲၤခီဂာ်ကီၢ်မိၤအးအလီၢ်ကဝီၤခီဖျိ ဝ့ၢ်ဧၢ်န့ၣ်လီၤ.

လံာ်သိၣ်လီၤသီလီၤတၢ် 2:7

သ့ၣ်နီၣ်ထီၣ်က့ၤလၢသုမၤတ့ၢ်ယွၤ, သုကစၢ်ယွၤလၢကယဲၢ်တၢ်ကိးမံၤဒဲးအပူၤဒ်လဲၣ်န့ၣ်တက့ၢ်. အဝဲအံးထွဲကွၢ်ထွဲတ့ၢ်သုဖဲသုလဲၤဝ့ၤဝီၤတၢ်လၢ ပှၢ်မုၢ်ကနၢဖးလဲၢ်တဘ့ၣ်အံၤအပူၤအခါန့ၣ်လီၤ. အဝဲအိၣ်တ့ၢ်ဒီးသုလၢအနံၣ်လွံၢ်ဆံအတီၢ်ပူၤအံၤဒီးသုအိၣ် ဒီးကယဲၢ်တၢ်ကိးမံၤဒဲးလၢသုလိၣ်ဘၣ်အီၤန့ၣ်လီၤ.

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.

လံာ်စီၤယိၤၡူ 5:4

ဒီးတၢ်အဂ့ၢ်အခၢးလၢစီၤယိၤၡူကူးတရံးအဝဲ သ့ၣ်မ့ၢ်ဒ်အံၤလီၤ. ပိာ်ခွါခဲလၢာ်လၢအဟးထီၣ်လၢကီၢ်အဲၤကူပတူး, ပှၤလၢအဒုးသုးခဲလၢာ်, သံဝဲလၢကျဲလၢပှၢ်မုၢ်ကနၢအပူၤဖဲ အဟးထီၣ်ဝံၤအလီၢ်ခံန့ၣ်လီၤ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.