လံာ်သိၣ်လီၤသီလီၤတၢ် 2:10 - Sgaw Karen Common Bible

¹⁰ (ပှၤတကလုာ်လၢအဂံၢ်ဆူၣ်ဘါဆူၣ်ဒီးအနီၢ်ဒိၣ်နီၢ်သွါလၢအဘၣ်တၢ် ကိးအီၤလၢပှၤအ့ၣ်မ့းဖိတဖၣ်ညီနုၢ်အိၣ်ဆိးဝဲဖဲဝ့ၢ်ဧၢ်န့ၣ်လီၤ. အဝဲသ့ၣ်အနီၢ်ထီဝဲထဲသိးသိးပှၤဧနးဖိတဖၣ်လၢအမ့ၢ်ပှၤနီၢ် ဒိၣ်နီၣ်သွါတကလုာ်န့ၣ်လီၤ.

လံာ်သိၣ်လီၤသီလီၤတၢ် 2:10 Iomraidhean Croise

လံာ်တၢ်ကဲထီၣ်အခီၣ်ထံး 14:5

ဒီးလၢတဆံလွံၢ်နံၣ်တနံၣ်န့ၣ်စီၤပၤစီၤကဒၢ်လဧိမ့ၢ်ဒီးအသိၣ် အမှံၤစီၤပၤအဂၤသ့ၣ်တဖၣ်ဟဲလၢအသုးမုၢ်ဒၣ်ဝဲဒီးမၤနၢၤပှၤ ရၤဖၤဖိအိၣ်လၢဝ့ၢ်ဧၤၡတါရိၤကၢ်နါယံၣ်, ပှၤစူစၤဖိအိၣ်လၢကီၢ်ဟၣ်အပူၤ, ပှၤအ့ၣ်ဖိအိၣ်လၢၡၤဝ့ကးရ ယးသံၣ်အတၢ်ပျီပူၤ,

လံာ်စီၤၡမူၤအ့လးခံဘ့ၣ်တဘ့ၣ် 21:16

ပှၤဖးဒိၣ်တဂၤလၢအမံၤမ့ၢ် စီၤယံၡဘနိးလၢအစိာ်ဘီတိၢ်ဘီလၢအတယၢၢ်ဃၢဝဲၡက့လးသၢကယၤ, ဒီးသိးဃာ်နးအသီတဘ့ၣ်န့ၣ်, ဆိကမိၣ်ဝဲလၢအမၤသံစီၤဒၤဝံး ကန့ၢ်န့ၣ်လီၤ.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 2:11

ဒ်ပှၤဧနးဖိတဖၣ်အသိး, အဝဲသ့ၣ်ဘၣ်တၢ်သ့ၣ်ညါအီၤဒ်ရးဘးဖိ အသိးန့ၣ်လီၤ. မ့မ့ၢ်ပှၤမိၤအးဖိတဖၣ်ကိးအဝဲသ့ၣ်လၢပှၤအ့ၣ်မ့းဖိတဖၣ်န့ၣ်လီၤ.