လံာ်သိၣ်လီၤသီလီၤတၢ် 2:1 - Sgaw Karen Common Bible

¹ ဒီးလၢခံကတၢၢ်ပဃၣ်ကဒါက့ၤပသး, ဒီးလဲၤနုာ်ဆူပှၢ်မုၢ်ကနၢအပူၤ, လၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ်အလိၤ, ဒ်ယွၤဟ့ၣ်လီၤအကလုၢ်အသိး, ဒီးပလဲၤဝ့ၤဝီၤတၢ်အါနံၤအါသီ လၢကီၢ်အဒိၣ်လၢအပှဲၤဒီးတၢ်လူၢ်တၢ်တြီၤတဖၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 2:1 Iomraidhean Croise

လံာ်တၢ်ဂံၢ် 14:25

လၢခဲအံၤအတၢ်လူၢ်တၢ်တြီၤအပူၤ, ပှၤဧမၤလ့းဖိတဖၣ်ဒီးပှၤ ကနၤဧၣ်ဖိတဖၣ်အိၣ်ဆိးဝဲန့ၣ်လီၤ. ခဲမုၢ်ဆ့ၣ်တနံၤန့ၣ်ဃၣ်ကဒါက့ၤဒီးလဲၤနုာ်ဆူပှၢ်မုၢ်ကနၢလၢ ကျဲလဲၤဆူအၤကဘၢ်အပီၣ်လဲၣ်က့ၣ်ကွီၤန့ၣ်တက့ၢ်.”

လံာ်တၢ်ဂံၢ် 21:4

ပှၤအံၣ်စရ့လးဖိတဖၣ်ဟးထီၣ်ကွံာ်လၢကစၢၢ်ဃိၢ်လၢကျဲလၢ အလဲၤလီၤဆူပီၣ်လဲၣ်က့ၣ်ကျီၤအၤကဘၢ်ဒ်သိးကလဲၤတရံးကွံာ်ကီၢ် အဒိၣ်အကီၢ်ဆၢန့ၣ်လီၤ. ဘၣ်ဆၣ်ဒီးလၢကျဲန့ၣ်ပှၤဂီၢ်မုၢ်အတၢ်ဝံသးစူၤလီၤမၢ်ဝဲ,

လံာ်သိၣ်လီၤသီလီၤတၢ် 1:2

(တၢ်လဲၤကျဲလၢကစၢၢ်စံၤနါဆူကၤဒ့ၣ်ဘၢ်နံခီဖျိကီၢ်အဒိၣ် အတၢ်လူၢ်တၢ်တြီၤအကျဲန့ၣ်, ယံာ်ဝဲတဆံတသီန့ၣ်လီၤ.)

လံာ်သိၣ်လီၤသီလီၤတၢ် 1:40

မ့မ့ၢ်သုဝဲပှၤဂီၢ်မုၢ်အံၤ, ဃၣ်ကဒါက့ၤသုသးဒီးက့ၤကဒါ က့ၤဆူပှၢ်မုၢ်ကနၢအပူၤလၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ် န့ၣ်တက့ၢ်.

လံာ်သိၣ်လီၤသီလီၤတၢ် 11:4

သုထံၣ်ဘၣ်ယွၤတြူာ်ကွံာ်ကီၢ်အဲၤကူပတူးအသုးမုၢ်သံၣ်ဘိ လၢာ်လၢာ်ဆ့ဆ့ဃုာ်ဒီးအဝဲသ့ၣ်အကသ့ၣ်တဖၣ်, ဒီးလ့ၣ်ကဟၣ်ဒုးသုးတဖၣ်ဒ်လဲၣ်ဒ်လဲၣ်, ခီဖျိတၢ်မၤလီၤဘျၢ ကွံာ်အီၤလၢပီၣ်လဲၣ်ဂီၤအပူၤဖဲအဝဲသၣ်ဟဲလူၤထွဲသုအခါန့ၣ် လီၤ.

လံာ်သိၣ်လီၤသီလီၤတၢ် 2:2

တုၤနုၤတစု, ယွၤစံးဘၣ်ယၤလၢ, ပသူတၢ်ဆၢကတီၢ်လၢတၢ်လဲၤဝ့ၤဝီၤတၢ်လၢတၢ်လူၢ်တၢ်တြီၤတဖၣ် အကျါန့ၣ်လၢလံအဃိ, ပကဘၣ်လဲၤထီၣ်ဆူကလံၤစိးတခီန့ၣ်လီၤ.

လံာ်ပှၤစံၣ်ညီၣ်ကွီၢ် 11:18

တုၤနုၤတစု, အဝဲသ့ၣ်လဲၤခီဖျိမဲးမုၢ်ခိၣ်ဒီးလဲၤတရံးကီၢ်အဒိၣ်ဒီးကီၢ်မိၤအး တုၤအတုၤလၢကီၢ်မိၤအးအမုၢ်ထီၣ်ဖဲထံကျိအၢ်နိၣ်အဘးခီန့ၣ်လီၤ. အဝဲသ့ၣ်သူၣ်အဒဲဖဲန့ၣ်ဘၣ်ဆၣ်ဒီးတလဲၤခီဂာ်ထံကျိအၢ်နိၣ်ဘၣ်. အဂ့ၢ်ဒ်အံၤ, မ့ၢ်ဝဲကီၢ်မိၤအးအထံဆၢကီၢ်ဆၢန့ၣ်လီၤ.