လံာ်သိၣ်လီၤသီလီၤတၢ် 19:5 - Sgaw Karen Common Bible

⁵ အဒိ, ပှၤခံဂၤလဲၤသကိးတၢ်ဒ်သိးသိးဆူသ့ၣ်ပှၢ်ကျါလၢကကျီ သ့ၣ်, ဒီးဖဲပှၤအကျါတဂၤကျီတဲာ်သ့ၣ်တထူၣ်အခါ, ကွါအကနၣ်မ့ၢ်ဖျ့ထီၣ်လၢအတိၢ်ဒီးမၤသံဘၣ်ပှၤအဂၤတဂၤန့ၣ်, အဝဲလဲၤဃ့ၢ်ဆူဝ့ၢ်သၢဝ့ၢ်န့ၣ်အကျါတဝ့ၢ်ဒ်သိးကပူၤဖျဲးဝဲ အဂီၢ်သ့လီၤ.

လံာ်သိၣ်လီၤသီလီၤတၢ် 19:5 Iomraidhean Croise

လံာ်စီၤပၤခံဘ့ၣ်တဘ့ၣ် 6:4

ဒီးအဝဲသ့ၣ်လဲၤသကိးတၢ်န့ၣ်လီၤ. တုၤအဝဲသ့ၣ်လဲၤတုၤဝဲဆူ ထံကျိယၢ်ဒ့ၣ်န့ၣ်အဝဲသ့ၣ်စးထီၣ်မၤတၢ်န့ၣ်လီၤ.

တၢ်ကတိၤဒိ. 27:12

ပှၤလၢအအိၣ်ဒီးတၢ်သူၣ်ဆးသးဆးန့ၣ်, ကထံၣ်ဆိတၢ်ကိၢ်တၢ်ဂီၤဟဲဝဲဒီးပဒ့ၣ်အီၤလီၤ. မ့မ့ၢ်, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်ဝဲဆူအပူၤလိၤ လိၤဒီးကပီၢ်ယၢ်လီၤက့ၤအသးလၢခံလီၤ.

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်တၢ်ဂံၢ် 35:25

ကမျၢၢ်ဒူၣ်ထၢကဘၣ်အုၣ်က့ၤခီၣ်က့ၤပှၤတဂၤလၢအမၤကမၣ်တၢ်လၢ အမၤသံဘၣ်ပှၤအဃိန့ၣ်, လၢပှၤသံတဂၤအဘူးအတံၢ်အစုပူၤ, ဒီးအဝဲသ့ၣ်ကဘၣ်ဆှၢကဒါက့ၤအီၤဆူဝ့ၢ်တၢ်ပူၤဖျဲးလၢ အဝဲအိၣ်ပူၤဖျဲးအလီၢ်န့ၣ်လီၤ. အဝဲကဘၣ်အိၣ်ဖဲန့ၣ်တုၤလၢ, ပှၤတဂၤလၢဖဲန့ၣ်အခါမ့ၢ်ပှၤလုၢ်တၢ်အခိၣ်အဒိၣ်, သံဝဲတစုန့ၣ်လီၤ.

လံာ်သိၣ်လီၤသီလီၤတၢ် 19:4

လၢတၢ်တပာ်သူၣ်ပာ်သးအပူၤ, ပှၤတဂၤမ့ၢ်မၤသံဘၣ်ပှၤတဂၤဂၤလၢ တမ့ၢ်ဘၣ်အဒုၣ်အဒါဒီးအဝဲလဲၤဃ့ၢ်ပူၤဖျဲးအသးဆူဝ့ၢ်တဖၣ်န့ၣ် အကျါတဖျၢၣ်ဖျၢၣ်အပူၤဒ်သိးကအိၣ်ဘံၣ်အိၣ်ဘၢအသး သ့ဝဲဒၣ်လီၤ.

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.