လံာ်သိၣ်လီၤသီလီၤတၢ် 19:4 - Sgaw Karen Common Bible

⁴ လၢတၢ်တပာ်သူၣ်ပာ်သးအပူၤ, ပှၤတဂၤမ့ၢ်မၤသံဘၣ်ပှၤတဂၤဂၤလၢ တမ့ၢ်ဘၣ်အဒုၣ်အဒါဒီးအဝဲလဲၤဃ့ၢ်ပူၤဖျဲးအသးဆူဝ့ၢ်တဖၣ်န့ၣ် အကျါတဖျၢၣ်ဖျၢၣ်အပူၤဒ်သိးကအိၣ်ဘံၣ်အိၣ်ဘၢအသး သ့ဝဲဒၣ်လီၤ.

လံာ်သိၣ်လီၤသီလီၤတၢ် 19:4 Iomraidhean Croise

လံာ်တၢ်ကဲထီၣ်အခီၣ်ထံး 31:2

ဒီးစီၤယၤကိာ်သ့ၣ်ညါနၢ်ပၢၢ်စ့ၢ်ကီးဝဲဒၣ်လၢစီၤလၤဘၣ်တသူၣ် အိၣ်သးအိၣ်အီၤဒ်လၢညါအသိးလၢၤဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:11

ပိာ်မုၣ်န့ၣ်စံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤဘါထုကဖၣ်တၢ်ဆူယွၤ, နကစၢ်ယွၤအအိၣ်ဒ်သိးယဘူးယတံၢ် လၢအအိၣ်မူအိၣ်ဒါလၢတၢ်ဟ့ၣ်ကၣ်က့ၤတၢ်လၢယဖိခွါအတၢ်သံအဃိ န့ၣ်, အသုတမၤတၢ်ကမၣ်လၢအဒိၣ်န့ၢ်ဒံးအလီၢ်တမံၤ, ခီဖျိတၢ်မၤသံကွံာ်ယဖိခွါအဂၤတဂၤအဃိတဂ့ၤ.” စီၤဒၤဝံးစံးဆၢဝဲဒၣ်, “ယအၢၣ်လီၤအီလီၤနၤလၢယွၤလၢအမူဝဲတဂၤအမံၤအပူၤလၢနဖိ ခွါတဘၣ်တၢ်မၤဆါအီၤဆံးကိာ်ဖိဒၣ်လဲာ်ဘၣ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 11:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ် နဆှၢတ့ၢ်အံၣ်စရ့လးအပှၤဂီၢ်မုၢ်လၢတၢ်ဒုးတၢ်ယၤအပူၤ, ဒီးနယွၤ, ကစၢ်ယွၤအၢၣ်လီၤနၤလၢနကမ့ၢ်ပှၤဆှၢအပှၤဂီၢ်မုၢ် ဒီးကဲထီၣ်ပှၤပၢဘၣ်အဝဲသ့ၣ်န့ၣ်လီၤ.”

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်တၢ်ဂံၢ် 35:12

ဖဲန့ၣ်အဝဲကပူၤဖျဲးဝဲဒီးပှၤသံတဂၤအဘူးအတံၢ်လၢအဃုတၢ် ဟ့ၣ်ကၣ်ကဒါက့ၤန့ၣ်လီၤ. မ့တမ့ၢ်ဘၣ်လၢကမျၢၢ်အကွီၢ်ဘၣ်တၢ်သမံသမိးအီၤဘၣ်န့ၣ်ပှၤတဂၤ လၢဘၣ်တၢ်စံးအီၤလၢအမၤသံတ့ၢ်ပှၤကညီန့ၣ်တၢ်တဘၣ်မၤသံအီၤ ဘၣ်.

လံာ်တၢ်ဂံၢ် 35:9

ယွၤစံးဘၣ်စီၤမိၤၡ့, လၢကတဲဘၣ်ကီၢ်အံၣ်စရ့လးအပှၤဂီၢ်မုၢ်ဒ်အံၤ, “ဖဲသုခီဂာ်ထံကျိယၢ်ဒ့ၣ်ဒီးလဲၤနုာ်ဆူကီၢ်ကနၤဧၣ်အပူၤန့ၣ်,

လံာ်သိၣ်လီၤသီလီၤတၢ် 19:3

အန့ၣ်တစု, ပှၤတဂၤလၢအမၤသံဘၣ်ပှၤတဂၤဂၤ, လဲၤဃ့ၢ်ပူၤဖျဲးအသးလၢတၢ်ဒီဒၣ်အိၣ်ပှိၤအဂီၢ်, ဆူဝ့ၢ်တဖၣ်န့ၣ်အကျါတဖျၢၣ်ဖျၢၣ်ကသ့ဝဲလီၤ.

လံာ်သိၣ်လီၤသီလီၤတၢ် 19:5

အဒိ, ပှၤခံဂၤလဲၤသကိးတၢ်ဒ်သိးသိးဆူသ့ၣ်ပှၢ်ကျါလၢကကျီ သ့ၣ်, ဒီးဖဲပှၤအကျါတဂၤကျီတဲာ်သ့ၣ်တထူၣ်အခါ, ကွါအကနၣ်မ့ၢ်ဖျ့ထီၣ်လၢအတိၢ်ဒီးမၤသံဘၣ်ပှၤအဂၤတဂၤန့ၣ်, အဝဲလဲၤဃ့ၢ်ဆူဝ့ၢ်သၢဝ့ၢ်န့ၣ်အကျါတဝ့ၢ်ဒ်သိးကပူၤဖျဲးဝဲ အဂီၢ်သ့လီၤ.

လံာ်သိၣ်လီၤသီလီၤတၢ် 19:6

ဝ့ၢ်မ့ၢ်အိၣ်ဒၣ်ထဲတဖျၢၣ်ဧိၤန့ၣ်, တၢ်ဒ့ၣ်စၢၤဆူဝ့ၢ်န့ၣ်ကယံၤ ကဲာ်ဆိး, ဒီးဘူးတံၢ်လၢအအိၣ်မူအိၣ်ဒါလၢကဘၣ်ဟ့ၣ်ကၣ်က့ၤတၢ်မၤသံ ကချုးန့ၢ်အီၤဒီးလၢအဝဲအတၢ်သးဒိၣ်အပူၤန့ၣ်ကမၤသံဘၣ်ပှၤလၢ အတၢ်ကမၣ်တအိၣ်တဂၤလီၤ. မ့ၢ်နာ်သက့ဒ်န့ၣ်ဒီး, အဝဲမၤသံဘၣ်ဒၣ်ပှၤတဂၤလၢတမ့ၢ်အဒုၣ်အဒါန့ၣ်, လၢတၢ်မၤဖုးမၤပျီၢ်အသးအဃိန့ၣ်လီၤ.

လံာ်သိၣ်လီၤသီလီၤတၢ် 4:42

ဖဲပှၤတဂၤမ့ၢ်မၤသံဘၣ်ဖုးပှၤတဂၤလၢတမ့ၢ်ဘၣ်အဒုၣ်အဒါလၢတၢ် တတိာ်သူၣ်ပာ်သးအပူၤဃ့ၢ်ပူၤဖျဲးအသးဒီးအိၣ်ဘံၣ်အိၣ်ဘၢဝဲ ကသ့အဂီၢ်န့ၣ်လီၤ. အဝဲဃ့ၢ်ပူၤဖျဲးအသးဆူဝ့ၢ်တဖၣ်န့ၣ်အကျါတဝ့ၢ်သ့ဝဲဒီးတဘၣ် တၢ်မၤသံဘၣ်အီၤဘၣ်.

လံာ်စီၤယိၤၡူ 3:4

လၢအပူၤကွံာ်န့ၣ်သုတတုၤလၢတၢ်လီၢ်အံၤနီတဘျီဘၣ်အဃိ, အဝဲသ့ၣ်ကဒုးနဲၣ်သုကျဲလၢသုကဘၣ်ပိာ်အီၤန့ၣ်လီၤ. ဘၣ်ဆၣ်ဒီးတဘၣ်လဲၤဘူးဒီးတၢ်အၢၣ်လီၤအီလီၤအတလါတဂ့ၤ. အိၣ်လၢအလီၢ်ခံအပျၢ်ခံကထိဃၣ်ဃၣ်တက့ၢ်.”