လံာ်သိၣ်လီၤသီလီၤတၢ် 19:3 - Sgaw Karen Common Bible

³ အန့ၣ်တစု, ပှၤတဂၤလၢအမၤသံဘၣ်ပှၤတဂၤဂၤ, လဲၤဃ့ၢ်ပူၤဖျဲးအသးလၢတၢ်ဒီဒၣ်အိၣ်ပှိၤအဂီၢ်, ဆူဝ့ၢ်တဖၣ်န့ၣ်အကျါတဖျၢၣ်ဖျၢၣ်ကသ့ဝဲလီၤ.

လံာ်သိၣ်လီၤသီလီၤတၢ် 19:3 Iomraidhean Croise

လံာ်ယၡါယၤ 35:8

ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 57:14

ယွၤစံးဝဲဒၣ်, “မ်ယပှၤဂီၢ်မုၢ်ဟဲက့ၤကဒါက့ၤဆူယအိၣ်တက့ၢ်. မ်တၢ်နိးတၢ်ဘျးကိးမံၤဒဲးလၢအကျဲသုးကွံာ်အသးတက့ၢ်. မ်ကျဲတဖၣ်ဘှီထီၣ်အသးဒီးအိၣ်ကတဲာ်ကတီၤအသးတက့ၢ်.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်သိၣ်လီၤသီလီၤတၢ် 19:2

နီၤဖးလီၤလီၢ်ကဝီၤတဖၣ်သၢတီၤ, လၢတတီၤစုာ်စုာ်အိၣ်ဒီးဝ့ၢ်တဖျၢၣ်လၢတၢ်လဲၤတုၤအီၤသ့ဝဲညီကဒၣ်န့ၣ်တက့ၢ်.

လံာ်သိၣ်လီၤသီလီၤတၢ် 19:4

လၢတၢ်တပာ်သူၣ်ပာ်သးအပူၤ, ပှၤတဂၤမ့ၢ်မၤသံဘၣ်ပှၤတဂၤဂၤလၢ တမ့ၢ်ဘၣ်အဒုၣ်အဒါဒီးအဝဲလဲၤဃ့ၢ်ပူၤဖျဲးအသးဆူဝ့ၢ်တဖၣ်န့ၣ် အကျါတဖျၢၣ်ဖျၢၣ်အပူၤဒ်သိးကအိၣ်ဘံၣ်အိၣ်ဘၢအသး သ့ဝဲဒၣ်လီၤ.

လံာ်သိၣ်လီၤသီလီၤတၢ် 26:1

တုၤသုမၤန့ၢ်ကီၢ်လၢယွၤသုကစၢ်ယွၤဟ့ၣ်လီၤသုဒီးသူၣ်လီၤ သုတၢ်အိၣ်တၢ်ဆိးအလီၢ်ဖဲန့ၣ်ဝံၤအလီၢ်ခံန့ၣ်

လံာ်သိၣ်လီၤသီလီၤတၢ် 4:21

လၢသုဃိန့ၣ်, ယွၤသုကစၢ်ယွၤသးဒိၣ်ဘၣ်ယၤ, ဒီးဘိးဘၣ်သ့ၣ်ညါထီၣ်ဝဲသမှံၤသပှၢ်လၢယတဘၣ်လဲၤခီဂာ်ထံကျိ ယၢ်ဒ့ၣ်ဒ်သိးယကလဲၤနုာ်ဆူကီၢ်တဘ့ၣ်လၢအအိၣ်ဒီးဟီၣ်ခိၣ်ညၣ် ထ့ၣ်အဂ့ၤ, လၢအဝဲဟ့ၣ်လီၤသုအပူၤဘၣ်န့ၣ်လီၤ.

ဧ့ၤဘြံၤ 12:13

ကတဲာ်ကတီၤကျဲအလိၤအဘျၢလၢသုခီၣ်အဂီၢ်ဒ်သိးခီၣ်လၢ အဟးဂီၤန့ၣ်, အသုတလီၤဖျုတဂ့ၤဒီးကဘျါက့ၤဝဲအဂီၢ်န့ၣ်တက့ၢ်.