လံာ်သိၣ်လီၤသီလီၤတၢ် 19:12 - Sgaw Karen Common Bible

¹² လၢတၢ်ဂ့ၢ်ဒ်န့ၣ်အသိးအဂီၢ်န့ၣ်, အဝဲအနီၢ်ကစၢ်ဒၣ်ဝဲအဝ့ၢ်အပှၤ ခိၣ်ပှၤနၢ်တဖၣ်ကဘၣ်မၤလိာ်က့ၤအီၤဒီးဟ့ၣ်လီၤအီၤဆူ ဘူးတံၢ်အိၣ်မူအိၣ်ဒါလၢကဟ့ၣ်ကၣ်က့ၤတၢ်မၤသံအဂီၢ်အစုပူၤ, ဒ်သိးအဝဲကဘၣ်တၢ်မၤသံကွံာ်အီၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 19:12 Iomraidhean Croise

လံာ်တၢ်ကဲထီၣ်အခီၣ်ထံး 9:5

ဒီးကယဲၢ်ပှၤတဂၤလၢ်လၢ်လၢအဟံးန့ၢ်ပှၤအသးသမူန့ၣ်ကဘၣ်တၢ်စံၣ် ညီၣ်အီၤလီၤ. ကယဲၢ်ဆၣ်ဖိကီၢ်ဖိတဒုဒုလၢအဟံးန့ၢ်ပှၤကညီအသးသမူန့ၣ် ယကစံၣ်ညီၣ်အီၤလၢတၢ်သံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:7

ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 19:11

ဘၣ်ဆၣ်ဒီး, ဘၣ်သ့ၣ်သ့ၣ်ပှၤတဂၤကကူၣ်ထီၣ်ဖးလီၤမၤသံ အဒုၣ်အဒါလၢအသွံၣ်ခုၣ်အပူၤ, ဝံၤဒီးကဃ့ၢ်ပူၤဖျဲးအသးဆူ ဝ့ၢ်တဖၣ်န့ၣ်အကျါတဖျၢၣ်လၢတၢ်ဒီဒၣ်အိၣ်ပှိၤအဂီၢ်လီၤ.

လံာ်သိၣ်လီၤသီလီၤတၢ် 19:13

ဒုးနဲၣ်တၢ်သးကညီၤလၢအီၤနီတစဲးတဂ့ၤ. ဒုးပူၤဖျဲးကီၢ်အံၣ်စရ့လးဒီးပှၤမၤသံတၢ်အံၤ, ဒ်သိးကယဲၢ်တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်ဒီးသုတက့ၢ်.

လံာ်သိၣ်လီၤသီလီၤတၢ် 27:24

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”