လံာ်သိၣ်လီၤသီလီၤတၢ် 19:1 - Sgaw Karen Common Bible

¹ ဖဲယွၤ, သုကစၢ်ယွၤမၤဟးဂီၤကွံာ်ပှၤဂီၢ်မုၢ်တဖၣ်လၢအဝဲဟ့ၣ် လီၤသုလၢအဝဲသ့ၣ်အထံအကီၢ်ဝံၤ, ဒီးဖဲသုဟံးန့ၢ်ကွံာ်အဝဲ သ့ၣ်အဝ့ၢ်တဖၣ်ဒီးအဟံၣ်အဃီတဖၣ်ဒီးသူၣ်လီၤသုအိၣ်သုဆိးအလီၢ် ဖဲန့ၣ်ဝံၤအလီၢ်ခံန့ၣ်,

လံာ်သိၣ်လီၤသီလီၤတၢ် 19:1 Iomraidhean Croise

လံာ်တၢ်ဟးထီၣ်ကွံာ် 21:13

ဘၣ်ဆၣ်ဒီးတၢ်န့ၣ်မ့မ့ၢ်တၢ်ကဲထီၣ်အသးလၢတၢ်တပာ်သူၣ်ပာ်သး အပူၤဒီးတမ့ၢ်လၢတၢ်အဲၣ်ဒိးမၤသံအီၤအဃိဘၣ်ဒီးအဝဲဃ့ၢ်ပူၤ ဖျဲးအသးဆူတၢ်လီၢ်တပူၤလၢယကဃုထၢန့ၢ်သုဒီးဖဲန့ၣ်အဝဲအိၣ် ပူၤအိၣ်ဖျဲးသ့ဝဲဒၣ်လီၤ.

လံာ်တၢ်ဂံၢ် 35:11

သုကဘၣ်ဃုထၢတၢ်ပူၤဖျဲးအဝ့ၢ်တဖၣ်, လၢပှၤတဂၤလၢအမၤသံဘၣ် ပှၤအဂၤတဂၤလၢတၢ်တပာ်သူၣ်ပာ်သးအပူၤန့ၣ်လဲၤဃ့ၢ်ပူၤဖျဲးအသး ကသ့အဂီၢ်န့ၣ်လီၤ.

လံာ်တၢ်ဂံၢ် 35:9

ယွၤစံးဘၣ်စီၤမိၤၡ့, လၢကတဲဘၣ်ကီၢ်အံၣ်စရ့လးအပှၤဂီၢ်မုၢ်ဒ်အံၤ, “ဖဲသုခီဂာ်ထံကျိယၢ်ဒ့ၣ်ဒီးလဲၤနုာ်ဆူကီၢ်ကနၤဧၣ်အပူၤန့ၣ်,

လံာ်သိၣ်လီၤသီလီၤတၢ် 12:1

အအံၤမ့ၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢသုကဘၣ်စူၢ်အီၤဖဲ သုအိၣ်ဆိးဒံးဝဲလၢကီၢ်တဘ့ၣ်လၢယွၤ, မိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ. ဒိကနၣ်အီၤတက့ၢ်.

လံာ်သိၣ်လီၤသီလီၤတၢ် 12:29

ယွၤသုကစၢ်ယွၤကမၤဟးဂီၤကွံာ်ပှၤကလုာ်တဖၣ်ဖဲသုလဲၤနုာ်လီၤ ဒုးအဝဲသ့ၣ်အထံအကီၢ်, ဒီးသုကမၤန့ၢ်အီၤဒီးအိၣ်ဆိးဖဲန့ၣ်လီၤ.

လံာ်သိၣ်လီၤသီလီၤတၢ် 17:14

တုၤသုမၤန့ၢ်ကီၢ်လၢယွၤသုကစၢ်ယွၤဟ့ၣ်လီၤသုဒီးအိၣ်ဆိး ဖဲန့ၣ်, ဝံၤဒီး, အန့ၣ်တစုသုကဘၣ်စံၣ်ညီၣ်တဲာ်လၢသုလိၣ်ဘၣ်စီၤပၤတဂၤ ဒ်ပှၤကလုာ်ဂၤခဲလၢာ်လၢအအိၣ်ဝးတရံးသုအသိးန့ၣ်လီၤ.

လံာ်သိၣ်လီၤသီလီၤတၢ် 6:10

ဒ်ယွၤ, သုကစၢ်ယွၤအၢၣ်လီၤတ့ၢ်သုပၢ်ဖးဒိၣ်လၢပျၢၤတဖၣ်လၢ အမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်အသိး, အဝဲကဟ့ၣ်လီၤသုလၢကီၢ်တဘ့ၣ်လၢအအိၣ်ဒီးဝ့ၢ်ဖးဒိၣ်လၢအထူး အတီၤတဖၣ်, လၢသုတသူၣ်ထီၣ်ဘှီထီၣ်တ့ၢ်အီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 6:11

ဟံၣ်တဖၣ်ကပှဲၤဝဲဒီးတၢ်အပီးအလီအဂ့ၤတဖၣ်လၢသုတဒၢနုာ်တ့ၢ် အီၤဘၣ်, ဒီးထံပူၤတဖၣ်လၢသုတခူၣ်လီၤဘၣ်အီၤန့ၣ်ကအိၣ်ဝဲ, ဒီးစပံးလီၢ်တဖၣ်, သ့ၣ်စၤယံးအတၤသၣ်လီၢ်တဖၣ်, လၢသုတသူၣ်လီၤဘၣ်အီၤန့ၣ်လီၤ. ဖဲယွၤဆှၢသုဆူကီၢ်အံၤအ ပူၤ, ဒီးသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤန့ၣ်,

လံာ်စီၤယိၤၡူ 20:1

ဒီးယွၤစံးဘၣ်စီၤယိၤၡူ, “စံးဘၣ်ပှၤအံၣ်စရ့လးဖိတဖၣ်ဒ်သိးအကဃုထၢဝ့ၢ်တဖၣ်လၢတၢ်ပူၤဖျဲးအဂီၢ် ဒ်ယစံးဘၣ်တ့ၢ်သုခီဖျိစီၤမိၤၡ့အသိးတက့ၢ်.

လံာ်စီၤယိၤၡူ 24:13

ယဟ့ၣ်လီၤသုကီၢ်လၢသုတမၤဘၣ်တၢ်လၢအဂီၢ်, ဒီးဝ့ၢ်တဖၣ်လၢသုတတ့ထီၣ်ဘှီထီၣ်အီၤဘၣ်န့ၣ်လီၤ. ဒီးအခဲအံၤသုအိၣ်သုဆိးလၢအပူၤဒီးသုအီၣ်စပံးသၣ်လၢ စပံးမုၢ်လၢသုတသူၣ်လီၤဖျးလီၤအီၤဘၣ်, ဒီးသ့ၣ်စၤယံးအထူၣ်တဖၣ်လၢသုတသူၣ်လီၤဖျးလီၤအီၤဘၣ်န့ၣ်လီၤ.