လံာ်သိၣ်လီၤသီလီၤတၢ် 18:22 - Sgaw Karen Common Bible

²² ဝံတဂၤမ့ၢ်ကတိၤတၢ်လၢယွၤအမံၤအပူၤဒီးတၢ်လၢအဝဲစံးန့ၣ် မ့ၢ်တလၢထီၣ်ပှဲၤထီၣ်ဘၣ်ဒီး, တၢ်န့ၣ်တမ့ၢ်ဘၣ်ယွၤအတၢ်ကစီၣ်ဘၣ်. ဝံန့ၣ်ကတိၤလံတၢ်လၢအစိ ကမီၤဒၣ်အဖီခိၣ်, ဒီးသုတဘၣ်ပျံၤအီၤန့ၣ်ဘၣ်.

လံာ်သိၣ်လီၤသီလီၤတၢ် 18:22 Iomraidhean Croise

လံာ်စီၤပၤအခီၣ်ထံးတဘ့ၣ် 22:28

စီၤမံၤကါယၤစံးဝဲ, “နမ့ၢ်ဟဲက့ၤမုာ်မုာ်န့ၣ်ဒီးယွၤတကတိၤဘၣ်တၢ်ခီဖျိယၤန့ၣ်ဘၣ်.” ဒီးစံးအါထီၣ်ဝဲ, “ပှၤကိးဂၤဒဲးဧၢ, ဒိကနၣ်တၢ်လၢယစံးတ့ၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

တၢ်ကတိၤဒိ. 26:2

နမ့ၢ်တကြၢးဒိးဘၣ်အီၤဒီး, တၢ်ဆိၣ်အၢတဖၣ်မၤဘၣ်ဒိဘၣ်ထံးနၤ တသ့ဘၣ်. တၢ်တဖၣ်န့ၣ်လီၤဂာ်ဒ်ထိၣ်တဖၣ်လၢအယူၤပူၤကွံာ်ဝဲဒီး တစီၢ်လီၤနီတဘျီဘၣ်အသိးန့ၣ်လီၤ.

လံာ်ယၡါယၤ 41:22

ဟဲဖဲအံၤဒီးတဲဆိပာ်စၢၤတၢ်လၢအကမၤအသး, ဒ်သိးပကသ့ၣ်ညါအီၤဖဲအမၤအသးအဆၢကတီၢ်န့ၣ်တက့ၢ်. တၢ်လၢအမၤအသးလၢအပူၤကွံာ်တဖၣ်အဂ့ၢ်န့ၣ်တဲဖျါထီၣ်လၢကွီၢ် ဘျီၣ်အပူၤတက့ၢ်. ဒီးတဲပှၤအခီပညီမ့ၢ်တၢ်မနုၤလဲၣ်န့ၣ်တက့ၢ်.

လံာ်ယိၤနါ 3:4

စီၤယိၤနါစးထီၣ်လဲၤနုာ်လၢဝ့ၢ်ပူၤ, လဲၤတၢ်တနံၤအကျဲဒီးကိးထီၣ်ဝဲ, “အိၣ်တီၢ်ဒၣ်အနံၤလွံၢ်ဆံလၢဝ့ၢ်နံၤနဝ့ကဘၣ်တၢ်မၤဟးဂီၤ ကွံာ်အီၤန့ၣ်လီၤ.”

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 18:21

ဖဲဝံတဂၤအတၢ်ကစီၣ်တမံၤတဟဲဘၣ်လၢယွၤအအိၣ်ဘၣ်န့ၣ်, သုကအဲၣ်ဒိးသ့ၣ်ညါလၢသုတဲအီၤကသ့ဒ်လဲၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:19

တုၤစီၤၡမူၤအ့လးဒိၣ်ထီၣ်ဝဲဒီး, ယွၤအိၣ်ဒီးအီၤဒီးမၤလၢ ထီၣ်ပှဲၤထီၣ်ကယဲၢ်တၢ်လၢစီၤၡမူၤအ့လးစံးဝဲခဲလၢာ်န့ၣ်လီၤ.