လံာ်သိၣ်လီၤသီလီၤတၢ် 18:16 - Sgaw Karen Common Bible

¹⁶ လၢမုၢ်တနံၤဖဲသုပာ်ဖှိၣ်တ့ၢ်သုသးလၢကစၢၢ်စံၤနါန့ၣ်, သုဃ့ကညးတ့ၢ်ဒ်သိးသုသုတနၢ်ဟူဘၣ်လၢၤယွၤကတိၤကဒီးတၢ်မ့တမ့ၢ်, ထံၣ်ဘၣ်ကဒီးအတၢ်သးကဲၤထီၣ်အိၣ်ဖျါဝဲန့ၣ်တဂ့ၤ. မ့ၢ်လၢသုပျံၤတၢ်လၢသုကသံဘၣ်ဖုးအဃိန့ၣ်လီၤ.

လံာ်သိၣ်လီၤသီလီၤတၢ် 18:16 Iomraidhean Croise

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်သိၣ်လီၤသီလီၤတၢ် 1:6

အဝဲစံးဝဲဒၣ်, “ဖဲပအိၣ်လၢကစၢၢ်စံၤနါန့ၣ်ယွၤ, ပကစၢ်ယွၤစံးဘၣ်ပှၤ, သုအိၣ်ဆိးတ့ၢ်ဖဲကစၢၢ်အံၤယံာ်တ့ၢ်လံ.

လံာ်သိၣ်လီၤသီလီၤတၢ် 10:4

အန့ၣ်ဒီး, ယွၤကွဲးလီၤတၢ်လၢလၢၢ်ဘ့ၣ်ဘၣ်တဖၣ်န့ၣ်အလိၤ, တၢ်ကတိၤတဖၣ်တမံၤဃီဒ်အကွဲးတ့ၢ်ဝဲလၢအခီၣ်ထံးတဘျီ အသိး, လၢအမ့ၢ်ဝဲတၢ်မၤလိာ်အထံၣ်တဆံလၢအဟ့ၣ်လီၤတ့ၢ်သုဖဲ အကတိၤတၢ်လၢမ့ၣ်အူအကျါလၢမုၢ်တနံၤဖဲသုပာ်ဖှိၣ်ထီၣ်သုသး ဖဲကစၢၢ်အံၤန့ၣ်လီၤ. ယွၤဟ့ၣ်လီၤယၤလၢလၢၢ်ဘ့ၣ်ဘၣ်တဖၣ်န့ၣ်,

လံာ်သိၣ်လီၤသီလီၤတၢ် 9:10

တုၤနုၤတစု, ယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်, ဒီးလၢအလိၤန့ၣ်အဝဲကွဲးလီၤတၢ်လၢအစုဒၣ်ဝဲ, တၢ်တဖၣ်လၢအဝဲစံးဘၣ်တ့ၢ်သုလၢမ့ၣ်အူအပူၤဖဲမုၢ်တနံၤလၢသု ပာ်ဖှိၣ်ထီၣ်တ့ၢ်သုသးဖဲန့ၣ်လၢကစၢၢ်န့ၣ်လီၤ.

ဧ့ၤဘြံၤ 12:19

ဒီးကွဲၤအသီၣ်ဒီးတၢ်ကတိၤအသီၣ်န့ၣ်ဘၣ်. တၢ်အသီၣ်အံၤဖဲပှၤနၢ်ဟူ အီၤန့ၣ်, ပှၤဃ့ကညးဝဲလၢအသုတနၢ်ဟူဘၣ်လၢၤဝဲတဂ့ၤန့ၣ်လီၤ.