လံာ်သိၣ်လီၤသီလီၤတၢ် 18:14 - Sgaw Karen Common Bible

¹⁴ အန့ၣ်ဝံၤဒီး, စီၤမိၤၡ့စံးဝဲဒၣ်, “လၢကီၢ်လၢသုကမၤန့ၢ် ဘၣ်အီၤအပူၤန့ၣ်, အပှၤဂီၢ်မုၢ်မၤထွဲပှၤတဖၣ်လၢအမၤတၢ်ဒုၣ်တၢ်ထု အတၢ်ဟ့ၣ်ကူၣ်ဟ့ၣ်ဖးအခံဒီးသံကွၢ်တၢ်လၢပှၤကွၢ်တၢ်ပနီၣ်တဖၣ်, ဘၣ်ဆၣ်ယွၤ, သုကစၢ်ယွၤတပျဲသုကမၤတၢ်အံၤန့ၣ်ဘၣ်.

လံာ်သိၣ်လီၤသီလီၤတၢ် 18:14 Iomraidhean Croise

လံာ်တၢ်ကဲထီၣ်အခီၣ်ထံး 20:6

ကစၢ်ယွၤစံးဆၢက့ၤအီၤလၢတၢ်မံမီၢ်အပူၤ, “မ့ၢ်လီၤ. ယသ့ၣ်ညါလၢနမၤတ့ၢ်တၢ်အံၤလၢတၢ်သးကဆှီ အပူၤလီၤ. လၢတၢ်န့ၣ်အဃိယဟံးဃာ်နၤဒ်သိးနသုတမၤတၢ်ဒဲးဘး ထီဒါယၤဒီးယတပျဲနထိးဘၣ်စ့ၢ်ကီးအီၤဘၣ်.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်ယၡါယၤ 2:6

အိကစၢ်ယွၤဧၢ, နညိကွံာ်တ့ၢ်နပှၤဂီၢ်မုၢ်စီၤယၤကိာ်အစၢၤ အသွဲၣ်တဖၣ်လံ. ထံကီၢ်အံၤပှဲၤဝဲဒီးတၢ်မၤကဒါပှၤအမဲာ်အလုၢ် အလၢ်ဟဲလၢမုၢ်ထီၣ်ဒီးလၢကီၢ်ဖလ့ၡသးလီၤ. ပှၤဂီၢ်မုၢ်ပိာ်ထွဲ ပှၤတခီဘီမုၢ်အလုၢ်အလၢ်တဖၣ်န့ၣ်လီၤ.

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်ဒၤနံးယ့လး 2:27

ဒီးစီၤဒၤနံးယ့လးစံးဆၢစီၤပၤ, “ပှၤသ့သမူပယၢ်တၢ်မ့ၢ်ဂ့ၤ, ပှၤမၤကဒါမဲာ်မ့ၢ်ဂ့ၤ, ပှၤဖးတၢ်ဟဲဝံဟဲစိာ်မ့ၢ်ဂ့ၤ, ပှၤဖးဆၣ်ဧိၤဖီဧိၤအဂ့ၢ်တဖၣ်မ့ၢ်ဂ့ၤလီၣ်ဖျါ ထီၣ်တၢ်အဒိၣ်အယိာ်လၢစီၤပၤသံကွၢ်န့ၣ်တသ့ဘၣ်နီတဂၤဘၣ်.

လံာ်မံကၤ 5:12

ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

လံာ်သိၣ်လီၤသီလီၤတၢ် 18:10

လုၢ်ထီၣ်ပာ်ထီၣ်သုဖိတဖၣ်လၢမ့ၣ်အူအပူၤလၢသုတၢ်လုၢ်လီၢ်တဖၣ် အဖီခိၣ်တဂ့ၤ. ဒီးပျဲသုပှၤဂီၢ်မုၢ်မၤတၢ်ဒုၣ်တၢ်ထုမ့ၢ်ဂ့ၤ, သံကွၢ်တၢ်လၢပှၤကွၢ်တၢ်ပနီၣ်တဖၣ်အအိၣ်မ့ၢ်ဂ့ၤ, အူတၢ်အူတၢ်သမူတဖၣ်မ့ၢ်ဂ့ၤ,