လံာ်သိၣ်လီၤသီလီၤတၢ် 17:9 - Sgaw Karen Common Bible

⁹ ဒီးဆှၢထီၣ်သုကွီၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်ဒီး ဆူပှၤစံၣ်ညီၣ်ကွီၢ်တဖၣ်လၢအအိၣ်ဖဲတၢ်မၤအပူၤဖဲဆၢကတီၢ်အဝဲန့ၣ်, ဒီးပျဲအဝဲသ့ၣ်စံၣ်ညီၣ်တဲာ်ကွီၢ်န့ၣ်တက့ၢ်.

လံာ်သိၣ်လီၤသီလီၤတၢ် 17:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 26:29

လၢစီၤယံးစဟၢ်အစၢၤအသွဲၣ်တဖၣ်အကျါစီၤကနၤနယၤဒီးအဖိခွါ တဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ပၢတၢ်ပြးအမူ အဒါတဖၣ်, ဒ်ပှၤအခိၣ်လၢတၢ်ပာ်ဒီးပၢၤတၢ်ကွဲးနီၣ်တဖၣ်ဒီးဒ် စံၣ်ညီၣ်ကွီၢ်တဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 18:16

ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

လံာ်တၢ်ဟးထီၣ်ကွံာ် 22:8

ဘၣ်ဆၣ်ဒီးတၢ်ဘျၣ်မ့ၢ်တဘၣ်တၢ်ထံၣ်န့ၢ်အီၤဘၣ်ဒီးပှၤတဂၤလၢအဘၣ် သူၣ်ဘၣ်သးလၢကပၢၤတၢ်န့ၣ်ကဘၣ်တၢ်ဟဲစိာ်အီၤဆူတၢ်ဘူၣ်ထီၣ်ဘါ ထီၣ်အလီၢ်ဒီးဖဲန့ၣ်အဝဲကဘၣ်ဆိၣ်လီၤအသးလၢအဝဲတဟုၣ်ပှၤအဂၤ အတၢ်စုလီၢ်ခီၣ်ခိၣ်ဘၣ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်ဃးကဲ 2:11

အဝဲစံးဝဲ, “သံကွၢ်ပှၤလုၢ်တၢ်အခိၣ်တဖၣ်လၢတၢ်သိၣ်တၢ်ဘျၢ တမံၤဘၣ်ထွဲဒီးတၢ်သံကွၢ်အံၤအဂ့ၢ်တက့ၢ်.

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်စကၤရယၤ 7:3

ဒီးကသံကွၢ်ပှၤလုၢ်တၢ်အခိၣ်တဖၣ်ဒီးဝံတဖၣ်လၢတၢ်သံကွၢ်အံၤ, “မ့ၢ်လၢတၢ်လုၢ်ဟံၣ်ဘၣ်တၢ်ဟးဂီၤကွံာ်အီၤလံ အဃိဒီးမ့ၢ်ပကဘၣ်ဟီၣ်ယၢၤဒံးတၢ်ခီဖျိတၢ်ဒုၣ် တၢ်အီၣ်တၢ်အီလၢလါယဲၢ်လါတလါဒ်ပမၤတ့ၢ်လံလၢအါနံၣ်အါလါ အတီၢ်ပူၤအသိးန့ၣ်ဒံးဧါ.”

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်သိၣ်လီၤသီလီၤတၢ် 17:10

အဝဲသ့ၣ်ကဟ့ၣ်ထီၣ်အတၢ်စံၣ်ညီၣ်တဲာ်, ဒီးသုကဘၣ်မၤတၢ်လီၤတံၢ်လီၤဆဲး ဒ်အဝဲသ့ၣ်တဲဘၣ်သုအသိးန့ၣ်လီၤ.

လံာ်သိၣ်လီၤသီလီၤတၢ် 21:5

ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 33:10

အဝဲသ့ၣ်ကသိၣ်လိနပှၤဂီၢ်မုၢ်လၢကစူၢ်ယူဒၤအတၢ်သိၣ်တၢ်သီ, လၢနဟ့ၣ်လီၤန့ၣ်လီၤ. အဝဲသ့ၣ်ကလုၢ်ထီၣ်တၢ်လုၢ်တၢ်ပာ်တဖၣ်လၢနတၢ်လုၢ်လီၢ်အဖီခိၣ်န့ၣ်လီၤ.