လံာ်သိၣ်လီၤသီလီၤတၢ် 17:8 - Sgaw Karen Common Bible

⁸ ဘၣ်သ့ၣ်သ့ၣ်ကွီၢ်ကအိၣ်ဝဲတနီၤနီၤလၢအကီကဲာ်ဆိးလၢတၢ်လီၢ် ကဝီၤတတီၤအဂီၢ်လၢကစံၣ်ညီၣ်တဲာ်ဝဲဒ်အမ့ၢ်ကွီၢ်တဖၣ်လၢအဘၣ်ထွဲ ဒီးတၢ်စုလီၢ်ခီၣ်ခိၣ်အတၢ်ခွဲးတၢ်ယာ်တဖၣ်မ့ၢ်ဂ့ၤ, ဘၣ်ထွဲဒီးနီၢ်ခိအတၢ်ဘၣ်ဒိဘၣ်ထံးမ့ၢ်ဂ့ၤ, ဘၣ်ထွဲဒီးကွီၢ်တဖၣ်လၢအအိၣ်ဃုာ်ဒီးတၢ်လီၤဆီလၢတၢ်မၤသံပှၤ ကညီဒီးတၢ်ဒိလိာ်တီၢ်လိာ်သးအဘၢၣ်စၢၤမ့ၢ်ဂ့ၤန့ၣ်လီၤ. တုၤတၢ်အံၤမၤအသးန့ၣ်, လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤလၢ အဘၣ်တၢ်ဃုထၢတ့ၢ်အီၤလၢယွၤသုကစၢ်ယွၤ,

လံာ်သိၣ်လီၤသီလီၤတၢ် 17:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:2

အဝဲညီနုၢ်ဂဲၤဆၢထၢၣ်ဂီၤဂီၤဒီးလဲၤဒီးဆၢထၢၣ်ဖဲကျဲမုၢ်ကပၤဖဲဝ့ၢ်အတြဲၤန့ၣ်လီၤ. တဘျီလၢ်လၢ်ဖဲပှၤတဂၤဂၤဟဲဝဲဖဲန့ၣ်အိၣ်ဒီးတၢ်ဂ့ၢ်တမံၤလၢ စီၤပၤကဘၣ်မၤဘၣ်လိာ်န့ၢ်အီၤန့ၣ်, စီၤအးဘၡါလိၣ်ကိးဃီၤအီၤဒီးသံကွၢ်အီၤလၢ, မ့ၢ်အဟဲလၢလဲၣ်လၢလဲၣ်န့ၣ်လီၤ. ဒီးဖဲပှၤတဂၤန့ၣ်စံးဘၣ်အီၤလၢ အဝဲမ့ၢ်ပှၤလၢဒူၣ်မတၤလဲၣ်ဝံၤအလီၢ်ခံန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 26:29

လၢစီၤယံးစဟၢ်အစၢၤအသွဲၣ်တဖၣ်အကျါစီၤကနၤနယၤဒီးအဖိခွါ တဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ပၢတၢ်ပြးအမူ အဒါတဖၣ်, ဒ်ပှၤအခိၣ်လၢတၢ်ပာ်ဒီးပၢၤတၢ်ကွဲးနီၣ်တဖၣ်ဒီးဒ် စံၣ်ညီၣ်ကွီၢ်တဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 18:15

ဒီးစီၤမိၤၡ့စံးဆၢဝဲဒၣ်, “ယဘၣ်မၤတၢ်အံၤလီၤ. အဂ့ၢ်ဒ်အံၤ, ပှၤဂီၢ်မုၢ်ဟဲဆူယအိၣ်ဒ်သိးကမၤလိတၢ်ဘၣ်ကစၢ်ယွၤအသးအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 18:26

ဒီးအဝဲသ့ၣ်မၤတၢ်လၢပှၤဂီၢ်မုၢ်အဂီၢ်ဒ်ပှၤစံၣ်ညီၣ်ကွီၢ်တဖၣ် အသိးထီဘိလီၤ. ကွီၢ်လၢအကီအခဲတဖၣ်န့ၣ်ဟဲစိာ်ဝဲဆူစီၤမိၤၡ့အအိၣ်ဒီးမ့ မ့ၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်စံၣ်ညီၣ်တဲာ်ဝဲလၢအဝဲ သ့ၣ်အကစၢ်ဒၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 21:20

ပှၤတဂၤမ့ၢ်ဟံးန့ၢ်နီၣ်တီၢ်တဘိဒီးတီၢ်အကုၢ်ပိာ်မုၣ်မ့ၢ်ဂ့ၤ, အကုၢ်ပိာ်ခွါမ့ၢ်ဂ့ၤ, ဒီးကုၢ်န့ၣ်မ့ၢ်သံတဘျီဃီဖဲန့ၣ်ဒီး, ပှၤတဂၤန့ၣ်ကဘၣ်တၢ်စံၣ်ညီၣ်လီၤ.

လံာ်တၢ်ဟးထီၣ်ကွံာ် 21:22

ပှၤတနီၤမ့ၢ်အ့ၣ်လိာ်ဆိးက့လိာ်အသးဒီးမၤဘၣ်ဒိဘၣ်ထံးပှၤ ပိာ်မုၣ်အိၣ်ဒီးအဟုးအသးတဂၤတုၤလၢအဖိဟးဂီၤဘၣ်ဆၣ်ပိာ်မုၣ် န့ၣ်မ့ၢ်တဘၣ်ဒိလၢကျဲအဂၤနီတမံၤဘၣ်ဒီးပှၤလၢအမၤဘၣ်ဒိဘၣ် ထံးအီၤန့ၣ်ကဘၣ်လိးက့ၤတၢ်ဒ်ပိာ်မုၣ်တဂၤန့ၣ်အဝၤဃ့ဝဲဒၣ်အသိး, ဒ်စံၣ်ညီၣ်ကွီၢ်အၢၣ်လီၤဆီၣ်ထွဲဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 21:28

ဒီးကျီၢ်ဖါတဒုမ့ၢ်ဘျၢၣ်သံပှၤတဂၤဂၤဒီးကဘၣ်တၢ်ကွံာ်သံ အီၤလၢလၢၢ်န့ၣ်လီၤ. ဒီးအညၣ်န့ၣ်တဘၣ်တၢ်အီၣ်အီၤဘၣ်. မ့မ့ၢ်ကျီၢ်ဖါအကစၢ်န့ၣ်တဘၣ်တၢ်စံၣ်ညီၣ်အီၤဘၣ်လီၤ.

လံာ်တၢ်ဟးထီၣ်ကွံာ် 22:2

အဝဲကဘၣ်ဟ့ၣ်တၢ်အပှ့ၤလၢတၢ်လၢအဟုၣ်န့ၢ်ဝဲအဂီၢ်န့ၣ်လီၤ. အဝဲအတၢ်မ့ၢ်တအိၣ်နီတမံၤဘၣ်ဒီးကဘၣ်တၢ်ဆါလီၤကွံာ် အီၤဒ်ကုၢ်တဂၤအသိးလၢတၢ်ကလိးတၢ်လၢအဟုၣ်တ့ၢ်ဝဲ တမံၤန့ၣ်အပှ့ၤအဂီၢ်လီၤ.

လံာ်တၢ်ဟးထီၣ်ကွံာ် 22:8

ဘၣ်ဆၣ်ဒီးတၢ်ဘျၣ်မ့ၢ်တဘၣ်တၢ်ထံၣ်န့ၢ်အီၤဘၣ်ဒီးပှၤတဂၤလၢအဘၣ် သူၣ်ဘၣ်သးလၢကပၢၤတၢ်န့ၣ်ကဘၣ်တၢ်ဟဲစိာ်အီၤဆူတၢ်ဘူၣ်ထီၣ်ဘါ ထီၣ်အလီၢ်ဒီးဖဲန့ၣ်အဝဲကဘၣ်ဆိၣ်လီၤအသးလၢအဝဲတဟုၣ်ပှၤအဂၤ အတၢ်စုလီၢ်ခီၣ်ခိၣ်ဘၣ်လီၤ.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်ဃးကဲ 2:11

အဝဲစံးဝဲ, “သံကွၢ်ပှၤလုၢ်တၢ်အခိၣ်တဖၣ်လၢတၢ်သိၣ်တၢ်ဘျၢ တမံၤဘၣ်ထွဲဒီးတၢ်သံကွၢ်အံၤအဂ့ၢ်တက့ၢ်.

လံာ်မၤလကံ 2:7

တၢ်န့ၣ်မ့ၢ်ပှၤလုၢ်တၢ်အခိၣ်တဖၣ်အမူအဒါလၢ ကဘၣ်သိၣ်လိတၢ်သ့ၣ်ညါအမ့ၢ်အတီဘၣ်ဃး ဒီးကစၢ်ယွၤန့ၣ်လီၤ. ပှၤဘၣ်လဲၤဆူအဝဲသ့ၣ်အအိၣ်လၢကမၤလိယတၢ်ဘၣ်သး, မ့ၢ်လၢအဝဲသ့ၣ်မ့ၢ်ယွၤသ့တၢ်လၢာ်အပှၤစိာ်တၢ် ကစီၣ်တဖၣ်အဃိန့ၣ်လီၤ.

လံာ်တၢ်ဂံၢ် 35:11

သုကဘၣ်ဃုထၢတၢ်ပူၤဖျဲးအဝ့ၢ်တဖၣ်, လၢပှၤတဂၤလၢအမၤသံဘၣ် ပှၤအဂၤတဂၤလၢတၢ်တပာ်သူၣ်ပာ်သးအပူၤန့ၣ်လဲၤဃ့ၢ်ပူၤဖျဲးအသး ကသ့အဂီၢ်န့ၣ်လီၤ.

လံာ်တၢ်ဂံၢ် 35:16

ဒ်လဲၣ်ဒ်လဲၣ်ဂ့ၤန့ၣ်, ပှၤတဂၤမ့ၢ်သူတၢ်စုကဝဲၤထးမ့ၢ်ဂ့ၤ, လၢၢ်မ့ၢ်ဂ့ၤ, သ့ၣ်မ့ၢ်ဂ့ၤဒ်သိးကမၤသံဘၣ်ပှၤတဂၤဂၤဒီး, အဝဲအတၢ်ကမၣ်အိၣ်လၢအမၤသံတၢ်အဃိ, ဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:14

သုကဘၣ်လုၢ်ထီၣ်ဒၣ်အီၤဖဲတၢ်လီၢ်တတီၤလၢယွၤကဃုထၢအီၤလၢသု ဒူၣ်တဖၣ်အလီၢ်ကဝီၤအကျါတတီၤန့ၣ်လီၤ. ထဲဒၣ်ဖဲတၢ်လီၢ်န့ၣ်ဧိၤသုကဘၣ်လုၢ်ထီၣ်သုတၢ်လုၢ်တၢ်ပာ်တဖၣ် လၢကဘၣ်တၢ်ဆိၣ်ကဲၤအီၤဒီးမၤတၢ်အဂၤတဖၣ်ခဲလၢာ်လၢယမၤလိာ် တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.

လံာ်သိၣ်လီၤသီလီၤတၢ် 19:17

အဝဲသ့ၣ်ခံဂၤလိာ်ကဘၣ်လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီး ကဘၣ်တၢ်ဟ့ၣ်အီၤတၢ်စံၣ်ညီၣ်လၢပှၤလုၢ်တၢ်အခိၣ်တဖၣ်ဒီးစံၣ်ညီၣ် ကွီၢ်တဖၣ်လၢအအိၣ်မူအိၣ်ဒါဖဲန့ၣ်န့ၣ်လီၤ.

လံာ်သိၣ်လီၤသီလီၤတၢ် 19:4

လၢတၢ်တပာ်သူၣ်ပာ်သးအပူၤ, ပှၤတဂၤမ့ၢ်မၤသံဘၣ်ပှၤတဂၤဂၤလၢ တမ့ၢ်ဘၣ်အဒုၣ်အဒါဒီးအဝဲလဲၤဃ့ၢ်ပူၤဖျဲးအသးဆူဝ့ၢ်တဖၣ်န့ၣ် အကျါတဖျၢၣ်ဖျၢၣ်အပူၤဒ်သိးကအိၣ်ဘံၣ်အိၣ်ဘၢအသး သ့ဝဲဒၣ်လီၤ.

လံာ်သိၣ်လီၤသီလီၤတၢ် 21:5

ပှၤလ့ၤဝံဖိပှၤလုၢ်တၢ်ခိၣ်တဖၣ်ကဘၣ်လဲၤစ့ၢ်ကီးဖဲန့ၣ်, မ့ၢ်လၢအဝဲသ့ၣ်ကဘၣ်စံၣ်ညီၣ်နီၤဖးကယဲၢ်ကွီၢ်ဘၣ်ဃးဒီးတၢ်သိၣ် တၢ်သီကိးထံၣ်ဒဲးလၢအပၣ်ဃုာ်ဒီးတၢ်မၤဆူၣ်မၤစိးအဃိန့ၣ် လီၤ. ယွၤ, သုကစၢ်ယွၤဃုထၢတ့ၢ်အဝဲသ့ၣ်ဒ်သိးကမၤအတၢ်ဒီးကတဲဖျါထီၣ်တၢ်ဆိၣ်ဂ့ၤတဖၣ်လၢအဝဲအမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.