လံာ်သိၣ်လီၤသီလီၤတၢ် 17:5 - Sgaw Karen Common Bible

⁵ အန့ၣ်တစု, ဟဲစိာ်ပှၤတဂၤန့ၣ်, ဆူဝ့ၢ်အချၢဒီးကွံာ်သံအီၤလၢ လၢၢ်တက့ၢ်.

လံာ်သိၣ်လီၤသီလီၤတၢ် 17:5 Iomraidhean Croise

လံာ်စီၤယိၤဘး 31:28

တၢ်ကမၣ်ဒ်သိးအံၤန့ၣ်ကြၢးဘၣ်တၢ်စံၣ်ညီၣ်သံအီၤန့ၣ်လီၤ. တၢ်အံၤမ့ၢ်တၢ်သမၢသ့တၢ်လၢာ်ကစၢ်ယွၤန့ၣ်လီၤ.

လံာ်တၢ်ဟးထီၣ်ကွံာ် 22:19

ပိာ်ခွါတဂၤလၢ်လၢ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်မၤသံကွံာ်အီၤတက့ၢ်.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 17:4

သုမ့ၢ်နၢ်ဟူတၢ်ဂ့ၢ်ဒ်သိးန့ၣ်တမံၤဒီးဃုသ့ၣ်ညါအီၤလီၤတံၢ် လီၤဆဲးတက့ၢ်. တၢ်န့ၣ်မ့မ့ၢ်ဝဲတၢ်မ့ၢ်တၢ်တီလၢတၢ်အၢတၢ်သီအံၤမၤအသးလၢ ကီၢ်အံၣ်စရ့လးအပူၤဒီး,

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 22:24

သုကဘၣ်ထုးထီၣ်ကွံာ်အဝဲသ့ၣ်ဆူဝ့ၢ်အချၢဒီးကွံာ်သံအီၤလၢလၢၢ်န့ၣ်လီၤ. ပိာ်မုၣ်ဖိန့ၣ်ကဘၣ်သံဝဲမ့ၢ်လၢအဝဲတကိးထီၣ်ဃ့လၢတၢ်မၤစၢၤအဂီၢ်, ဖဲအဝဲအိၣ်ဒၣ်လၢဝ့ၢ်တဖျၢၣ်အပူၤ, တၢ်လီၢ်ဖဲအဝဲကိးပှၤနၢ်ဟူအီၤသ့ဝဲအဃိန့ၣ်လီၤ. ဒီးပိာ်ခွါန့ၣ်ကဘၣ်သံဝဲမ့ၢ်လၢအမံဃုာ်အိၣ်ဃုာ်ဒီးပိာ်မုၣ် ဖိတဂၤလၢအမၤတၢ်တ့တၢ်ဖျီအတၢ်အၢၣ်လီၤဝံၤလံအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီၤအံၤန့ၣ်လီၤ.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.

လံာ်ပှၤစံၣ်ညီၣ်ကွီၢ် 6:31

ဘၣ်ဆၣ်ဒီးစီၤယိၤအၣ်စံးဘၣ်ပှၤလၢအဟဲထီဒါအီၤတဖၣ်န့ၣ်, “မ့ၢ်သုဆၢထၢၣ်လၢဘဧၤလးအဂီၢ်ဧါ. မ့ၢ်သုဒီဒၣ်အီၤဧါ. ပှၤတဂၤဂ့ၤတဂၤဂ့ၤလၢအဆၢထၢၣ်လၢဘဧၤလးအဂီၢ်န့ၣ် ကဘၣ်တၢ်မၤသံအီၤတချုးမုၢ်ဆ့ၣ်ထီၣ်န့ၣ်လီၤ. ဘဧၤလးမ့မ့ၢ်ကစၢ်ဒီး, မ်အဒီဒၣ်လီၤအသးတက့ၢ်. တၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အဝဲအတၢ်လီၤ.”