လံာ်သိၣ်လီၤသီလီၤတၢ် 17:2 - Sgaw Karen Common Bible

² ပစံးဒၣ်ကလိာ်, သုနၢ်ဟူလၢဝ့ၢ်တဖျၢၣ်လၢသုဝ့ၢ်တဖၣ်အကျါအပူၤ န့ၣ်, ပှၤပိာ်ခွါတနီၤမ့ၢ်ဂ့ၤ, ပှၤပိာ်မုၣ်တနီၤမ့ၢ်ဂ့ၤ, မၤတၢ်ဒဲးဘးထီဒါယွၤဒီးမၤဟးဂီၤအတၢ်အၢၣ်လီအီၤလီၤ,

လံာ်သိၣ်လီၤသီလီၤတၢ် 17:2 Iomraidhean Croise

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်စီၤယိၤဘး 31:28

တၢ်ကမၣ်ဒ်သိးအံၤန့ၣ်ကြၢးဘၣ်တၢ်စံၣ်ညီၣ်သံအီၤန့ၣ်လီၤ. တၢ်အံၤမ့ၢ်တၢ်သမၢသ့တၢ်လၢာ်ကစၢ်ယွၤန့ၣ်လီၤ.

လံာ်တၢ်ဟးထီၣ်ကွံာ် 22:19

ပိာ်ခွါတဂၤလၢ်လၢ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်မၤသံကွံာ်အီၤတက့ၢ်.

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 34:18

ကီၢ်ယူဒၤဒီး ဝ့ၢ်ယရူၤၡလ့ၣ်အပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤခိၣ်ပှၤနၢ်ခဲလၢာ်, မၤတ့ၢ်တၢ်အၢၣ်လီၤအီလီၤ တမံၤဒီးယၤ, ခီဖျိအလဲၤတၢ်လၢကျီၢ်ဖါလၢအဒီၣ်တဲာ်ကွံာ် တ့ၢ်ဝဲ ခံခီအဘၣ်စၢၤန့ၣ်လီၤ.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:15

သုမ့ၢ်တဒိကနၣ်ယတၢ်သိၣ်တၢ်သီဒီးယတၢ်မၤလိာ်, ဒီးလုၢ်သ့ၣ်ခါပတာ်ယတၢ်အၢၣ်လီၤအီလီၤလၢယမၤဒီးသုန့ၣ်,

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်သိၣ်လီၤသီလီၤတၢ် 17:5

အန့ၣ်တစု, ဟဲစိာ်ပှၤတဂၤန့ၣ်, ဆူဝ့ၢ်အချၢဒီးကွံာ်သံအီၤလၢ လၢၢ်တက့ၢ်.

လံာ်သိၣ်လီၤသီလီၤတၢ် 29:18

မၤလီၤတံၢ်လၢ, တနံၤအံၤပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ဟံၣ်ဖိဃီဖိမ့ၢ်ဂ့ၤ, ပှၤအဒူၣ်မ့ၢ်ဂ့ၤလၢအဆၢထၢၣ်ဖဲအံၤ, တဃၣ်ကွံာ်ဘၣ်အသးလၢယွၤ, ပကစၢ်ယွၤအအိၣ်နီတဂၤဒ်သိးကဘါထီၣ် ပှၤကလုာ်ဂၤတဖၣ်အတၢ်ဂီၤတၢ်ဖီၣ်တဖၣ်အဂီၢ်ဘၣ်န့ၣ်တက့ၢ်. တၢ်န့ၣ်ကလီၤဂာ်ဒ်တၢ်အဂံၢ်တဘိလၢအမဲထီၣ်ဒီးကကဲထီၣ်တၢ်အမုၢ် တမုၢ်လၢအခၣ်ဒီးအိၣ်ဒီးအစုၣ်အပျၢ်အသိးန့ၣ်လီၤ.

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 4:23

မၤလီၤတံၢ်လၢသုတသးပ့ၤနီၣ်ဘၣ်တၢ်အၢၣ်လီၤအီလီၤလၢယွၤ, သုကစၢ်ယွၤမၤတ့ၢ်ဒီးသုဘၣ်န့ၣ်တက့ၢ်. စူၢ်အဝဲအကလုၢ်, လၢသုတမၤဘၣ်တၢ်ဂီၤတၢ်ဖီၣ်နီတမံၤမံၤလၢသုဂီၢ်ဒၣ်သုဝဲဘၣ်,

ဧ့ၤဘြံၤ 10:28

ပှၤတဂၤဂၤလၢ, ဖဲပှၤခံဂၤသၢဂၤအုၣ်အသးလၢအလုၣ် သ့ၣ်ခါပတာ်စီၤမိၤၡ့အတၢ်သိၣ်တၢ်သီန့ၣ်, ဘၣ်တၢ်မၤသံကွံာ်အီၤတအိၣ်ဒီးတၢ်သးကညီၤအီၤဘၣ်လီၤ.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 2:20

အန့ၣ်တစုယွၤအသးကဲၤထီၣ်ဘၣ်ပှၤအံၣ်စရ့လးဖိစံးဝဲဒၣ်, “ပှၤတကလုာ်အံၤမၤဟးဂီၤကွံာ်တၢ်အၢၣ်လီၤအီလီၤလၢယမၤလိာ်တ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဒ်သိးအကတိၢ်န့ၢ်ဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:31

ဘၣ်ဆၣ်ဒီးစီၤယိၤအၣ်စံးဘၣ်ပှၤလၢအဟဲထီဒါအီၤတဖၣ်န့ၣ်, “မ့ၢ်သုဆၢထၢၣ်လၢဘဧၤလးအဂီၢ်ဧါ. မ့ၢ်သုဒီဒၣ်အီၤဧါ. ပှၤတဂၤဂ့ၤတဂၤဂ့ၤလၢအဆၢထၢၣ်လၢဘဧၤလးအဂီၢ်န့ၣ် ကဘၣ်တၢ်မၤသံအီၤတချုးမုၢ်ဆ့ၣ်ထီၣ်န့ၣ်လီၤ. ဘဧၤလးမ့မ့ၢ်ကစၢ်ဒီး, မ်အဒီဒၣ်လီၤအသးတက့ၢ်. တၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အဝဲအတၢ်လီၤ.”