လံာ်သိၣ်လီၤသီလီၤတၢ် 17:18 - Sgaw Karen Common Bible

¹⁸ ဖဲအဝဲကဲစီၤပၤန့ၣ်, အဝဲကဘၣ်အိၣ်ဒီးကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီတဖၣ်အလံာ်ကွဲးဆဲတဘ့ၣ်ဒီးတၢ်သိၣ်လိတဖၣ်လၢ အဟံးန့ၢ်ဝဲလၢလံာ်အဂံၢ်ထံးတဘ့ၣ်အပူၤလၢအဘၣ်တၢ်ပၢၤဃာ်အီၤ လၢပှၤလ့ၤဝံဖိပှၤလုၢ်တၢ်အခိၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 17:18 Iomraidhean Croise

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်စီၤပၤခံဘ့ၣ်တဘ့ၣ် 22:8

စီၤၡၤဖၣ်ဟ့ၣ်လီၤစီၤပၤအကလုၢ်ဆူစီၤဃံးလကံယၤအအိၣ်ဒီး စီၤဃံးလကံယၤတဲဘၣ်အီၤလၢအဝဲထံၣ်န့ၢ်ယူဒၤအတၢ်သိၣ်တၢ်သီ အလံာ်လၢယွၤအတၢ်လုၢ်ဟံၣ်အပူၤန့ၣ်လီၤ. စီၤဃံးလကံယၤဟ့ၣ်အီၤလံာ်န့ၣ်ဒီးစီၤၡၤဖၣ်ဖးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:15

အဝဲစံးဘၣ်စီၤၡၤဖၣ်, “ယထံၣ်န့ၢ်ယူဒၤအတၢ်သိၣ်တၢ်သီအလံာ်လၢယွၤ အတၢ်လုၢ်ဟံၣ်အပူၤန့ၣ်လီၤ.” အဝဲဟ့ၣ်ဃီၤစီၤၡၤဖၣ်လၢလံာ်န့ၣ်,

လံာ်သိၣ်လီၤသီလီၤတၢ် 31:9

လၢတၢ်န့ၣ်အဃိ, စီၤမိၤၡ့ကွဲးလီၤယူဒၤအတၢ်သိၣ်တၢ်သီလၢ ကစၢ်ယွၤဟ့ၣ်လီၤဝဲဒီးဟ့ၣ်ဃီၤအီၤဆူပှၤလ့ၤဝံပှၤလုၢ်တၢ် အခိၣ်တဖၣ်အအိၣ်, ပှၤလၢအကွၢ်ထွဲယွၤအတၢ်အၢၣ်လီၤအီလီၤအတလါစီဆှံ, ဒီးဆူကီၢ်အံၣ်စရ့လးအခိၣ်အနၢ်တဖၣ်အအိၣ်န့ၣ်လီၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.