လံာ်သိၣ်လီၤသီလီၤတၢ် 17:16 - Sgaw Karen Common Bible

¹⁶ စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 17:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:4

စီၤဒၤဝံးဖီၣ်န့ၢ်အဝဲအပှၤကသ့ၣ်သုးဖိအဂၤတကထိနွံကယၤဒီး အဝဲပှၤခီၣ်သုးဖိအဂၤခံကလးန့ၣ်လီၤ. အဝဲပာ်ဃးဒံးကသ့ၣ်တဖၣ်လၢလၢလီၣ်လီၣ်လၢလ့ၣ်ကဟၣ်ဒုးသုးအဆိ တကယၤအဂီၢ်ဝံၤဒီး, အဂၤတဖၣ်န့ၣ်မၤဟးဂီၤကွံာ်ဝဲအခီၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:5

ဒီးခဲအံၤမ့ၢ်လၢစီၤအးဘၡါလိၣ်သံလံအဃိ, စီးဒၤဝံးဒီးနီၢ်ဃးကံၤအဖိခွါစီၤအဒိနံၤယၤမ့ၢ်ဖိခွါ အဒိၣ်ကတၢၢ်လၢဖိလၢအအိၣ်မူတ့ၢ်တဖၣ်အကျါန့ၣ်လီၤ. အဝဲသူၣ်ဆူၣ်သးဂဲၤလၢကကဲထီၣ်ဘၣ်စီၤပၤဒိၣ်မးလီၤ. လၢအကစၢ်ဒၣ်ဝဲအဂီၢ်, အဝဲကတဲာ်ကတီၤလ့ၣ်ကဟၣ်တဖၣ်, ကသ့ၣ်တဖၣ်ဒီးပှၤလၢအကလဲၤယုၤဒီးကဟုကယာ်အီၤယဲၢ်ဆံဂၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 4:26

စီၤၡလိၤမိၤအိၣ်ဒီးတၢ်ဘုၣ်ကသ့ၣ်အလီၢ်လွံၢ်ကထိလၢအလ့ၣ်ကဟၣ် ကသ့ၣ်တဖၣ်အဂီၢ်, ဒီးကသ့ၣ်ဒုးသုးတကလးခံကထိန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:6

လၢတၢ်န့ၣ်အဃိမၢလီၤနပှၤတဖၣ်ဆူကီၢ်လဘၤနိၣ်လၢကကူာ်လီၤသ့ၣ် ဆှိအ့ရ့းတဖၣ်လၢယဂီၢ်န့ၣ်တက့ၢ်. ယပှၤတဖၣ်ကမၤသကိးတၢ်ဒီးအဝဲသ့ၣ်, ဒီးယကဟ့ၣ်ဘူးဟ့ၣ်လဲနပှၤတဖၣ်ဒ်နစံၣ်ညီၣ်နဲအသိးန့ၣ်လီၤ. ဒ်နသ့ၣ်ညါဂ့ၤဂ့ၤအသိးန့ၣ်, ယပှၤတဖၣ်ကူာ်လီၤသ့ၣ်တသ့ဒ်နပှၤတဖၣ် အသိးန့ၣ်ဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 1:16

စီၤပၤအခၢၣ်စးပှၤကၤတၢ်ဖိတဖၣ်ဟံးဃာ်ဖီၣ်ဃာ်တၢ်ဟဲစိာ်ဆါ ကသ့ၣ်တဖၣ်လၢကီၢ်မူးစရံၣ် (ကီၢ်အဲၤကူပတူး) ဒီးကီၢ်ကံၤလကံ,

လံာ်ကွဲးနီၣ်တၢ်ခံဘ့ၣ်တဘ့ၣ် 9:25

စီၤပၤၡလိၤမိၤအိၣ်စ့ၢ်ကီးဒီးတၢ်ပာ်လ့ၣ်ကဟၣ်တဖၣ်ဒီးကသ့ၣ် တဖၣ်အလီၢ်အခါလွံၢ်ကထိ, ဒီးအိၣ်ဒီးပှၤဒိးကသ့ၣ်သုးဖိ တကလးခံကထိ ဂၤန့ၣ်လီၤ. အကျါတနီၤန့ၣ်, အဝဲပာ်ဝဲဖဲဝ့ၢ်ယရူၤၡလ့ၣ်အပူၤဒီးအအိၣ်လီၤတဲာ်တဖၣ်န့ၣ်ပာ် ဝဲလၢဝ့ၢ်အဂုၤအဂၤတဖၣ်အပူၤန့ၣ်လီၤ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်တၢ်ဟးထီၣ်ကွံာ် 13:17

ဒီးဖဲကီၢ်အဲၤကူပတူးအစီၤပၤပျဲပှၤဂီၢ်မုၢ်လဲၤတၢ်န့ၣ်, ကျဲလၢအလဲၤဆူပှၤဖလ့ၡသးဖိအကီၢ်မ့မ့ၢ်ကျဲလၢအဖုၣ်ဘၣ်ဆၣ် ကစၢ်ယွၤတဆှၢအဝဲသ့ၣ်လၢကျဲအဝဲန့ၣ်ဘၣ်. အဂ့ၢ်ဒ်အံၤ, ကစၢ်ယွၤစံးဝဲဒၣ်, “ယတအဲၣ်ဒိးလၢပှၤဂီၢ်မုၢ် ကလဲလိာ်ကွံာ်အသးဒီးဟဲက့ၤကဒါက့ၤဆူကီၢ်အဲၤကူပတူးဖဲ အဝဲသ့ၣ်ထံၣ်ဝဲဒၣ်လၢအကဘၣ်ဒုးတၢ်န့ၣ်ဘၣ်.”

လံာ်တၢ်ဟးထီၣ်ကွံာ် 13:18

ဒီးလၢတၢ်န့ၣ်အဃိယွၤဆှၢတရံးပှၤဂီၢ်မုၢ်လၢပှၢ်မုၢ်ကနၢအကျဲဆူပီၣ်လဲၣ်ဂီၤန့ၣ်လီၤ. ဒီးပှၤအံၣ်စရ့လးဖိတဖၣ်ဟံးထီၣ်အစုကဝဲၤလၢတၢ်ဒုးတၢ်ယၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:13

ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်ယၡါယၤ 2:7

အထံအကီၢ်ပှဲၤဝဲဒီးထူဒီးစ့ဒီးအတၢ်လုၢ်ဒိၣ်ပှ့ၤဒိၣ်တဖၣ် အကတၢၢ်ကတာ်တအိၣ်ဘၣ်. အထံအကီၢ်ပှဲၤဝဲဒီးကသ့ၣ်တဖၣ် ဒီးအလ့ၣ်ကဟၣ်တဖၣ်အကတၢၢ်ကတာ်တအိၣ်ဘၣ်.

လံာ်ယံးရမံယၤ 42:19

ဒီးယစံးအါထီၣ်ဒံးယဲ, “ယွၤစံးဘၣ်တ့ၢ်သုဝဲပှၢ်ဂီၢ်မုၢ်လၢ အအိၣ်လီၤတဲာ်လၢ ကီၢ်ယူဒၤအပူၤတဖၣ်လၢ သုတဘၣ်လဲၤဆူ ကီၢ်အဲၤကူပတူးဘၣ်. လၢတၢ်န့ၣ်အဃိ, ယဟ့ၣ်ပလီၢ်သုခဲအံၤလၢ,

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ဟိၤၡ့ 11:5

အဝဲသ့ၣ်ဂ့ၢ်လိာ်လၢကဟဲက့ၤဆူယအိၣ်, အဃိအဝဲသ့ၣ်ကဘၣ်က့ၤကဒါက့ၤဆူကီၢ်အဲၤကူပတူး, ဒီးကီၢ်အၤၡူၢ်ကပၢအဝဲသ့ၣ်န့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်မံကၤ 5:10

ယွၤစံးဝဲဒၣ်, “အကတီၢ်ဖဲန့ၣ်, ယကကျီကွံာ်သုကသ့ၣ်တဖၣ်ဒီး မၤဟးဂီၤကွံာ်သုလ့ၣ်ကဟၣ်ဒုးသုးတဖၣ်လီၤ.

လံာ်သိၣ်လီၤသီလီၤတၢ် 28:68

ယွၤမ့ၢ်တစံးတ့ၢ်လၢကဆှၢကဒါက့ၤကဒီးသုဆူကီၢ်အဲၤကူပတူး ဒၣ်လဲာ်, အဝဲကဆှၢကဒါက့ၤသုဖဲန့ၣ်လၢကဘီတဖၣ်အပူၤလီၤ. ဖဲန့ၣ်သုကကျဲးစၢးဆါလီၤကွံာ်သုသးဆူသုဒုၣ်သုဒါတဖၣ် အစုပူၤဒ်ကုၢ်တဖၣ်အသိး, ဘၣ်ဆၣ်ပှၤလၢကအဲၣ်ဒိးပှ့ၤသု တအိၣ်ဘၣ်နီတဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 8:11

စီၤၡမူၤအ့လးစံးဝဲ, “အအံၤမ့ၢ်တၢ်လၢသုစီၤပၤကမၤဘၣ်သု န့ၣ်လီၤ. အဝဲကဒုးကဲထီၣ်သုဖိခွါတဖၣ်လၢအသုးဖိတဖၣ်, တနီၤကမၤတၢ်လၢအဝဲအလ့ၣ်ကဟၣ်ဒုးသုးတဖၣ်အဂီၢ်ဒီးပှၤအဂၤတဖၣ် ကဃ့ၢ်လၢအဝဲအလ့ၣ်ကဟၣ်ဒုးသုးတဖၣ်အမဲာ်ညါလီၤ.