လံာ်သိၣ်လီၤသီလီၤတၢ် 17:15 - Sgaw Karen Common Bible

¹⁵ မၤလီၤတံၢ်လၢပှၤတဂၤလၢသုကဃုထၢအီၤလၢစီၤပၤန့ၣ်, မ့ၢ်ပှၤတဂၤလၢယွၤဃုထၢအီၤန့ၣ်တက့ၢ်. အဝဲကဘၣ်မ့ၢ်ပှၤလၢသုပှၤဂီၢ်မုၢ်ဒၣ်ဝဲအကျါတဂၤန့ၣ်လီၤ. ဒုးကဲထီၣ်ပှၤတခီဘီမုၢ်ဖိတဂၤလၢသုစီၤပၤတဂ့ၤ.

လံာ်သိၣ်လီၤသီလီၤတၢ် 17:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:1

တုၤနုၤတစု, ကယဲၢ်ကီၢ်အံၣ်စရ့လးအဒူၣ်တဖၣ်လဲၤဆူစီၤဒၤဝံး အအိၣ်လၢဝ့ၢ်ဃ့ဘြိၣ်ဒီးစံးဘၣ်အီၤ, “ပမ့ၢ်နသွံၣ်နထံ, နဖံးနညၣ်ဒၣ်နဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:2

လၢအပူၤကွံာ်, ဖဲစီၤစီလူးမ့ၢ်ဒံးပစီၤပၤအခါဒၣ်လဲာ်န့ၣ်, နဆှၢကီၢ်အံၣ်စရ့လးအပှၤဂီၢ်မုၢ်လၢတၢ်ဒုးအပူၤ, ဒီးယွၤအၢၣ်လီၤတ့ၢ်နၤလၢနကဆှၢအပှၤဂီၢ်မုၢ် ဒီးကဲထီၣ်အဝဲသ့ၣ်အပှၤပၢတၢ်န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:10

အဝဲကသူၣ်ထီၣ်တၢ်လုၢ်ဟံၣ်တဖျၢၣ်လၢသါဂီၢ်န့ၣ်လီၤ. အဝဲကမ့ၢ်သါဖိခွါဒီးသါကမ့ၢ်အပၢ်န့ၣ်လီၤ. အဝဲအစၢၤအသွဲၣ်ကပၢအံၣ်စရ့လးအဘီအမုၢ်လီၤစိၤလီၤထီ န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 89:20

ယထံၣ်န့ၢ်ယခ့ယပှၤစီၤဒၤဝံး, ယဖှူအီၤလၢယသိစီဆှံ,

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်မးသဲ 22:17

လၢတၢ်န့ၣ်အဃိ, ပဟ့ၣ်ရိမ့ၤအစီၤပၤဖးဒိၣ်လၢတၢ်ခိတၢ်သွဲ န့ၣ်, မ့ၢ်တၢ်လၢအထီဒါပတၢ်သိၣ်တၢ်သီဧါ. တထီဒါလဲၣ်န့ၣ်, စံးဘၣ်တဲဘၣ်ပှၤလၢနတၢ်ပာ်နသးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 10:24

စီၤၡမူၤအ့လးစံးဘၣ်ပှၤဂီၢ်မုၢ်, “အဝဲအံၤ, မ့ၢ်ပှၤတဂၤလၢယွၤဃုထၢထီၣ်အီၤန့ၣ်လီၤ. လၢပဝဲဒၣ်ခဲလၢာ်အကျါပှၤလီၤဂာ်ဒီးအီၤတအိၣ်ဘၣ်နီတဂၤဘၣ်.” ဒီးကယဲၢ်ပှၤဂီၢ်မုၢ်ခဲလၢာ်ကိးထီၣ်ဝဲ, “မ်ပကစၢ်စီၤပၤအိၣ်ကၢအိၣ်ခိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:3

ကွဲမုာ်စီၤယံးၡဲဆူတၢ်လုၢ်တၢ်ပာ်န့ၣ်ဒီးယကတဲနၤတၢ်လၢ နကဘၣ်မၤနဲလီၤ. ပှၤတဂၤလၢယကတဲနၤန့ၣ်နကဘၣ်ဖှူအီၤဒ်စီၤပၤတဂၤအသိးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 8:5

ဒီးစံးဘၣ်အီၤ, “ကွၢ်ကွၢ်, နသးပှၢ်ထီၣ်လံ. ဒီးနဖိခွါတဖၣ်န့ၣ်တမၤထွဲနဒိနတဲာ်ဘၣ်. လၢတၢ်န့ၣ်အဃိခဲအံၤန့ၣ်, ဃုထၢပာ်လီၤန့ၢ်ပှၤစီၤပၤတဂၤလၢ ကပၢတၢ်လၢပဖီခိၣ်, ဒ်သိးပကအိၣ်ဒီးစီၤပၤတဂၤဒ်ထံကီၢ်အဂၤတဖၣ်အသိးန့ၣ်တက့ၢ်.”