လံာ်သိၣ်လီၤသီလီၤတၢ် 17:12 - Sgaw Karen Common Bible

¹² ပှၤတဂၤလၢ်လၢ်လၢအတစူၢ်ဘၣ်ပှၤစံၣ်ညီၣ်ကွီၢ်မ့ၢ်ဂ့ၤ, ပှၤလုၢ်တၢ်အခိၣ်လၢအဘၣ်မူဘၣ်ဒါမ့ၢ်ဂ့ၤဘူၣ်န့ၣ်, ကဘၣ်တၢ်မၤသံအီၤလီၤ. လၢကျဲဒ်အံၤန့ၣ်သုကသုးကွံာ်တၢ်အၢတၢ်သီအံၤလၢကီၢ်အံၣ်စရ့ လးအပူၤန့ၣ်လီၤ.

လံာ်သိၣ်လီၤသီလီၤတၢ် 17:12 Iomraidhean Croise

လံာ်စီၤဧ့စြၤ 10:8

မ့ၢ်ပှၤဂီၢ်မုၢ်အခိၣ်အနၢ်တဖၣ်အတၢ်ဟ့ၣ်လီၤအကလုၢ်န့ၣ်လီၤ. ဒီးလၢသၢသီအတီၢ်ပူၤပှၤတဂၤဂ့ၤတဂၤဂ့ၤဟဲမ့ၢ်တတုၤဘၣ်ဒီး ကယဲၢ်အတၢ်စုလီၢ်ခီၣ်ခိၣ်ခဲလၢာ်ကဘၣ်တၢ်ဟံးန့ၢ်ကွံာ်အီၤဒီး အနီၢ်ကစၢ်ဒၣ်ဝဲအတၢ်ခွဲးတၢ်ယာ်ဒ်တၢ်အိၣ်မူကရူၢ်ကရၢဖိ တဂၤကလီၤမၢ်ကွံာ်ဝဲန့ၣ်လီၤ.

စံးထီၣ်ပတြၢၤ 19:13

တြီဃာ်စ့ၢ်ကီးနခ့နပှၤလၢတၢ်ဒဲးဘးအဒူတက့ၢ်. မ်အသုတပၢယၤတဂ့ၤ, မ့မ့ၢ်ဒ်န့ၣ်ဒီး, တၢ်ပာ်တၢ်ကမၣ်လၢယလိၤအလီၢ်တအိၣ်ဘၣ်ဒီး ယကပူၤဖျဲးဒီးတၢ်ကမၣ်အဒိၣ်အယိာ်န့ၣ်လီၤ.

တၢ်ကတိၤဒိ. 21:11

ဖဲပှၤပာ်ထီၣ်ထီသးတဂၤဂၤဒိးန့ၢ်ဘၣ်အတၢ်စံၣ်ညီၣ်န့ၣ်, ပှၤလၢအတဆိကမိၣ်တၢ်တဂၤဒၣ်လဲာ်မၤလိန့ၢ်တၢ်မၤလိတမံၤလီၤ. ပှၤတဂၤလၢအကူၣ်သ့န့ၣ်ကမၤလိန့ၢ်တၢ်လၢ, တၢ်လၢအဘၣ်တၢ်သိၣ်လိတ့ၢ်အီၤန့ၣ်လီၤ.

လံာ်ဟိၤၡ့ 4:4

ယွၤစံးဝဲဒၣ်, မ်ပှၤသုတလိာ်ကွီၢ်မ့တမ့ၢ်, စံၣ်ညီၣ်ပှၤဂီၢ်မုၢ်နီတဂၤတဂ့ၤ. ယတၢ်လိာ်ကွီၢ်န့ၣ်အိၣ်ဝဲထီဒါသုဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်စကၤရယၤ 3:7

သ့တၢ်လၢာ်အယွၤစံးဒ်အံၤ, “နမ့ၢ်စူၢ်ယတၢ်သိၣ်တၢ်သီ တဖၣ်ဒီးမၤမူဒါတဖၣ်လၢယဟ့ၣ်လီၤနၤန့ၣ်ဒီး, နကပၢဆှၢဘၣ်ဒံးယတၢ်လုၢ်ဟံၣ်ဒီးအဂၢၤတဖၣ်, ဒီးယကဒိကနၣ်နတၢ်ထုကဖၣ်ဒ်ယဒိကနၣ်က လူးတဖၣ်လၢအအိၣ်လၢယမဲာ်ညါအတၢ်ထုကဖၣ်အသိးန့ၣ်လီၤ.

လံာ်တၢ်ဂံၢ် 15:30

ဘၣ်ဆၣ်ဒီးပှၤတဂၤလၢ်လၢ်လၢအမၤတၢ်ဒဲးဘးလၢတၢ်တိာ်သူၣ်ပာ်သး အပူၤန့ၣ်, အဝဲမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤ, အတၢ်ကမၣ်အိၣ်လၢအမၤတရီတပါယွၤသတးဒီးကဘၣ်တၢ်မၤသံကွံာ်အီၤ န့ၣ်လီၤ.

လံာ်တၢ်ဂံၢ် 15:31

အဂ့ၢ်ဒ်အံၤ, အဝဲဒၣ်ညိကွံာ်ယွၤအတၢ်ကတိၤဒီးလုၢ်သ့ၣ်ခါပတာ် အတၢ်မၤလိာ်တဖၣ်အကျါတဘီဒ်အကူၣ်ထီၣ်ဖးလီၤဒၣ်ဝဲအဃိန့ၣ်လီၤ. အဝဲအိၣ်မူအိၣ်ဒါလၢအတၢ်သံဒၣ်ဝဲအဂီၢ်န့ၣ်လီၤ.

လံာ်မးသဲ 10:14

ဒီးဟံၣ်မ့တမ့ၢ်ဝ့ၢ်တဖျၢၣ်ဖျၢၣ်မ့ၢ်တတူၢ်လိာ်သု, မ့ၢ်တဒိကနၣ်သုတၢ်ကတိၤဘၣ်ဒီးတုၤသုဟးထီၣ်လၢဟံၣ်အဝဲန့ၣ်မ့ၢ်ဂ့ၤ, ဝ့ၢ်အဝဲန့ၣ်မ့ၢ်ဂ့ၤ, တြူၤလီၤကွံာ်ဟီၣ်ခိၣ်ကမူၣ်လၢ သုခီၣ်လိၤတက့ၢ်.

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

လံာ်ယိၤဟၣ် 20:23

သုမ့ၢ်ပျၢ်ကွံာ်ပှၤအတၢ်ဒဲးဘးတဖၣ်ဒီး, အတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလီၤ. သုမ့ၢ်တပျၢ်ကွံာ်အဝဲသ့ၣ်အတၢ်ဒဲးဘးတဖၣ် ဘၣ်ဒီး, တၢ်တပျၢ်ကွံာ်ဘၣ်အီၤဘၣ်.”

လံာ်သိၣ်လီၤသီလီၤတၢ် 1:43

ယတဲဘၣ်တ့ၢ်သုတၢ်လၢယွၤစံးတ့ၢ်ဝဲတဖၣ်, ဘၣ်ဆၣ်ဒီးသုတပာ်ကဲ အီၤနီတစဲးဘၣ်. သုပူထီၣ်တၢ်ထီဒါယွၤ, ဒီးလၢသုတၢ်ပာ်ထီၣ်ထီသးအပူၤန့ၣ်သုလဲၤထီၣ်ဆူကီၢ်လၢအပှဲၤ ဒီးတၢ်လူၢ်တၢ်တြီၤအပူၤလၢသုကဒုးတၢ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 10:8

ဖဲကစၢၢ်န့ၣ်, ယွၤဃုထၢပာ်လီၤပှၤတဖၣ်လၢလ့ၤဝံအဒူၣ်အပူၤဒ် သိးကဟံးန့ၢ်မူဒါလၢတၢ်အံးထွဲကွၢ်ထွဲတၢ်အၢၣ်လီၤအီလီၤ အတလါစီဆှံအဂီၢ်, လၢကမၤအတၢ်မၤဒ်ပှၤလုၢ်တၢ်အခိၣ်တဖၣ်ဒီးဒ်သိးအကကိးထီၣ်တၢ် ဆိၣ်ဂ့ၤလၢယွၤအမံၤအဂီၢ်န့ၣ်လီၤ. ဒီးတၢ်တဖၣ်အံၤမ့ၢ်ဒံးဒၣ်အဝဲသ့ၣ်အမူအဒါတဖၣ်န့ၣ်လီၤ.

လံာ်သိၣ်လီၤသီလီၤတၢ် 13:11

အန့ၣ်တစု, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ကနၢ်ဟူတၢ် လၢအမၤတ့ၢ်အသးန့ၣ်လီၤ. အဝဲသ့ၣ်ကပျံၤတၢ်ဖုးတၢ်ဒီးပှၤတမၤကဒီးတၢ်အၢတၢ်သီဒ်န့ၣ်အသိး တမံၤလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 17:13

အန့ၣ်တစု, ပှၤကိးဂၤဒဲးကနၢ်ဟူဘၣ်တၢ်ဂ့ၢ်န့ၣ်ဒီးပျံၤတၢ်, ဒီးပှၤလၢအမၤတၢ်ဒ်န့ၣ်အသိးဘူၣ်န့ၣ်တအိၣ်လၢၤဘၣ်နီတဂၤဘၣ်.

လံာ်သိၣ်လီၤသီလီၤတၢ် 17:7

ပှၤအုၣ်အသးတဖၣ်ကဘၣ်တၢ်ကွံာ်ဆိအီၤလၢလၢၢ်တဖၣ်ဝံၤဒီးပှၤဂီၢ်မုၢ် အဂၤလၢအအိၣ်လီၤတဲာ်တဖၣ်ကကွံာ်အီၤလၢလၢၢ်န့ၣ်လီၤ. လၢကျဲအံၤန့ၣ်, သုကမၤပူၤဖျဲးသုသးဒီးတၢ်အၢတၢ်သီ တမံၤအံၤန့ၣ်လီၤ.

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 18:5

လၢကယဲၢ်သုဒူၣ်တဖၣ်ခဲလၢာ်အကျါန့ၣ်, ယွၤဃုထၢတ့ၢ်လ့ၤဝံ အဒူၣ်ဒ်သိးကမၤအတၢ်ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီ လီၤ.

လံာ်သိၣ်လီၤသီလီၤတၢ် 18:7

ဒီးမၤတၢ်ဖဲန့ၣ်ဒ်ယွၤ, အဝဲအကစၢ်ယွၤအပှၤလုၢ်တၢ်အခိၣ်တဂၤ အသိးသ့ဝဲ, ဒ်သိးဒၣ်ပှၤလ့ၤဝံဖိအဂၤတဖၣ်လၢအမၤတၢ်ဖဲန့ၣ်လီၤ.

၁ သ့းစၤလနံ 4:2

အဂ့ၢ်ဒ်အံၤ, သုသ့ၣ်ညါတၢ်သိၣ်လိနဲၣ်လိလၢပဟ့ၣ်သုခီဖျိ ကစၢ်ယ့ၣ်ၡူးအမံၤန့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

လံာ်စီၤယိၤၡူ 1:18

ပှၤတဂၤလၢ်လၢ်လၢအထီဒါနတၢ်စိတၢ်ကမီၤ, ဒီးတစူၢ်ဘၣ်နတၢ်မၤလိာ်တမံၤလၢ်လၢ်န့ၣ်, ကဘၣ်တၢ်မၤသံအီၤလီၤ. ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်.”

လံာ်ပှၤစံၣ်ညီၣ်ကွီၢ် 20:13

ဟ့ၣ်လီၤပှၤလၢပှၤအိၣ်ဒီးလုၢ်လၢ်သကဲးပဝာ်အၢသီတဖၣ်လၢကံဘဧၤအပူၤန့ၣ် ဒ်သိးပကမၤသံအီၤဒီးသုးကွံာ်တၢ်အၢတၢ်သီအံၤလၢအံၣ်စရ့လးပူၤတက့ၢ်.” ဘၣ်ဆၣ်ဒီးပှၤဘံၣ်ယၤမံၣ်ဖိ တဖၣ်တပာ်ကဲဘၣ်အံၣ်စရ့လးအဒူၣ်အဂၤတဖၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 3:13

ယစံးဘၣ်တ့ၢ်လံအီၤလၢယကစံၣ်ညီၣ်အဟံၣ်ဖိဃီဖိလီၤစိၤလီၤထီလီၤ. အဂ့ၢ်ဒ်အံၤ, အဖိခွါတဖၣ်ကတိၤတ့ၢ်တၢ်ကတိၤအအၢအသီထီဒါ ယၤလီၤ. စီၤဧ့လံၤသ့ၣ်ညါတ့ၢ်တၢ်လၢအဝဲသ့ၣ်မၤတ့ၢ်ဝဲတဖၣ်အံၤဘၣ်ဆၣ် ဒီးတတြီဘၣ်အဝဲသ့ၣ်ဘၣ်.