လံာ်သိၣ်လီၤသီလီၤတၢ် 17:11 - Sgaw Karen Common Bible

¹¹ တူၢ်လိာ်အဝဲသ့ၣ်အတၢ်စံၣ်ညီၣ်ဒီးပိာ်ထွဲ အဝဲသ့ၣ်အတၢ်သိၣ်လိနဲၣ်ယုၤကိးမံၤဒဲးလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 17:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:19

စီၤပၤသံကွၢ်အီၤ, “မ့ၢ်စီၤယိၤအာ်မၢနမၤတၢ်အံၤန့ၣ်ဧါ.” ပိာ်မုၣ်န့ၣ်စံးဆၢအီၤ, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်လၢတၢ်စီဆှံခဲလၢာ်အပူၤလၢ, ကျဲတအိၣ်ဘၣ်နီတဘိလၢ ယကပဒ့ၣ်ဟးဆှဲးစံးဆၢနတၢ်သံကွၢ်ဘၣ်န့ၣ်လီၤ. သပှၢ်ကတၢၢ်နသုးခိၣ်စီၤယိၤအာ်, မ့ၢ်ပှၤလၢအတဲဘၣ်ယၤလၢယကဘၣ်မၤ တၢ်မနုၤဒီးယကဘၣ်စံးတၢ်မနုၤလဲၣ်န့ၣ်လီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 10:11

ဒီးသုကဘၣ်သိၣ်လိသီလိပှၤအံၣ်စရ့လးဖိလၢကယဲၢ်တၢ်သိၣ်တၢ် သီလၢယဟ့ၣ်လီၤသုခီဖျိစီၤမိၤၡ့န့ၣ်လီၤ.”

လံာ်သိၣ်လီၤသီလီၤတၢ် 17:10

အဝဲသ့ၣ်ကဟ့ၣ်ထီၣ်အတၢ်စံၣ်ညီၣ်တဲာ်, ဒီးသုကဘၣ်မၤတၢ်လီၤတံၢ်လီၤဆဲး ဒ်အဝဲသ့ၣ်တဲဘၣ်သုအသိးန့ၣ်လီၤ.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 28:14

ဘၣ်ဆၣ်သုတဘၣ်လဲၤကပာ်ကွံာ်အီၤလၢကျဲနီတဘိမ့ၢ်ဂ့ၤ, ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, နီတစုဘၣ်.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

တံတူး 3:1

ဒုးသ့ၣ်နီၣ်ထီၣ်က့ၤအဝဲသ့ၣ်လၢအကဆီၣ်လီၤအသးလၢ ပှၤပၢတၢ်ဒီးပဒိၣ်ပပှၢ်တဖၣ်အဖီလာ်ဒီးကစူၢ်အကလုၢ်, ဒီးကအိၣ်ကတဲာ်ကတီၤအသးလၢကမၤဂ့ၤတၢ်လၢကျဲကိးဘိဒဲး အဂီၢ်န့ၣ်တက့ၢ်.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

ယူဒၤ 1:8

လၢကျဲဒ်အံၤအသိးစ့ၢ်ကီး, ပှၤသ့ၣ်တဖၣ်အံၤအိၣ်ဒီးတၢ်ထံၣ် လၢညါခီတဖၣ်လၢအလီန့ၢ်အဝဲသ့ၣ်ဒီးဒုးမၤအီၤလၢတၢ်ဒဲးဘး ထီဒါက့ၤအကစၢ်ဒၣ်ဝဲအနီၢ်ခိတဖၣ်န့ၣ်လီၤ. အဝဲသ့ၣ်မၤတရီတပါကစၢ်ယွၤအတၢ်စိတၢ်ကမီၤဒီးဒုၣ်ဒွဲၣ်မူ ခိၣ်တၢ်လၤကပီၤတဖၣ်န့ၣ်လီၤ.