လံာ်သိၣ်လီၤသီလီၤတၢ် 17:1 - Sgaw Karen Common Bible

¹ ဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤလၢအက့ၢ်အဂီၤတလၢတပှဲၤ န့ၣ်လုၢ်ထီၣ်အီၤဆူယွၤ, သုကစၢ်ယွၤအအိၣ်တဂ့ၤ. ယွၤသးဟ့တၢ်အံၤလီၤ.

လံာ်သိၣ်လီၤသီလီၤတၢ် 17:1 Iomraidhean Croise

လံာ်တၢ်ကဲထီၣ်အခီၣ်ထံး 41:19

ဝံၤဒီးဂီၤဖံးမိၢ်အဂၤနွံဒုလၢအဃဲၤဒီးပကွၢ်အီၤလာ်အၢဟဲ ထီၣ်ဝဲန့ၣ်လီၤ. အဝဲသ့ၣ်မ့ၢ်ဂီၤဖံးမိၢ်အဃဲၤသံတဖၣ်လၢယတထံၣ်ဘၣ်တ့ၢ်နီတပူၤ လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 12:5

သုဃုထၢသိတဒုမ့တမ့ၢ်မဲာ်တဲးလဲးတဒုသ့ဝဲလီၤ. ဘၣ်ဆၣ်ဒီးကဘၣ်မ့ၢ်အဖါတဒုလၢအသးအိၣ်တနံၣ်ဒီးတအိၣ်ဘၣ်ဒီးတၢ် လီၤတူာ်လီၤကာ်နီတမံၤဘၣ်န့ၣ်လီၤ.

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 20:10

ယွၤသးဘၣ်အၢပှၤတဖၣ်လၢအသူစီၤပီၢ်သၣ်ဒီးနီၣ်ထိၣ်တၢ်လၢ အတတီတလိၤတဖၣ်န့ၣ်လီၤ.

တၢ်ကတိၤဒိ. 6:16

တၢ်အိၣ်ဝဲဒၣ်နွံမံၤလၢယွၤသးဟ့ဒီးသးဘၣ်အၢအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.

လံာ်တၢ်ဂံၢ် 29:8

လုၢ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢ အဘၣ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒုဒီးသိဖါ ဖိအသးအိၣ်တနံၣ်န့ၣ်နွံဒုတက့ၢ်. ဒီးကဘၣ်ပူၤဖျဲးဒီးတၢ်လီၤတူာ်လီၤကာ်ခဲလၢာ်လီၤ.

လံာ်သိၣ်လီၤသီလီၤတၢ် 15:21

ဘၣ်ဆၣ်ဒီးတၢ်မ့ၢ်လဲၤကမၣ်အသးတမံၤမံၤဒီးဆၣ်ဖိကီၢ်ဖိတဖၣ် အံၤ, ဒ်ပစံးတၢ်အသိးအခီၣ်မ့ၢ်ဟးဂီၤမ့ၢ်ဂ့ၤ, အမဲာ်ချံမ့ၢ်ဘျီၣ်မ့ၢ်ဂ့ၤ, မ့ၢ်အိၣ်ဒီးတၢ်ဂံၢ်စၢ်ဘါစၢ်အဂၤ ဒိၣ်ဒိၣ်မုၢ်မုၢ်တမံၤမံၤမ့ၢ်ဂ့ၤဒီး, သုတဘၣ်လုၢ်ထီၣ်အီၤဆူယွၤသုကစၢ်ယွၤအအိၣ်ဘၣ်.

လံာ်သိၣ်လီၤသီလီၤတၢ် 23:18

ကျိၣ်ဧိၤစ့ဧိၤလၢတၢ်မၤန့ၢ်အီၤလၢကျဲဒ်အံၤအသိးစ့ၢ်ကီး, တၢ်တဘၣ်ဟဲစိာ်အီၤဆူယွၤသုကစၢ်ယွၤအဟံၣ်လၢတၢ်ကမၤလၢပှဲၤတၢ် အၢၣ်လီၤတမံၤအဂီၢ်ဘၣ်. အဂ့ၢ်ဒ်အံၤ, ယွၤသးဟ့တၢ်လုၢ်လီၢ်အပှၤဃဲသဲမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 24:4

လၢတၢ်ဂ့ၢ်ခံမံၤလၢာ်အပူၤန့ၣ်အဝဲအဝၤအခီၣ်ထံးတဂၤဖျီက့ၤ ကဒီးအသးဒီးအီၤတသ့ဘၣ်. အဝဲကဘၣ်ပာ်အီၤဒ်ပှၤတကဆှီဘၣ်တဂၤအသိးန့ၣ်လီၤ. အဝဲမ့ၢ်ဖျီကဒီးအသးဒီးပိာ်မုၣ်န့ၣ် ဒီးကကဲထီၣ်တၢ်ထီဒါကစၢ်ယွၤန့ၣ်လီၤ. သုတဘၣ်မၤတၢ်ဒဲးဘးလၢအလီၤပျံၤလီၤဖုးဒ်န့ၣ်တကလုာ်လၢကီၢ် လၢယွၤသုကစၢ်ယွၤဟ့ၣ်လီၤသုအပူၤန့ၣ်ဘၣ်.

လံာ်သိၣ်လီၤသီလီၤတၢ် 25:16

အဂ့ၢ်ဒ်အံၤ, ကစၢ်ယွၤသးဟ့ပှၤတဖၣ်လၢအလီတၢ်ဝ့ၤတၢ်န့ၣ်လီၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.