လံာ်သိၣ်လီၤသီလီၤတၢ် 16:3 - Sgaw Karen Common Bible

³ ဖဲသုအီၣ်တၢ်အီၣ်အံၤန့ၣ်, အီၣ်ကိၣ်လၢအဘၣ်တၢ်မၤအီၤဒီးကိၣ်မံၣ်န့ၣ်တဂ့ၤ. လၢနွံသီအတီၢ်ပူၤန့ၣ်သုကဘၣ်အီၣ်ကိၣ်လၢတၢ်တမၤ အီၤဒီးကိၣ်မံၣ်ဘၣ်, ဒ်သုမၤအီၤဖဲသုဟးထီၣ်လၢကီၢ်အဲၤကူပတူး အပူၤချ့ဒံးချ့ဒူးအသိးန့ၣ်လီၤ. အီၣ်ကိၣ်အံၤတက့ၢ်. တၢ်န့ၣ်ကဘၣ်တၢ်ကိးအီၤလၢတၢ်နးတၢ်ဖှီၣ်အကိၣ်, ဒ်သိးဒီးဖဲသုအိၣ်မူအဆၢကတီၢ်န့ၣ်သုကသ့ၣ်နီၣ်ထီၣ်က့ၤမုၢ် တနံၤဖဲသုဟးထီၣ်လၢကီၢ်အဲၤကူပတူးအပူၤ, လၢအမ့ၢ်တၢ်နးတၢ်ဖှီၣ်အလီၢ်န့ၣ်လီၤ.

လံာ်သိၣ်လီၤသီလီၤတၢ် 16:3 Iomraidhean Croise

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

စံးထီၣ်ပတြၢၤ 102:9

ယအီၣ်ဖၣ်ဆါဒ်ကိၣ်အသိး ဒီးယမၤဃါဃုာ်ယတၢ်အီဒီးမဲာ်ထံလီၤ.

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

စံးထီၣ်ပတြၢၤ 127:2

သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

လံာ်တၢ်ဟးထီၣ်ကွံာ် 12:11

သုကဘၣ်အီၣ်အီၤချ့ချ့လီၤ. အဂ့ၢ်ဒ်အံၤ, သုကဘၣ်ကတဲာ်ကတီၤသုသးလၢတၢ်လဲၤတၢ်က့ၤအဂီၢ်, အိၣ်ဒီးသုခီၣ်ဖံးတဖၣ်လၢသုခီၣ်အလိၤဒီးသုနီၣ်က့အိၣ်လၢ သုစုပူၤန့ၣ်လီၤ. အအံၤမ့ၢ်ဘူၣ်လဲၤကပာ်လၢတၢ်မၤလၤကပီၤယၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:17

တိၢ်န့ၢ်ဘူၣ်ကိၣ်တအိၣ်ဘၣ်ဒီးကိၣ်မံၣ်အံၤန့ၣ်တက့ၢ်. အဂ့ၢ်ဒ်အံၤ, လၢမုၢ်နံၤအဝဲအံၤန့ၣ်ယဒုးဟးထီၣ်ကွံာ်သု ဒူၣ်တဖၣ်လၢကီၢ်အဲၤကူပတူးအပူၤလီၤ. သုကဘၣ်တိၢ်န့ၢ်မုၢ်တနံၤအံၤဒ်ဘူၣ်ဖးဒိၣ်တဘူၣ်အသိးအစိၤစိၤ အဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 12:39

အဝဲသ့ၣ်ဘၢကိၣ်တအိၣ်ဘၣ်ဒီးကိၣ်မံၣ်လၢကိၣ်ကမူၣ်ဃါဃုာ်ဒီးထံ လၢအဟဲစိာ်ဝဲလၢကီၢ်အဲၤကူပတူးအပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဘၣ်တၢ်နီၣ်ထီၣ်ကွံာ်အီၤလၢကီၢ်အဲၤကူ ပတူးအပူၤသတူၢ်ကလာ်အဃိတၢ်ဆၢကတီၢ်တအီၣ်ဘၣ်လၢက, ကတဲာ်ကတီၤအတၢ်အီၣ်မ့ၢ်ဂ့ၤ, ကတဲာ်ကတီၤကိၣ်ကမူၣ်ဃါဃုာ် ဒီးထံမ့ၢ်ဂ့ၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 34:18

တိၢ်န့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ်အမူးတက့ၢ်. ဒ်ယမၤလိာ်တ့ၢ်သုအသိးန့ၣ်အီၣ်ကိၣ်လၢတအိၣ်ဘၣ်ဒီးကိၣ်မံၣ်လၢ နွံသီအတီၢ်ပူၤဖဲလါအၤဘံာ်အပူၤန့ၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်လါတလါလၢသုဟးထီၣ်လၢကီၢ်အဲၤကူပတူးအပူၤန့ၣ်လီၤ.

လံာ်ယၡါယၤ 52:12

တဘျီညါအံၤသုတဟးထီၣ်ဘၣ် လၢတၢ်ချ့ဒံးချ့ဒူးအပူၤဘၣ်. တမ့ၢ်သုကကျဲးစၢးဃ့ၢ်ပူၤဖျဲးကွံာ်န့ၣ်ဘၣ်. ယွၤသုကစၢ်ယွၤကဆှၢသုဒီးဒီဒၣ်အိၣ်ပှိၤသုလၢတၢ်ကိးကပၤ ဒဲးလီၤ.

လံာ်တၢ်ဘူၣ်ထီၣ်ဘါထီၣ် 23:6

ဒီးလၢတဆံယဲၢ်နံၤတနံၤန့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ် အမူးဘၣ်တၢ်စးထီၣ်မၤအီၤန့ၣ်လီၤ. နွံနံၤန့ၣ်သုဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်တၢ်ဂံၢ် 28:17

လၢတဆံယဲၢ်သီတသီန့ၣ်, တၢ်ဘူၣ်တၢ်ဘါအမူးဖးဒိၣ်တခါစးထီၣ် ဒီးယံာ်ဝဲနွံသီန့ၣ်လီၤ. အကတီၢ်ဖဲအံၤန့ၣ်တၢ်ကဘၣ်အီၣ်ထဲဒၣ်ကိၣ်လၢဘၣ်တၢ်ကတဲာ် ကတီၤအီၤတအိၣ်ဘၣ်ဒီးကိၣ်မံၣ်န့ၣ်လီၤ.

လံာ်တၢ်ဂံၢ် 9:11

သုကဒိးန့ၢ်ဘၣ်တၢ်ပျဲလၢသုကမၤအီၤလၢခံတလါ, ဖဲလါခံလါတလါ, ထီၣ်တဆံလွံၢ်သီတသီဟါခီန့ၣ်လီၤ. မၤအီၤလၢကိၣ်တအိၣ်ဘၣ်ဒီးကိၣ်မံၤဒီးတၢ်ဒိးတၢ်လၣ်အခၣ်တဖၣ် န့ၣ်တက့ၢ်.

လံာ်လူၤကၣ် 22:19

အဝဲန့ၣ်ဝံၤအလီၢ်ခံ, အဝဲဒၣ်ဟံးန့ၢ်ကိၣ်, စံးဘျုးစံးဖှိၣ်ကစၢ်ယွၤ, စိၢ်ဘျဲးဝဲ, ဒီးဟ့ၣ်လီၤအီၤဆူအဝဲသ့ၣ်အအိၣ်ဒီးစံးဝဲ, “အဝဲအံၤမ့ၢ်ယနီၢ်ခိလၢအဘၣ်တၢ်ဟ့ၣ်လီၤအီၤလၢသုဂီၢ်လီၤ. မၤတၢ်အဝဲအံၤလၢတၢ်သ့ၣ်နီၣ်ထီၣ်က့ၤယၤအဂီၢ်န့ၣ်တက့ၢ်.”

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

လံာ်သိၣ်လီၤသီလီၤတၢ် 16:2

လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီးဖဲန့ၣ်မၤသံသုသိ အကျါတဒုမ့တမ့ၢ်သုဂီၤဘုၣ်ဂီၤဖံးအကျါတဒုလၢဘူၣ်လဲၤကပာ် အတၢ်အီၣ်အဂီၢ်လၢတၢ်မၤလၤကပီၤယွၤသုကစၢ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

၁ သ့းစၤလနံ 1:6

သုတူၢ်ဘၣ်တၢ်မၤအၢမၤနးသုအဒိၣ်အမုၢ်နာ်သက့, သုတူၢ်လိာ်တၢ်သးခုအကစီၣ်လၢတၢ်သးခုလၢ သုဒိးန့ၢ်ဘၣ်လၢသးစီဆှံအအိၣ်သတးဒီး, သုကဲထီၣ်ပှၤကွၢ်လိမၤဒိးပှၤဒီးကစၢ်န့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”