လံာ်သိၣ်လီၤသီလီၤတၢ် 16:21 - Sgaw Karen Common Bible

²¹ ဖဲသုမၤတၢ်လုၢ်လီၢ်တခါလၢယွၤသုကစၢ်ယွၤအဂီၢ်န့ၣ်, ပာ်လီၤကစၢ်မုၣ်အၡ့ရၤအတၢ်ပနီၣ်လၢတၢ်မၤအီၤလၢသ့ၣ်တခါဖဲ အကပၤတဂ့ၤ.

လံာ်သိၣ်လီၤသီလီၤတၢ် 16:21 Iomraidhean Croise

လံာ်စီၤပၤအခီၣ်ထံးတဘ့ၣ် 14:15

ယွၤကစံၣ်ညီၣ်ကီၢ်အံၣ်စရ့လးဒီးကီၢ်အံၣ်စရ့လးကဟူးဝးဝဲဒ် တပိၢ်တဘိလၢအဟူးဝးလၢထံကျိဖိတဘိအပူၤအသိးန့ၣ်လီၤ. အဝဲကထဲးထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်ဂ့ၤတဘ့ၣ် အံၤအပူၤ, လၢအဟ့ၣ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ, ဒီးအဝဲကမၤလီၤပြံလီၤပြါကွံာ်အဝဲသ့ၣ်ဆူထံကျိဖရၤသး အဝၢ်ဘးခီန့ၣ်လီၤ. အဂ့ၢ်ဒ်အံၤ, အဝဲသ့ၣ်ထိၣ်ဂဲၤထီၣ်တ့ၢ်အတၢ်သးထီၣ်ခီဖျိ မၤထီၣ်ကစၢ်မုၣ်အၡ့ရၤအတၢ်ဂီၤတၢ်ဖီၣ်တဖၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:33

အဝဲမၤထီၣ်စ့ၢ်ကီးကစၢ်မုၣ်အၡ့ရၤအဂီၤတခါန့ၣ်လီၤ. အဝဲထိၣ်ဂဲၤထီၣ်ယွၤ, ကီၢ်အံၣ်စရ့လးအကစၢ်ယွၤအတၢ်သးဒိၣ်အါ န့ၢ်ဒံးကီၢ်အံၣ်စရ့လးအစီၤပၤတဖၣ်လၢအဝဲအမဲာ်ညါတက့ၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:7

အဝဲပာ်လီၤကစၢ်မုၣ်အၡ့ရၤအပနီၣ်လၢယွၤအတၢ်လုၢ်ဟံၣ်ပူၤ, တၢ်လီၢ်လၢယွၤစံးဘၣ်တ့ၢ်စီၤဒၤဝံးဒီးအဖိခွါစီၤၡလိၤမိၤ လၢအဂ့ၢ်, စံးဝဲ, “ဖဲအံၤ, ဖဲဝ့ၢ်ယရူၤၡလ့ၣ်အပူၤ, တၢ်လီၢ်ဖဲ ယွၤအတၢ်လုၢ်ဟံၣ်အပူၤအံၤ, မ့ၢ်တၢ်လီၢ်လၢယဃုထၢတ့ၢ်ယဲလၢ ကယဲၢ်လီၢ်ကဝီၤခဲလၢာ်လၢအံၣ်စရ့လးအဒူၣ်တဆံခံဒူၣ်အပူၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအပၢ်စီၤဃံးစကံယၤမၤဟးဂီၤတ့ၢ်ဝဲန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ဒီးမၤကစၢ်မုၢ်အၡ့ရၤအဂီၤတဖၣ်ဒီးဘူၣ်ထီၣ်ဘါထီၣ်ဆၣ်ဧိၤဖီဧိၤ တဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:13

အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်သိၣ်လီၤသီလီၤတၢ် 7:5

လၢတၢ်န့ၣ်အဃိ, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤကၢ်ကွံာ်အဝဲသ့ၣ်အလၢၢ်ထူၣ်စီဆှံတဖၣ်ဆူအက့အခီတဖၣ်ကျီ ကွံာ်အဝဲသ့ၣ်အကစၢ်မုၢ်အၡ့ရၤအပနီၣ်တဖၣ်ဒီးဒွဲၣ်အူထီၣ်ကွံာ် အဝဲသ့ၣ်အတၢ်ဂီၤတၢ်ဖီၣ်တဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.