လံာ်သိၣ်လီၤသီလီၤတၢ် 16:18 - Sgaw Karen Common Bible

¹⁸ ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်သိၣ်လီၤသီလီၤတၢ် 16:18 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:4

စီၤပၤဃုထၢပာ်လီၤတ့ၢ်ပှၤ ခံကလးလွံၢ်ကထိ ဂၤလၢကပၢဆှၢယွၤအတၢ်လုၢ်ဟံၣ်အတၢ်မၤအဂီၢ်, ပှၤဃုကထိဂၤလၢကပၢၤဃာ်တၢ်ကွဲးနီၣ်တဖၣ်ဒီးကမ့ၢ်ပှၤစံၣ်ညီၣ်ကွီၢ်တဖၣ်အဂီၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 26:29

လၢစီၤယံးစဟၢ်အစၢၤအသွဲၣ်တဖၣ်အကျါစီၤကနၤနယၤဒီးအဖိခွါ တဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ပၢတၢ်ပြးအမူ အဒါတဖၣ်, ဒ်ပှၤအခိၣ်လၢတၢ်ပာ်ဒီးပၢၤတၢ်ကွဲးနီၣ်တဖၣ်ဒီးဒ် စံၣ်ညီၣ်ကွီၢ်တဖၣ်အသိးန့ၣ်လီၤ.

လံာ်စီၤဧ့စြၤ 7:25

စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 21:22

ပှၤတနီၤမ့ၢ်အ့ၣ်လိာ်ဆိးက့လိာ်အသးဒီးမၤဘၣ်ဒိဘၣ်ထံးပှၤ ပိာ်မုၣ်အိၣ်ဒီးအဟုးအသးတဂၤတုၤလၢအဖိဟးဂီၤဘၣ်ဆၣ်ပိာ်မုၣ် န့ၣ်မ့ၢ်တဘၣ်ဒိလၢကျဲအဂၤနီတမံၤဘၣ်ဒီးပှၤလၢအမၤဘၣ်ဒိဘၣ် ထံးအီၤန့ၣ်ကဘၣ်လိးက့ၤတၢ်ဒ်ပိာ်မုၣ်တဂၤန့ၣ်အဝၤဃ့ဝဲဒၣ်အသိး, ဒ်စံၣ်ညီၣ်ကွီၢ်အၢၣ်လီၤဆီၣ်ထွဲဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 21:6

အကစၢ်ကဘၣ်လဲၤကိးအီၤဆူတၢ်ဘူၣ်ထီၣ်ဘါထီၣ်အလီၢ်န့ၣ်လီၤ. ဖဲန့ၣ်အကစၢ်ကဘၣ်မၢအဆၢထၢၣ်လၢတြဲၤမ့တမ့ၢ်တြဲၤအထူၣ်အမဲာ်ညါ ဒီးကမၤထူၣ်ဖျိအနၢ်လီၤ. တုၤနုၤတစုအဝဲကကဲထီၣ်အကစၢ်အကုၢ်တစိၤသးန့ၣ်လီၤ.

တၢ်ကတိၤဒိ. 31:23

အဝၤဘၣ်တၢ်သ့ၣ်ညါအီၤဂ့ၤမးမ့ၢ်လၢအမ့ၢ်ပှၤခိၣ်ပှၤနၢ်လၢ ထံဖိကီၢ်ဖိအဖျိးစိအကျါတဂၤအဃိန့ၣ်လီၤ.

လံာ်မးသဲ 5:21

သုသ့ၣ်ညါသုဝဲလၢပှၤယူဒၤဖိလၢပျၢၤတဖၣ်ဘၣ်တၢ်စံးပာ်တ့ၢ် အီၤ, ‘မၤသံပှၤကညီတဂ့ၤ. ဒီးပှၤတဂၤလၢ်လၢ်လၢအမၤသံပှၤကညီန့ၣ် ကဘၣ်တၢ်သမံသမိးအီၤလၢစံၣ်ညီၣ်ကွီၢ်လီၤ.’

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်သိၣ်လီၤသီလီၤတၢ် 16:17

ပှၤတဂၤဘၣ်တဂၤစုာ်စုာ်ကဘၣ်ဟဲစိာ်တၢ်ဟ့ၣ်တမံၤ, ဒ်အဝဲမၤသ့အသိး, ကၢကီၣ်သဃီၤဒီးတၢ်ဆိၣ်ဂ့ၤလၢယွၤသုကစၢ် ယွၤဟ့ၣ်လီၤအီၤန့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

လံာ်သိၣ်လီၤသီလီၤတၢ် 17:12

ပှၤတဂၤလၢ်လၢ်လၢအတစူၢ်ဘၣ်ပှၤစံၣ်ညီၣ်ကွီၢ်မ့ၢ်ဂ့ၤ, ပှၤလုၢ်တၢ်အခိၣ်လၢအဘၣ်မူဘၣ်ဒါမ့ၢ်ဂ့ၤဘူၣ်န့ၣ်, ကဘၣ်တၢ်မၤသံအီၤလီၤ. လၢကျဲဒ်အံၤန့ၣ်သုကသုးကွံာ်တၢ်အၢတၢ်သီအံၤလၢကီၢ်အံၣ်စရ့ လးအပူၤန့ၣ်လီၤ.

လံာ်သိၣ်လီၤသီလီၤတၢ် 17:9

ဒီးဆှၢထီၣ်သုကွီၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်ဒီး ဆူပှၤစံၣ်ညီၣ်ကွီၢ်တဖၣ်လၢအအိၣ်ဖဲတၢ်မၤအပူၤဖဲဆၢကတီၢ်အဝဲန့ၣ်, ဒီးပျဲအဝဲသ့ၣ်စံၣ်ညီၣ်တဲာ်ကွီၢ်န့ၣ်တက့ၢ်.

လံာ်သိၣ်လီၤသီလီၤတၢ် 21:2

သုပှၤခိၣ်ပှၤနၢ်တဖၣ်ဒီးပှၤစံၣ်ညီၣ်ကွီၢ်တဖၣ်ကဘၣ်ဟးထီၣ်ဒီး ထိၣ်တဲာ်တၢ်ဒ့ၣ်စၢၤအယံၤလၢတၢ်လီၢ်ဖဲတၢ်စိၣ်ဘၣ်တၢ်ထံၣ်အီၤ တုၤဆူဝ့ၢ်အိၣ်ဘူးတဖၣ်, တဖျၢၣ်စုာ်စုာ်န့ၣ်လီၤ.

လံာ်သိၣ်လီၤသီလီၤတၢ် 25:1

ပစံးဒၣ်ကလိာ်, ပှၤအံၣ်စရ့လးဖိခံဂၤ, လဲၤဆူကွီၢ်ဘျီၣ်ပူၤ, လၢတၢ်ကစံၣ်ညီၣ်န့ၢ်အီၤတၢ်တဘၣ်လိာ်ဖိးဒ့အကွီၢ်တမံၤအဂီၢ်ဒီး, တၢ်ကပာ်ဖျါထီၣ်လၢပှၤတဂၤအတၢ်ကမၣ်တအိၣ်ဘၣ်, ဒီးပှၤအဂၤတဂၤအတၢ်ကမၣ်အိၣ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:1

ဒီးတုၤစီၤၡမူၤအ့လးအသးပှၢ်ထီၣ်န့ၣ်, အဝဲဒုးကဲထီၣ်အဖိခွါတဖၣ် လၢပှၤစံၣ်ညီၣ်ကွီၢ်တဖၣ်လၢကီၢ်အံၣ်စရ့လးအပူၤလီၤ.