လံာ်သိၣ်လီၤသီလီၤတၢ် 16:17 - Sgaw Karen Common Bible

¹⁷ ပှၤတဂၤဘၣ်တဂၤစုာ်စုာ်ကဘၣ်ဟဲစိာ်တၢ်ဟ့ၣ်တမံၤ, ဒ်အဝဲမၤသ့အသိး, ကၢကီၣ်သဃီၤဒီးတၢ်ဆိၣ်ဂ့ၤလၢယွၤသုကစၢ် ယွၤဟ့ၣ်လီၤအီၤန့ၣ်လီၤ.

လံာ်သိၣ်လီၤသီလီၤတၢ် 16:17 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:14

အန့ၣ်ဒၣ်လဲာ်, ယပှၤဂီၢ်မုၢ်ဒီးယၤပဟ့ၣ်နၤတၢ်တသ့နီၢ်နီၢ်နီ တမံၤဘၣ်. အဂ့ၢ်ဒ်အံၤ, တၢ်ခဲလၢာ်န့ၣ်မ့ၢ်တၢ်ဟ့ၣ်ဟဲလၢနၤဒီးပဟ့ၣ်ဆၢ က့ၤနၤတၢ်လၢအမ့ၢ်တ့ၢ်နတၢ်တဖၣ်န့ၣ်လီၤ.

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်ယဃ့းစက့လး 46:7

ဃုာ်ဒီးဂီၤဖံးဖါတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ်ဝဲ ဘုဧိၤဟုဧိၤတအ့ဖး, ဒီးဃုာ်ဒီးသိဖိတဒုစုာ်စုာ်န့ၣ်, တၢ်လုၢ်မၤဘူၣ်ကဘၣ်မ့ၢ် တၢ်တမံၤလၢ်လၢ်လၢစီၤပၤဖိခွါအဲၣ်ဒိးဟ့ၣ်ဝဲန့ၣ်လီၤ. သ့ၣ်စၤယံး အသိတအ့ဖးန့ၣ်ကဘၣ်တၢ်မၤဘူၣ်အီၤဃုာ်ဒီးတၢ်လုၢ်မၤဘူၣ် ဘုဧိၤဟုဧိၤဒ်န့ၣ်အသိးတမံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:8

ဒီးပှၤလၢအအၢၣ်လီၤအသးတဂၤမ့ၢ်ဖှီၣ် ဝဲဒီးဟ့ၣ်အပှ့ၤလၢတၢ်ပာ်အီၤမ့ၢ်တန့ၢ်န့ၣ်အဝဲကဘၣ်ဟဲဆူပှၤ လုၢ်တၢ်အခိၣ်အအိၣ်, ဒီးပှၤလုၢ်တၢ်အခိၣ်ကဘၣ်မၤစှၤလီၤအပှ့ၤထဲသိးဒီးအဝဲ ဟ့ၣ်ဝဲန့ၢ်န့ၣ်လီၤ.

၂ ကရံၣ်သူး 8:12

သုမ့ၢ်အိၣ်ဒီးတၢ်သးဆူၣ်ဟ့ၣ်တၢ်န့ၣ်, ကစၢ်ယွၤကတူၢ်လိာ် သုတၢ်ဟ့ၣ်, ဒ်အကြၢးဒီးတၢ်အိၣ်ဒီးသုလၢသုကဟ့ၣ်အဂီၢ်ဒီး တမ့ၢ်လၢတၢ်တအိၣ်ဒီးသုန့ၣ်ဘၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.