လံာ်သိၣ်လီၤသီလီၤတၢ် 16:14 - Sgaw Karen Common Bible

¹⁴ သူၣ်ခုသးခုလၢဘူၣ်ပူၤဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢဝ့ၢ်တဖၣ်အပူၤတက့ၢ်.

လံာ်သိၣ်လီၤသီလီၤတၢ် 16:14 Iomraidhean Croise

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

လံာ်ယၡါယၤ 30:29

ဘၣ်ဆၣ်သုဝဲယွၤအပှၤဂီၢ်မုၢ်တဖၣ်, သုကသူၣ်ခုသးခုဒီး သုကသးဝံၣ်တၢ်ဒ်သုမၤတ့ၢ်ဖဲမူးစီဆှံတနၤအဆၢကတီၢ် အသိးလီၤ. သုကသူၣ်ခုသးခုထဲသိးဒီးပှၤလၢအလဲၤတၢ်ဒ် တနၢ်သီတူၢ်အတၢ်ဒ့တၢ်အူအသိးလၢကျဲဆူယွၤ, အံၣ်စရ့လးအပှၤဒီဒၣ်တၢ်, အတၢ်လုၢ်ဟံၣ်န့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယိၤအ့လး 1:16

ပကွၢ်တၢ်ဒ်ပှၤလၢတၢ်မၤစၢၤအီၤတအိၣ်ဘၣ်မ့ၢ်လၢ ပတၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤအဃိန့ၣ်လီၤ. ဒီးတၢ်သူၣ်ဖှံသးညီန့ၣ်တအိၣ်ဝဲဒၣ်လၢပကစၢ်ယွၤ အတၢ်လုၢ်ဟံၣ်အပူၤန့ၣ်ဘၣ်.

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:15

မၤလၤကပီၤယွၤသုကစၢ်ယွၤခီဖျိတၢ်မၤဘူၣ်အံၤလၢနွံသီ အတီၢ်ပူၤဖဲတၢ်ဘူၣ်ထီၣ်ဘါထီၣ်အလီၢ်တတီၤတက့ၢ်. သူၣ်ခုသးခုတက့ၢ်. အဂ့ၢ်ဒ်အံၤ, ယွၤဆိၣ်ဂ့ၤတ့ၢ်သုတၢ်ကူး က့ၤဒီးသုတၢ်မၤန့ၣ်လီၤ.

လံာ်သိၣ်လီၤသီလီၤတၢ် 26:11

စံးဘျုးကစၢ်ယွၤလၢတၢ်အဂ့ၤတဖၣ်လၢ ယွၤသုကစၢ်ယွၤဟ့ၣ်လီၤသုဝဲဒီးသုပှၤဟံၣ်ဖိဃီဖိ, ဒီးပျဲပှၤလ့ၤဝံဖိတဖၣ်ဒီးပှၤတခီဘီမုၢ်ဖိတဖၣ်လၢအအိၣ် ဆိးလၢသုကျါဘူၣ်သကိးဘါသကိးတၢ်ဒီးသုတက့ၢ်.

၁ သ့းစၤလနံ 5:16

သူၣ်ဖှံသးညီထီဘိတက့ၢ်. ဘါထုကဖၣ်တၢ်တထံၣ်ဃီတက့ၢ်.