လံာ်သိၣ်လီၤသီလီၤတၢ် 15:7 - Sgaw Karen Common Bible

⁷ လၢဝ့ၢ်တဖၣ်အကျါတဖျၢၣ်ဖျၢၣ်လၢအအိၣ်လၢယွၤသု ကစၢ်ယွၤဟ့ၣ်လီၤသုအပူၤန့ၣ်, ပှၤအံၣ်စရ့လးဖိကဒဲကဒဲ ဒီးသုမ့ၢ်အိၣ်တဂၤလၢအလိၣ်ဘၣ်တၢ်န့ၣ်, အဲၣ်လီၤသုသးဒီးဂ့ၢ်လိာ်လၢသုကမၤစၢၤအီၤအဂီၢ်တဂ့ၤ.

လံာ်သိၣ်လီၤသီလီၤတၢ် 15:7 Iomraidhean Croise

လံာ်စီၤနဃ့မယၤ 5:1

ဒီးတစိၢ်ဖိဝံၤအလီၢ်ခံပှၤအါဂၤ, ပှၤပိာ်ခွါဒီးပှၤပိာ်မုၣ် တဖၣ်စးထီၣ်ပာ်ဒ့ၣ်ပာ်ကမၣ်ပှၤယူဒၤဖိကဒဲကဒဲန့ၣ်လီၤ.

လံာ်နီၢ်အ့ၤစတၢ် 9:19

မၤသးဒ်န့ၣ်ဒီးပှၤယူဒၤဖိလၢအအိၣ်လၢသဝီ ဒီးဝ့ၢ်ဆံးတဖၣ်အပူၤန့ၣ်ပာ်ဝဲဒၣ်လါအးဒၢ်ထီၣ်တဆံလွံၢ်နံၤ တနံၤလၢတၢ်သူၣ်ခုသးခုအနံၤအိၣ်ဘှံးတနံၤ, ဒီးတၢ်အီၣ်တၢ်အီအမူးတနံၤဒီးတၢ်ဟ့ၣ်လိာ်သကိးသး လၢတၢ်အီၣ်တၢ်အီအမုၢ်နံၤန့ၣ်လီၤ.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်တၢ်ဟးထီၣ်ကွံာ် 22:25

သုမ့ၢ်ဟ့ၣ်လိၢ်လီၤစ့ဆူယပှၤဂီၢ်မုၢ်လၢအဖှီၣ်အယာ်တဂၤလၢ်လၢ် န့ၣ်မၤသုသးဒ်ပှၤလိၢ်လီၤအီၣ်စ့တဖၣ်အသိးဒီးမၢဆူၣ်အီၤလၢ ကဟ့ၣ်စ့အအ့ၣ်တဂ့ၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

လံာ်ယၡါယၤ 58:10

သုမ့ၢ်ဟ့ၣ်ဒုးအီၣ်ပှၤလၢတၢ်သၣ်ဝံၤအသးဒီးမၤသးမံသးမုာ် ပှၤလၢအလိၣ်ဘၣ်တၢ်တဖၣ်ဒီး, အန့ၣ်တစုတၢ်ခံးတၢ်နၤ အိၣ်ဝးတရံးသုတဖၣ်ကဘိးကဒါကွံာ်အသးဆူမုၢ်ထူၣ်အတၢ် ကပီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:35

ဒီးပှၤအံၣ်စရ့လးဖိကဒဲကဒဲလၢအအိၣ် ဘူးဒီးသုတဂၤမ့ၢ်ဖှီၣ်လီၤယာ်လီၤဒီးမၤစၢၤလီၤက့ၤအသး တသ့ဘၣ်န့ၣ်, သုကဘၣ်လုၢ်အီၣ်အီၤဒ်သုလုၢ်အီၣ်ပှၤတခီ ဘီမုၢ်ဖိတဂၤအသိး, ဒ်သိးအကအိၣ်မူဒီးသုကသ့ဝဲအဂီၢ်န့ၣ်လီၤ.

လံာ်မးသဲ 18:30

အဝဲတတူၢ်လိာ်ဘၣ်တၢ်ဃ့ကညးအံၤဘၣ်ဒီး, မၢပှၤဒုးဃာ်အသကိးန့ၣ်လၢဃိာ်ပူၤ, တုၤအလိးတူာ်က့ၤအကမၢ်တစုန့ၣ်လီၤ.

လံာ်မးသဲ 5:42

ပှၤတဂၤဂၤမ့ၢ်ဃ့တၢ်လၢနၤဒီးဟ့ၣ်အီၤတက့ၢ်. ဖဲပှၤတဂၤဂၤသးအိၣ်ဃ့လိၢ်တၢ်လၢနၤဒီးဟ့ၣ်လိၢ်အီၤတက့ၢ်.

လံာ်သိၣ်လီၤသီလီၤတၢ် 15:11

ပှၤအံၣ်စရ့လးဖိလၢအဖှီၣ်ဝဲယာ်ဝဲဒီးလိၣ်ဘၣ်တၢ်မၤစၢၤန့ၣ် ကအိၣ်ဒၣ်ထီဘိန့ၣ်လီၤ. ဒီးလၢတၢ်န့ၣ်အဃိယမၤလိာ်သုလၢသုကဟ့ၣ်ညီတၢ်ဆူအဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 24:14

ဒီးတၢ်ခ့တၢ်ပှၤဒိးလဲအသးတဂၤလၢအဖှီၣ်ဒီးလိၣ်ဘၣ်တၢ်မၤစၢၤ, လၢအမ့ၢ်သုပှၤအံၣ်စရ့လးဖိကဒဲကဒဲမ့ၢ်ဂ့ၤ, ပှၤတခီဘီမုၢ်ဖိလၢအအိၣ်ဆိးလၢသုဝ့ၢ်တဖျၢၣ်ဖျၢၣ်အပူၤမ့ၢ်ဂ့ၤန့ၣ်, လီအီၣ်အီၤတဂ့ၤ.