လံာ်သိၣ်လီၤသီလီၤတၢ် 15:2 - Sgaw Karen Common Bible

² အအံၤမ့ၢ်တၢ်လၢသုကဘၣ်မၤအီၤဒ်လဲၣ်န့ၣ်လီၤ. ကယဲၢ်ပှၤတဂၤလၢ်လၢ်လၢအဒုးလိၢ်လီၤစ့ဆူအပှၤအံၣ်စရ့လးဖိ ကဒဲကဒဲတဂၤဂၤန့ၣ်, ကဘၣ်တြူာ်ကွံာ်ဒ့ၣ်ကမၢ်န့ၣ်လီၤ. အဝဲတဘၣ်ကျဲးစၢးထၢဖှိၣ်က့ၤစ့န့ၣ်ဘၣ်. ယွၤအနီၢ်ကစၢ်ဒၣ်ဝဲဘိးဘၣ်သ့ၣ်ညါဝဲဒၣ်လၢဒ့ၣ်ကမၢ်န့ၣ်ဘၣ်တၢ်တြူာ်ကွံာ်အီၤလံန့ၣ်လီၤ.

လံာ်သိၣ်လီၤသီလီၤတၢ် 15:2 Iomraidhean Croise

လံာ်စီၤနဃ့မယၤ 10:31

ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်လူၤကၣ် 7:42

အဝဲသ့ၣ်လိးက့ၤအကမၢ်လၢအအိၣ်တန့ၢ်နီတဂၤဘၣ်. လၢတၢ်န့ၣ်အဃိ အဝဲဒၣ်ပျၢ်ကလီကွံာ်အဝဲသ့ၣ်ခံဂၤလၢာ်အကမၢ်လီၤ. မ့မ့ၢ်ဒ်န့ၣ်ဒီး, ဖဲလဲၣ်တဂၤကအဲၣ်အီၤဒိၣ်ဒၣ်တၢ်တက့ၢ်လဲၣ်.”

လံာ်သိၣ်လီၤသီလီၤတၢ် 15:1

လၢနွံနံၣ်တနံၣ်အကတၢၢ်ကိးနံၣ်ဒဲးန့ၣ်သုကဘၣ်တြူာ်ကွံာ်ပှၤ တဖၣ်လၢကဘၣ်ဟ့ၣ်သုစ့, အကမၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 15:3

သုကထၢဖှိၣ်ဘၣ်တၢ်လၢပှၤတခီဘီမုၢ်ဖိတဂၤဘၣ်ဟ့ၣ်သုန့ၣ်လီၤ. မ့မ့ၢ်သုတဘၣ်ထၢဖှိၣ်တၢ်လၢသုပှၤဂီၢ်မုၢ်ကဒဲကဒဲအကျါတဂၤ ဂၤဘၣ်ဟ့ၣ်သုန့ၣ်ဘၣ်.

လံာ်သိၣ်လီၤသီလီၤတၢ် 31:10

အဝဲမၤလိာ်တ့ၢ်အဝဲသ့ၣ်စံးဝဲ, “တုၤနွံနံၣ်အကတၢၢ်ကိးနံၣ် ဒဲး, ဖဲနံၣ်တနံၣ်လၢဒ့ၣ်ကမၢ်တဖၣ်ဘၣ်တၢ်တြူာ်ကွံာ်အီၤအဝီဟဲတုၤဝဲ န့ၣ်, ဖးတၢ်အံၤလၢတၢ်ကလုၢ်ဖးဒိၣ်အပူၤဖဲဘူၣ်ဒဲတဖၣ်အကတီၢ်တက့ၢ်.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.