လံာ်သိၣ်လီၤသီလီၤတၢ် 15:19 - Sgaw Karen Common Bible

¹⁹ ပာ်လီၤဆီကယဲၢ်သုဂီၤဘုၣ်ဂီၤဖံးဒီးသိဖါအဝဲၢ်ကိတဖၣ်လၢ ယွၤသုကစၢ်ယွၤအဂီၢ်န့ၣ်တက့ၢ်. သုတဘၣ်သူဂီၤဘုၣ်ဂီၤဖံးတဖၣ်အံၤလၢတၢ်ဖံးတၢ်မၤအဂီၢ်ဒီး သုတဘၣ်တံာ်သုသိဖါတဖၣ်အံၤအဆူၣ်နီတဒုဘၣ်.

လံာ်သိၣ်လီၤသီလီၤတၢ် 15:19 Iomraidhean Croise

လံာ်တၢ်ဟးထီၣ်ကွံာ် 13:12

သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 22:30

ဟ့ၣ်ယၤသုဂီၤဘုၣ်ဂီၤဖံး, ဒီးသုသိတဖၣ်အဖိဝဲၢ်ကိတက့ၢ်. ပျဲတၢ်အဝဲၢ်ကိအဖါန့ၣ်အိၣ်ဒီးအမိၢ်နွံသီဒီးဃိးသီတသီ န့ၣ်လုၢ်ထီၣ်ပာ်ထီၣ်ဆူယအိၣ်တက့ၢ်.

လံာ်တၢ်ဟးထီၣ်ကွံာ် 34:19

ကယဲၢ်ဖိဝဲၢ်ကိအပိာ်ခွါဒီးဆၣ်ဖိကီၢ်ဖိလၢသုဘုၣ်အီၤအဖါ ဝဲၢ်ကိန့ၣ်ဘၣ်ဃးဒီးယၤလီၤ.

လံာ်တၢ်ဘူၣ်ထီၣ်ဘါထီၣ် 27:26

မ့မ့ၢ်ဆၣ်ဖိကီၢ်ဖိအဝဲၢ်ကိန့ၣ်မ့ၢ်ယွၤအတၢ်ဒီးဘၣ်ဃးဒီးယွၤလီၤ. ဒီးဂီၤဖံးမ့ၢ်ဂ့ၤ, သိမ့ၢ်ဂ့ၤ, အဝဲၢ်ကိန့ၣ်မ့ၢ်ယွၤအတၢ်လီၤ. ပှၤတဘၣ်လုၢ်ထီၣ်အီၤနီတဂၤဘၣ်.

လံာ်တၢ်ဂံၢ် 18:15

ဖိဝဲၢ်ကိကိးဂၤဒဲးမ့ၢ်ဂ့ၤဆၣ်ဖိကီၢ်ဖိအဝဲၢ်ကိကိးဒုဒဲး မ့ၢ်ဂ့ၤလၢပှၤအံၣ်စရ့လးဖိဟ့ၣ်ထီၣ်ဆူယအိၣ်န့ၣ်ဘၣ်ဃးဒီးနၤ လီၤ. ဘၣ်ဆၣ်ဒီးနကဘၣ်တူၢ်လိာ်တၢ်လၢတၢ်ကပှ့ၤကဒါက့ၤဖိဝဲၢ်ကိကိး ဂၤဒဲးအဂီၢ်ဒီးနဘၣ်တူၢ်လိာ်စ့ၢ်ကီးတၢ်လိးက့ၤတၢ်အပှ့ၤလၢ ကယဲၢ်ဆၣ်ဖိကီၢ်ဖိအဝဲၢ်ကိ, ကိးဒုးဒဲးလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး အဂီၢ်န့ၣ်လီၤ.

လံာ်တၢ်ဂံၢ် 18:17

ဘၣ်ဆၣ်ဒီးဂီၤဖံးမိၢ်တဖၣ်အဖိဝဲၢ်ကိ, သိတဖၣ်အဖိဝဲၢ်ကိ, ဒီးမဲာ်တဲးလဲးတဖၣ်အဖိဝဲၢ်ကိန့ၣ်တဘၣ်တၢ်ပှ့ၤက့ၤဘၣ်အီၤဘၣ်. အဝဲသ့ၣ်ဘၣ်ဃးဒီးယၤလၢာ်လၢာ်ဆ့ဆ့ဒီးကဘၣ်တၢ်လုၢ်ထီၣ်ပာ်ထီၣ် အီၤန့ၣ်လီၤ. လူလီၤအသွံၣ်လၢတၢ်လုၢ်လီၢ်အဖီခိၣ်ဒီးဆိၣ်ကဲၤအသိဒ် တၢ်လုၢ်တၢ်အီၣ်အသိးလၢအမ့ၢ်တၢ်နၢမူမၤမုာ်ယသးန့ၣ်တက့ၢ်.

လံာ်တၢ်ဂံၢ် 3:13

ခဲကနံၣ်အံၤလၢယကအိၣ်ဒီးအံၣ်စရ့လးအဖိခွါဝဲၢ်ကိတဖၣ်ဒ် ယတၢ်ဒၣ်ယဲအလီၢ်န့ၣ်, ယအိၣ်ဒီးပှၤလ့ၤဝံဖိတဖၣ်ဒီးအဝဲသ့ၣ်ဘၣ်ဃးဒီးယၤလီၤ. ယဲဒၣ်အံၤယမ့ၢ်ယွၤလီၤ.”

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:17

လၢတၢ်လီၢ်တဖၣ်ဖဲသုအိၣ်ဆိးန့ၣ်, သုတဘၣ်အီၣ်တၢ်လၢသုလုၢ်ထီၣ် အီၤဆူယွၤအအိၣ်နီတမံၤဘၣ်. သုဘုဧိၤဟုဧိၤအဆံဆဲၣ်ပူ တပူမ့ၢ်ဂ့ၤ, သုစပံးထံမ့ၢ်ဂ့ၤ, သုသ့ၣ်စၤယံးအသိမ့ၢ်ဂ့ၤ, သုဂီၤဘုၣ်ဂီၤဖံးဒီးသုသိအဝဲၢ်ကိမ့ၢ်ဂ့ၤ, သုတၢ်ဟ့ၣ်တဖၣ်လၢသု အၢၣ်လီၤဒီးယွၤမ့ၢ်ဂ့ၤ, သုတၢ်သူၣ်အိၣ်သးအိၣ်အတၢ်မၤဘူၣ်တဖၣ် မ့ၢ်ဂ့ၤ, ဒီးတၢ်လုၢ်အဂၤတဖၣ်မ့ၢ်ဂ့ၤ, သုတဘၣ်အီၣ်အီၤဘၣ်.

လံာ်သိၣ်လီၤသီလီၤတၢ် 14:23

အန့ၣ်ဝံၤဒီးလဲၤဆူတၢ်လီၢ်တတီၤဖဲယွၤသုကစၢ်ယွၤဃုထၢအီၤ လၢတၢ်ကဘူၣ်ထီၣ်ဘါထီၣ်အီၤအဂီၢ်ဒီးဖဲန့ၣ်လၢယွၤအမဲာ်ညါန့ၣ် အီၣ်သုတၢ်ဆံဆဲၣ်ပူတပူဘၣ်ဃးဒီးဘုဧိၤဟုဧိၤသုစပံးထံ ဒီးသုသ့ၣ်စၤယံးအသိ, သုဂီၤဘုၣ်ဂီၤဖံးဒီးသုသိအဝဲၢ်ကိန့ၣ်တက့ၢ်. မၤတၢ်အံၤဒ်သိးဒီးသုကမၤလိန့ၢ်တၢ်အိၣ်ဒီး တၢ်ယူးယီၣ်ပာ်ကဲယွၤသုကစၢ်ယွၤထီဘိတထံၣ်ဃီန့ၣ်တက့ၢ်.

လံာ်သိၣ်လီၤသီလီၤတၢ် 15:18

တုၤသုပျၢ်ဖျဲးကုၢ်တဂၤန့ၣ်အိၣ်ဒီးတၢ်သူၣ်တမုာ်သးတမုာ်တ ဂ့ၤ. မ့ၢ်လၢအဝဲမၤတ့ၢ်တၢ်လၢနဂီၢ်လၢဃုနံၣ်အတီၢ်ပူၤအိၣ်ဒီးအဘူး အလဲပှဲၤသိးဒၣ်တၢ်ခ့တၢ်ပှၤလၢတၢ်ဒိးလဲအီၤတဂၤအဘူးအလဲတဝာ် န့ၣ်လီၤ. မၤတၢ်အံၤဒီးယွၤသုကစၢ်ယွၤကဆိၣ်ဂ့ၤသုလၢတၢ်လၢသုမၤအီၤ ခဲလၢာ်အပူၤန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:14

သူၣ်ခုသးခုလၢဘူၣ်ပူၤဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢဝ့ၢ်တဖၣ်အပူၤတက့ၢ်.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,