လံာ်သိၣ်လီၤသီလီၤတၢ် 15:11 - Sgaw Karen Common Bible

¹¹ ပှၤအံၣ်စရ့လးဖိလၢအဖှီၣ်ဝဲယာ်ဝဲဒီးလိၣ်ဘၣ်တၢ်မၤစၢၤန့ၣ် ကအိၣ်ဒၣ်ထီဘိန့ၣ်လီၤ. ဒီးလၢတၢ်န့ၣ်အဃိယမၤလိာ်သုလၢသုကဟ့ၣ်ညီတၢ်ဆူအဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 15:11 Iomraidhean Croise

လံာ်တၢ်ဟးထီၣ်ကွံာ် 23:11

မ့မ့ၢ်လၢနွံနံၣ်တနံၣ်အပူၤန့ၣ်ပာ်အိၣ်ဘှံးအီၤတက့ၢ်. ကူးက့ၤတၢ်လၢအမဲထီၣ်န့ၣ်နီတမံၤတဂ့ၤ. မ်ပှၤဖှီၣ်ပှၤယာ်တဖၣ်အီၣ်တၢ်လၢအမဲထီၣ်ဖဲန့ၣ်ဒီးဆၣ်ဖိကီၢ် ဖိအမံၤတဖၣ်ကအီၣ်တၢ်အီၣ်လီၤတဲာ်ဖဲန့ၣ်ကသ့ဝဲလီၤ. မၤသုစပံးအလီၢ်ဒီးသ့ၣ်စၤယံးအထံးတဖၣ်ဒ်န့ၣ်အသိးတက့ၢ်.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 22:2

ပှၤထူးပှၤတီၤဒီးပှၤဖှီၣ်ဖိယာ်ဖိအိၣ်ဒီးတၢ်အံၤတမံၤဃီ န့ၣ်လီၤ. ယွၤတ့လီၤအဝဲသ့ၣ်ခံဖုလိာ်လီၤ.

တၢ်ကတိၤဒိ. 31:20

အဝဲဟ့ၣ်တၢ်ညီလၢပှၤဖှီၣ်ဖိယာ်ဖိဒီးပှၤလၢအတၢ်တအိၣ်တဖၣ်န့ၣ် လီၤ.

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်မးသဲ 26:11

ပှၤဖှီၣ်ဖိယာ်ဖိတဖၣ်ကအိၣ်လၢသုသိးသုကျါထီဘိလီၤ. မ့မ့ၢ်ယဲဒၣ်အံၤယတအိၣ်ဒီးသုထီဘိဘၣ်.

လံာ်မးသဲ 5:42

ပှၤတဂၤဂၤမ့ၢ်ဃ့တၢ်လၢနၤဒီးဟ့ၣ်အီၤတက့ၢ်. ဖဲပှၤတဂၤဂၤသးအိၣ်ဃ့လိၢ်တၢ်လၢနၤဒီးဟ့ၣ်လိၢ်အီၤတက့ၢ်.

လံာ်မၢ်ကူး 14:7

ပှၤဖှီၣ်ဖိတဖၣ်အိၣ်လၢသုသိးသုကျါထီဘိ, ဒီးတဘျီလၢ်လၢ်ဖဲသုအဲၣ်ဒိးမၤစၢၤအဝဲသ့ၣ်န့ၣ်, သုမၤစၢၤသ့လီၤ. မ့မ့ၢ်ယဲဒၣ်ယတအိၣ်ဒီးသုထီဘိဘၣ်.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်ယိၤဟၣ် 12:8

ပှၤဖှီၣ်ဖိယာ်ဖိတဖၣ်ကအိၣ်ဒီးသုထီဘိတထံၣ်ဃီလီၤ. မ့မ့ၢ်ယဲဒၣ်အံၤ, ယတအိၣ်ဒီးသုထီဘိတထံၣ်ဃီဘၣ်.”

မၤတၢ် 2:45

အဝဲသ့ၣ်ဆါလီၤကွံာ်အတၢ်စုလီၢ်ခီၣ်ခိၣ်ဒီးအတၢ်ဖိတၢ်လံၤတဖၣ်, ဒီးဟ့ၣ်နီၤလီၤဝဲစ့ဒ်တဂၤဒီးတဂၤလိၣ်ဘၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 15:7

လၢဝ့ၢ်တဖၣ်အကျါတဖျၢၣ်ဖျၢၣ်လၢအအိၣ်လၢယွၤသု ကစၢ်ယွၤဟ့ၣ်လီၤသုအပူၤန့ၣ်, ပှၤအံၣ်စရ့လးဖိကဒဲကဒဲ ဒီးသုမ့ၢ်အိၣ်တဂၤလၢအလိၣ်ဘၣ်တၢ်န့ၣ်, အဲၣ်လီၤသုသးဒီးဂ့ၢ်လိာ်လၢသုကမၤစၢၤအီၤအဂီၢ်တဂ့ၤ.

လံာ်သိၣ်လီၤသီလီၤတၢ် 15:8

အခိၣ်တလိာ်, ဟ့ၣ်ညီတၢ်ဒီးဒုးလိၢ်အီၤတၢ်ထဲသိးလၢအလိၣ်ဘၣ် ဝဲန့ၣ်တက့ၢ်.