လံာ်သိၣ်လီၤသီလီၤတၢ် 14:8 - Sgaw Karen Common Bible

⁸ အီၣ်ထိးတဖၣ်တဂ့ၤ. တၢ်ကဘၣ်ပာ်အီၤဒ်တၢ်တကဆှီဘၣ်အသိးန့ၣ် လီၤ. အဝဲသ့ၣ်အခီၣ်မ့ၣ်တဖၣ်သ့ၣ်ဖးဘၣ်ဆၣ်တဂံာ်အဆၣ်လၢအကလိာ်ထီၣ်ဝဲ န့ၣ်ဘၣ်. ဆၣ်ဖိကီၢ်ဖိတဖၣ်အံၤအီၣ်အီၤနီတဒုမ့ၢ်ဂ့ၤထိးဘၣ်အစိၣ်တဖၣ် မ့ၢ်ဂ့ၤဒၣ်လဲာ်န့ၣ်တဂ့ၤ.

လံာ်သိၣ်လီၤသီလီၤတၢ် 14:8 Iomraidhean Croise

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:3

လၢအခီၣ်မ့ၣ်သ့ၣ်ဖးဝဲ, ဒီးကလိာ်ထီၣ်အဆၣ်ဒီးဂံာ်အီၣ်ဝဲန့ၣ်, သ့လီၤ.

လံာ်တၢ်ဘူၣ်ထီၣ်ဘါထီၣ် 5:2

ပှၤတဂၤဂၤမ့ၢ်ထိးဘၣ်တၢ်တကဆှီတ့ၢ်တမံၤမံၤဒ်ဆၣ်ဖိကီၢ်ဖိ အမံၤတကဆှီဘၣ်တဒုအသံစိၣ်, မ့တမ့ၢ်ဆၣ်ဖိကီၢ်ဖိအဒၢတက ဆှီဘၣ်တဒုအသံစိၣ်မ့ၢ်ဂ့ၤ, တၢ်အစွါအစွဲတဖၣ်လၢအတကဆှီ ဘၣ်အစိၣ်မ့ၢ်ဂ့ၤလၢတၢ်တတိာ်သူၣ်ပာ်သးအပူၤန့ၣ်ဒီး, အဝဲကဲထီၣ်ဝဲတၢ်တကဆှီဘၣ်ဒီးအတၢ်ဒဲးဘးအိၣ်ဝဲလီၤ.

လံာ်သိၣ်လီၤသီလီၤတၢ် 14:7

ဘၣ်ဆၣ်ဒီးသုတဘၣ်အီၣ်ဆၣ်ဖိကီၢ်ဖိတဖၣ်လၢအခီၣ်တသ့ၣ်ဖးဒီး တဂံာ်ဘျဲးဘၣ်အဆၣ်လၢအကလိာ်ထီၣ်ဝဲန့ၣ်နီတဒုဘၣ်. သုတဘၣ်အီၣ်ကီၤလၤအူးတဖၣ်, ပဒဲတဖၣ်, ယုၢ်ၡၤဖးတဖၣ်န့ၣ်ဘၣ်. တၢ်ကဘၣ်ပာ်အဝဲသ့ၣ်ဒ်တၢ်တကဆှီဘၣ်အသိးန့ၣ်လီၤ. အဝဲသ့ၣ်ဂံာ်ဘျဲးအဆၣ်လၢအကလိာ်ထီၣ်ဝဲ, ဘၣ်ဆၣ်အခီၣ်မ့ၣ်တဖၣ်တသ့ၣ်ဖးဘၣ်.

လံာ်သိၣ်လီၤသီလီၤတၢ် 14:9

ကယဲၢ်မ့ၢ်ညၣ်လၢအအိၣ်ဒီးအရုအဒံးတဖၣ်, ဒီးအသဒံၣ်တဖၣ်န့ၣ်သု ကအီၣ်ဘၣ်အီၤ,

၂ ပ့းတရူး 2:22

တၢ်လၢအမၤတ့ၢ်အသးဒီးအဝဲသ့ၣ်န့ၣ်, ဒုးနဲၣ်ဝဲလၢတၢ်ကတိၤဒိတဖၣ်မ့ၢ်ဝဲတီဝဲလီၤ. “ထွံၣ်အီၣ်ကဒါက့ၤတၢ်လၢအဘှီးလီၤဝဲ” ဒီး “ထိးလၢအဘၣ်တၢ်သ့စီအီၤ, က့ၤကဒါက့ၤဆူတၢ်ကလိာ်လၢကပံာ်ကျါ” န့ၣ်လီၤ.