လံာ်သိၣ်လီၤသီလီၤတၢ် 14:3 - Sgaw Karen Common Bible

³ တၢ်လၢယွၤဘိးဘၣ်သ့ၣ်ညါတ့ၢ်ဝဲလၢတကဆှီတမံၤလၢ်လၢ်န့ၣ်အီၣ် အီၤတဂ့ၤ.

လံာ်သိၣ်လီၤသီလီၤတၢ် 14:3 Iomraidhean Croise

လံာ်တၢ်ကဲထီၣ်အခီၣ်ထံး 7:2

မၤန့ၢ်ကယဲၢ်ဆၣ်ဖိကီၢ်ဖိလၢအကဆှီဒ်တၢ်ဘူၣ်တၢ်ဘါအလုၢ်အလၢ်အိၣ် ဝဲအသိးအကျါနွံဒုနွံဒုအမိၢ်ဒီးအဖါ, ဒီးဆၣ်ဖိကီၢ်ဖိလၢအတကဆှီဘၣ်အကျါခံဒုခံဒုအမိၢ်ဒီးအဖါ ဒီးလဲၤစိာ်ဃုာ်ဒီးနၤတက့ၢ်.

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်တၢ်ဘူၣ်ထီၣ်ဘါထီၣ် 11:2

လၢပှၤအံၣ်စရ့လးဖိတဖၣ်အဂီၢ်န့ၣ်လီၤ. သုအီၣ်ဆၣ်ဖိကီၢ်ဖိလၢခိတမံၤလၢ်လၢ်,

လံာ်တၢ်ဘူၣ်ထီၣ်ဘါထီၣ် 11:43

ဒီးမၤဘၣ်အၢသုသးလၢတၢ်အီၣ်ကယဲၢ်ဆၣ်ဖိကီၢ်ဖိတဖၣ် အံၤအဃိန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:25

မၤသးဒ်န့ၣ်ဒီး, သုဘၣ်နီၤဖးဆၣ် ဖိကီၢ်ဖိဒီးထိၣ်ဖိလံာ်ဖိလၢအကဆှီဒီးတကဆှီဘၣ်န့ၣ်လီၤ. ဒီးသုတဘၣ်မၤဘၣ်အၢသုသးလၢဆၣ်ဖိကီၢ်ဖိဒီးထိၣ်ဖိ လံာ်ဖိလၢယပာ်လီၤဖးဒီးသုလၢအတကဆှီဘၣ်န့ၣ်တဂ့ၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.