လံာ်သိၣ်လီၤသီလီၤတၢ် 14:27 - Sgaw Karen Common Bible

²⁷ ပှၤလ့ၤဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်, လဲၤကပာ်အီၤတဂ့ၤ. အဝဲသ့ၣ်တအိၣ်ဘၣ်ဒီးအတၢ်စုလီၢ်ခီၣ်ခိၣ် ဒၣ်ဝဲဘၣ်.

လံာ်သိၣ်လီၤသီလီၤတၢ် 14:27 Iomraidhean Croise

လံာ်တၢ်ဂံၢ် 18:20

ယွၤစံးဘၣ်စီၤအၤဟရိၣ်, “တၢ်စုလီၢ်ခီၣ်ခိၣ်လၢတၢ်န့ၢ်သါ အီၤသ့ဝဲတဖၣ်န့ၣ်နတဒိးန့ၢ်ဘၣ်အီၤဘၣ်. တၢ်တဟ့ၣ်ဘၣ်နၤလၢကီၢ်အံၣ်စရ့လးအဟီၣ်ခိၣ်နီတကဝီၤဘၣ်. ယၤ, ယွၤမ့ၢ်ကယဲၢ်တၢ်လၢနလိၣ်ဘၣ်အီၤန့ၣ်လီၤ.”

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

လံာ်သိၣ်လီၤသီလီၤတၢ် 10:9

တၢ်န့ၣ်မ့ၢ်ဝဲဘၣ်မနုၤအဃိပှၤလ့ၤဝံဖိတဖၣ်တန့ၢ်ဘၣ်ဟီၣ်ခိၣ် နီတတီၤဒ်ပှၤအဒူၣ်အဂၤတဖၣ်ဒိးန့ၢ်ဝဲအသိးအဂ့ၢ်န့ၣ်လီၤ. တၢ်လၢအဝဲသ့ၣ်ဒိးန့ၢ်ဘၣ်ဝဲန့ၣ်, မ့ၢ်တၢ်ခွဲးတၢ်ယာ်လၢအကဲ ဘၣ်ယွၤအပှၤလုၢ်တၢ်အခိၣ်တဖၣ်, ဒ်ယွၤ, သုကစၢ်ယွၤအၢၣ်လီၤတ့ၢ် ဝဲအသိးန့ၣ်လီၤ.)

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 18:12

ယွၤ, သုကစၢ်ယွၤသးဟ့ပှၤဂီၢ်မုၢ်လၢအမၤတၢ်လီၤသးဘၣ်အၢတဖၣ် န့ၣ်, ဒီးလၢတၢ်န့ၣ်အဃိ, အဝဲနီၣ်ထီၣ်ဟီထီၣ်ကွံာ်ပှၤကလုာ်တဖၣ်န့ၣ် လၢကီၢ်ပူၤဖဲလၢသုလဲၤထီၣ်ဒုးတၢ်အခါန့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.