လံာ်သိၣ်လီၤသီလီၤတၢ် 14:2 - Sgaw Karen Common Bible

² သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

လံာ်သိၣ်လီၤသီလီၤတၢ် 14:2 Iomraidhean Croise

လံာ်စီၤဧ့စြၤ 9:2

ပှၤယူဒၤဖိပိာ်ခွါတဖၣ်ဆီဟံၣ်ဆီဃီဒီးပှၤတခီဘီမုၢ်ဖိ ပိာ်မုၣ်တဖၣ်, ဒီးလၢတၢ်န့ၣ်အဃိကစၢ်ယွၤအပှၤဂီၢ်မုၢ်လၢ အစီဆှံတဖၣ်အံၤဘၣ်တၢ်မၤသံၣ်သူမီၣ်ကျၣ်အီၤန့ၣ်လီၤ. ပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်န့ၣ်မ့ၢ်ပှၤမၤကမၣ်တၢ်အဒိၣ် ကတၢၢ်တဖၣ်န့ၣ်လီၤ.

လံာ်ယၡါယၤ 41:9

ယဟဲစိာ်သုလၢဟီၣ်ခိၣ်အကတၢၢ်တဖၣ်, ယကိးထီၣ်သုလၢအသနၢၣ်လၢအယံၤကတၢၢ်တဖၣ်ဒီးစံးဘၣ်သု, “သုမ့ၢ်ယခ့ယပှၤလီၤ. ယတညိကွံာ်သုဘၣ်. မ့မ့ၢ်ယဃုထၢသုလီၤ.”

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 8:24

အဂံၢ်အဘါကဆူၣ်ထီၣ်အါထီၣ်ဝဲ, ဘၣ်ဆၣ်ဒီးတမ့ၢ်ဘၣ်လၢ အစိကမီၤဒၣ်ဝဲအဃိဘၣ်. ကဒုးကဲထီၣ်ဝဲတၢ်မၤဟးဂီၤလီၤပျံၤ လီၤဖုးဒီးလၢအမၤတၢ်ကိးမံၤဒဲးအပူၤန့ၣ်ကမၤနၢၤတၢ်လီၤ. အဝဲကဟဲစိာ်တၢ်မၤဟးဂီၤလၢပှၤအဂံၢ်ဆူၣ်အဘါဆူၣ်တဖၣ် အဖီခိၣ်ဒီးလၢအကစၢ်ယွၤအကစၢ်ဒၣ်ဝဲအပှၤဂီၢ်မုၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:45

ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:26

ဒီးသုကဘၣ်စီဆှံလၢယဂီၢ်လီၤ. အဂ့ၢ်ဒ်အံၤ, တၢ်လၢယၤယွၤအံၤယစီဆှံဝဲဒၣ်န့ၣ်လီၤ. ဒီးယပာ်လီၤဆီသုဒီးပှၤကလုာ်ဂၤတဖၣ်ဒ်သိးသုကမ့ၢ်ယတၢ်လီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 28:9

သုမ့ၢ်စူၢ်ယွၤ, သုကစၢ်ယွၤဒီးမၤကယဲၢ်တၢ်လၢအမၤလိာ်သု ခဲလၢာ်န့ၣ်, အဝဲကဒုးကဲထီၣ်သုလၢအကစၢ်ဒၣ်ဝဲအပှၤဂီၢ်မုၢ်, ဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

လံာ်သိၣ်လီၤသီလီၤတၢ် 7:7

တမ့ၢ်ယွၤအဲၣ်သု, ဒီးဃုထၢသုမ့ၢ်လၢသုနီၣ်ဂံၢ်အါန့ၢ်ဒံး ပှၤအဂၤတဖၣ်အဃိဘၣ်. သုမ့ၢ်ပှၤအဆံးကတၢၢ်တကလုာ် လၢဟီၣ်ခိၣ်ချၢန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.