လံာ်သိၣ်လီၤသီလီၤတၢ် 14:1 - Sgaw Karen Common Bible

¹ သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.

လံာ်သိၣ်လီၤသီလီၤတၢ် 14:1 Iomraidhean Croise

လံာ်တၢ်ကဲထီၣ်အခီၣ်ထံး 6:2

ကစၢ်ယွၤအဖိခွါတနီၤထံၣ်ဝဲဒၣ်လၢဖိသၣ်မုၣ်ဖိသ့ၣ်တဖၣ်အံၤ ဃံလၤဝဲဒီးဟံးန့ၢ်ဝဲဖိသၣ်မုၣ်စုာ်စုာ်လၢအဘၣ်သူၣ်ဘၣ်သး ဝဲတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:4

လၢမုၢ်နံၤတဖၣ်အပူၤန့ၣ်ဒီးဆူညါဒၣ်လဲာ်န့ၣ်, ပှၤနီၢ်ဒိၣ်ဖိတဖၣ်အိၣ်ထီၣ်လၢဟီၣ်ခိၣ်ချၢ, ပှၤလၢအဟဲလီၤစၢၤလၢပှၤကညီပိာ်မုၣ်ဒီးကစၢ်ယွၤအဖိခွါတဖၣ် န့ၣ်လီၤ. အဝဲသ့ၣ်မ့ၢ်ပှၤဒူပှၤဃိၤဖးဒိၣ်တဖၣ်ဒီးပှၤမံၤဟူသၣ်ဖျါလၢ ပျၢၤလံၤလံၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:28

လၢတၢ်န့ၣ်အဃိဘဧၤလးအဝံတဖၣ်ဘါထုကဖၣ်ဒိၣ်ထီၣ်, ဒီးဂဲာ်လီၤအသးလၢဃဲာ်တဖၣ်ဒီးဒီတဖၣ်ဒ်အဝဲသ့ၣ်အလုၢ်အလၢ်အိၣ် ဝဲအသိး, တုၤအသွံၣ်ဟဲယွၤလီၤဝဲန့ၣ်လီၤ.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ယံးရမံယၤ 47:5

တၢ်သူၣ်အုးသးအုးဖးဒိၣ် တုၤအိၣ်ဝ့ၢ်ဂါစၤအပှၤဂီၢ်မုၢ် ဒီးဝ့ၢ်အၤၡကလိၣ်အပှၤဂီၢ်မုၢ်အိၣ်ဘှ့ၣ်အိၣ်ဘှီၣ်ဝဲလီၤ. တၢ်လီၢ်အဂၤအိၣ်လီၤတဲာ်လၢကီၢ်ဖလ့ၡသး, ကဘၣ်မိၢ်ဘၣ်မးဒီး ဂဲာ်လီၤအသး, ဒံးဆံးယံာ်လဲၣ်.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 21:5

ပှၤလုၢ်တၢ်အခိၣ်မ်အသုတလူၤအခိၣ်မ့ၢ်ဂ့ၤ, တံာ်တဲာ်အခၣ်ဆူၣ်မ့ၢ်ဂ့ၤ, ဂဲာ်အဖံးအညၣ်မ့ၢ်ဂ့ၤလၢကပာ်ဖျါတၢ်သးအုးအပနီၣ်နီတဂၤန့ၣ်တဂ့ၤ.

လံာ်ယိၤဟၣ် 1:12

ဘၣ်ဆၣ်ဒီးပှၤတနီၤန့ၣ်တူၢ်လိာ်အီၤဒီးနာ်အီၤသတးဒီး အဝဲဒၣ်ဒုးကဲထီၣ်အီၤလၢကစၢ်ယွၤအဖိတဖၣ်န့ၣ်လီၤ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ရိမ့ၤ 9:26

ဒီးတၢ်လီၢ်တတီၤဃီဖဲအဝဲသ့ၣ်ဘၣ်တၢ်စံးဘၣ်တဲဘၣ်အီၤလၢ, ‘သုတမ့ၢ်ယပှၤဂီၢ်မုၢ်ဘၣ်’ န့ၣ်, အဝဲသ့ၣ်ကဘၣ်တၢ်ကိးအီၤလၢကစၢ်ယွၤလၢအမူဝဲ တဂၤအဖိခွါတဖၣ်န့ၣ်လီၤ.”

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

ရိမ့ၤ 9:8

တၢ်အံၤအခီပညီမ့ၢ်ဝဲဖိလၢအအိၣ်ဖျဲၣ်ထီၣ်ဒ်ပှၤဟီၣ်ခိၣ် ဖိအလုအလၢ်အိၣ်ဝဲအသိးတဖၣ်န့ၣ်, တမ့ၢ်ကစၢ်ယွၤ အပှၤဂီၢ်မုၢ်ဘၣ်. မ့မ့ၢ်ဖိလၢအအိၣ်ဖျဲၣ်ထီၣ်ခီဖျိကစၢ်ယွၤ အတၢ်အၢၣ်လီၤအီလီၤတဖၣ်န့ၣ်, တၢ်ပာ်အီၤဒ်စၢၤသွဲၣ်နီၢ်နီၢ် တဖၣ်အသိးန့ၣ်လီၤ.

၂ ကရံၣ်သူး 6:18

ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

လံာ်သိၣ်လီၤသီလီၤတၢ် 13:18

လၢသုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်ခဲလၢာ်လၢယဟ့ၣ်လီၤသု လၢမုၢ်မဆါတနံၤအံၤဒီးမၤတၢ်လၢအဝဲအဲၣ်ဒိးဝဲန့ၣ်လီၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

၁ သ့းစၤလနံ 4:13

ပဒီပုၢ်ဝဲၢ်သ့ၣ်ဧၢ, ပအဲၣ်ဒိးလၢသုကသ့ၣ်ညါလီၤတံၢ်တၢ်မ့ၢ် တၢ်တီဘၣ်ဃးပှၤလၢအသံတ့ၢ်လံတဖၣ်အဂ့ၢ်, ဒ်သိးသုသုတသူၣ်အုးသးအုးဒ်ပှၤလၢအတၢ်မုၢ်လၢ်တအိၣ်ဘၣ် တဖၣ်အသိးတဂ့ၤအဂီၢ်န့ၣ်လီၤ.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 5:2

လၢတၢ်အံၤအဃိ, ပသ့ၣ်ညါလၢပအဲၣ်ကစၢ်ယွၤအဖိအလံၤတဖၣ်, ဖဲပအဲၣ်ကစၢ်ယွၤဒီးစူၢ်အတၢ်မၤလိာ်တဖၣ် အခါန့ၣ်လီၤ.