လံာ်သိၣ်လီၤသီလီၤတၢ် 13:2 - Sgaw Karen Common Bible

² ဒ်သိးလၢကဆှၢသုဆူတၢ်ဘါထီၣ်ဒီးမၤကစၢ်တဖၣ်လၢသုတဘါထီၣ် တ့ၢ်အီၤအတၢ်မၤန့ၣ်လီၤ. တၢ်လၢအဝဲအၢၣ်လီၤတဖၣ်မ့ၢ်လၢထီၣ်ပှဲၤထီၣ်ဒၣ်လဲာ်,

လံာ်သိၣ်လီၤသီလီၤတၢ် 13:2 Iomraidhean Croise

လံာ်စီၤပၤအခီၣ်ထံးတဘ့ၣ် 13:3

ဒီးဝံစံးအါထီၣ်ကဒီးဝဲ, “တၢ်လုၢ်လီၢ်အံၤကလီၤပှီၢ်ကွံာ်ဝဲ, ဒီးချါတဖၣ်လၢအအိၣ်လၢအဖီခိၣ်န့ၣ်ကလီၤပြံလီၤပြါကွံာ်ဝဲ ဒၣ်န့ၣ်လီၤ. တုၤနုၤတစု, နကသ့ၣ်ညါလၢယွၤကတိၤတၢ်ခီဖျိယၤန့ၣ်လီၤ.”

လံာ်တၢ်ဟးထီၣ်ကွံာ် 22:19

ပိာ်ခွါတဂၤလၢ်လၢ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်မၤသံကွံာ်အီၤတက့ၢ်.

လံာ်တၢ်ဟးထီၣ်ကွံာ် 7:22

တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်ယံးရမံယၤ 23:32

ဒိကနၣ်တၢ်လၢယၤ, ယွၤအံၤ, စံးဝဲတက့ၢ်. ယထီဒါဝံတဖၣ်လၢအတဲအတၢ်မံမီၢ်တဖၣ်လၢ အပှဲၤဒီးတၢ်လီတၢ်ဝ့ၤတဖၣ်န့ၣ်လီၤ. အဝဲသ့ၣ်တဲတၢ်မံမီၢ်တဖၣ်အံၤဒီးဆှၢဟးဖျိးကွံာ်ယပှၤဂီၢ်မုၢ်ခီဖျိ အတၢ်လီတၢ်ဝ့ၤတဖၣ်ဒီးအတၢ်ပာ်ကဖၢလၢအသးန့ၣ်လီၤ. ယတမၢလီၤအဝဲသ့ၣ်မ့ၢ်ဂ့ၤ, ဒီးဟ့ၣ်လီၤယကလုၢ်လၢအဝဲသ့ၣ် ကလဲၤတၢ်အဂီၢ်မ့ၢ်ဂ့ၤန့ၣ်ဘၣ်. ဒီးအဝဲသ့ၣ်တကဲထီၣ်တၢ်မၤစၢၤ လၢယပှၤဂီၢ်မုၢ်အဂီၢ်နီတမံၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်ယံးရမံယၤ 28:9

မ့မ့ၢ်, ဝံတဂၤလၢအကတိၤဆိပာ်လၢ တၢ်ဃူတၢ်ဖိးကမၤ အသးအဂ့ၢ်န့ၣ်, တၢ်သ့ၣ်ညါနီၣ်အီၤဒ်အမ့ၢ်ဝံတဂၤလၢ ယွၤမၢလီၤအီၤနီၢ်နီၢ်ကသ့ဝဲ ဖဲဝံအဝဲန့ၣ် အတၢ်ကတိၤဆိပာ်တဖၣ် လၢထီၣ်ပှဲၤထီၣ်ဝဲန့ၣ်လီၤ.”

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်သိၣ်လီၤသီလီၤတၢ် 13:13

ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 18:20

မ့မ့ၢ်, ဝံတဂၤဂၤကတိၤတၢ်ကစီၣ်တမံၤလၢယမံၤအပူၤမ့ၢ်ဘူၣ် ဝဲ, ဖဲယတမၤလိာ်တ့ၢ်အီၤလၢကမၤဝဲဒ်န့ၣ်ဘၣ်ဒီး, အဝဲကဘၣ်သံ လၢတၢ်န့ၣ်အဃိ, ဒီးဒ်န့ၣ်အသိးဝံတဂၤဂၤလၢအကတိၤတၢ်လၢကစၢ် အဂၤတဖၣ်အမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 18:22

ဝံတဂၤမ့ၢ်ကတိၤတၢ်လၢယွၤအမံၤအပူၤဒီးတၢ်လၢအဝဲစံးန့ၣ် မ့ၢ်တလၢထီၣ်ပှဲၤထီၣ်ဘၣ်ဒီး, တၢ်န့ၣ်တမ့ၢ်ဘၣ်ယွၤအတၢ်ကစီၣ်ဘၣ်. ဝံန့ၣ်ကတိၤလံတၢ်လၢအစိ ကမီၤဒၣ်အဖီခိၣ်, ဒီးသုတဘၣ်ပျံၤအီၤန့ၣ်ဘၣ်.