လံာ်သိၣ်လီၤသီလီၤတၢ် 13:17 - Sgaw Karen Common Bible

¹⁷ ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 13:17 Iomraidhean Croise

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:14

အဝဲသ့ၣ်အနီၣ်ဂံၢ်ကအါဝဲဂီၢ်ဝဲဒ်ဟီၣ်ခိၣ်အကမူၣ်ကမှံၤအဖီးတဖၣ် လၢဟီၣ်ခိၣ်လိၤအသိးန့ၣ်လီၤ. ဒီးကမၤလဲၢ်ထီၣ်အကီၢ်ဆူတၢ်လီၢ်ကိးကပၤဒဲးဒီးယကဆိၣ်ဂ့ၤပှၤ ကလုာ်ခဲလၢာ်ခီဖျိနၤဒီးနစၢၤနသွဲၣ်တဖၣ်န့ၣ်လီၤ.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 85:3

နဆိကတီၢ်နတၢ်သးဒိၣ်ထီၣ်ဘၣ်အဝဲသ့ၣ်, ဒီးနဃၣ်က့ၤနတၢ်သးကဲၤထီၣ်န့ၣ်လီၤ.

လံာ်တၢ်ဟးထီၣ်ကွံာ် 20:6

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤတဖၣ်လၢအအဲၣ်ယၤဒီးစူၢ်ယတၢ် မၤလိာ်, အစိၤလၢအကထိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်သးသယုၢ်တၢ် 3:32

အဝဲကဟဲစိာ်န့ၢ်ပှၤလၢတၢ်သးအုးဘၣ်ဆၣ်ဒီးအတၢ်အဲၣ်ပှၤန့ၣ် ကျၢၤဒီးဆူၣ်ဝဲလီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

လံာ်သိၣ်လီၤသီလီၤတၢ် 13:18

လၢသုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်ခဲလၢာ်လၢယဟ့ၣ်လီၤသု လၢမုၢ်မဆါတနံၤအံၤဒီးမၤတၢ်လၢအဝဲအဲၣ်ဒိးဝဲန့ၣ်လီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 30:5

ဒ်သိးသုကမၤန့ၢ်ကဒါက့ၤကဒီးထံကီၢ်အတၢ်န့ၢ်သါဖဲသု မိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲတဘျီန့ၣ်လီၤ. ဒီးအဝဲကမၤဘီၣ်ထီၣ်ညီထီၣ်သုအါန့ၢ်ဒံးအလီၢ်တက့ၢ်, ဒီးမၤအါထီၣ်သုနီၣ်ဂံၢ်အါန့ၢ်ဒံးနီၣ်ဂံၢ်လၢအအိၣ်တ့ၢ်ဝဲ ဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 22:20

သ့ၣ်နီၣ်ထီၣ်က့ၤစီၤစ့ရၤအဖိခွါစီၤဧၤကၣ်အတၢ်တဒိ ကနၣ်တၢ်မၤလိာ်ဘၣ်ဃးတၢ်သ့ၣ်တဖၣ်လၢတၢ်ကဘၣ်မၤဟးဂီၤအီၤခဲ လၢာ်အဂ့ၢ်န့ၣ်တက့ၢ်. အံၣ်စရ့လးခဲလၢာ်ဘၣ်တၢ်စံၣ်ညီၣ်အီၤ လၢတၢ်ဂ့ၢ်အဝဲန့ၣ်အဃိလီၤ. စီၤဧၤကၣ်တမ့ၢ်ပှၤထဲတဂၤဧိၤလၢ အသံလၢအတၢ်ဒဲးဘးအဃိန့ၣ်ဘၣ်.”

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်စီၤယိၤၡူ 7:1

ယွၤအတၢ်မၤလိာ်အံၣ်စရ့းလးလၢကဘၣ်မၤဟးဂီၤကွံာ်တၢ်ခဲလၢာ် ဒီးအသုတဟံးန့ၢ်တၢ်နီတမံၤလၢဝ့ၢ်ယရံၤဃိတဂ့ၤန့ၣ်, တဘၣ်တၢ်စူၢ်အီၤဘၣ်လီၤ. ပှၤတဂၤအမံၤမ့ၢ်ဝဲစီၤဧၤကၣ်တစူၢ်ယွၤအကလုၢ်ဘၣ်ဒီးယွၤအသး ကဲၤထီၣ်ဘၣ်ပှၤအံၣ်စရ့လးဖိန့ၣ်လီၤ. (စီၤဧၤကၣ်မ့ၢ်စီၤကၢ်မံၤအဖိခွါဒီးစီၤစးဘဒံၤအလံၤခွါ ဒီးဘၣ်ဃးဒီးစီၤစ့ရၤအဒူၣ်လၢအမ့ၢ်ယူဒၤအဒူၣ်အကျါတဒူၣ်န့ၣ်လီၤ.)

လံာ်စီၤယိၤၡူ 7:26

ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.

လံာ်စီၤယိၤၡူ 8:28

စီၤယိၤၡူဒွဲၣ်အူထီၣ်ဝ့ၢ်ဂဲဒီးပာ်တီၢ်အီၤလၢတၢ်ဟးဂီၤဖးဒိၣ်အပူၤန့ၣ်လီၤ. အိၣ်ဒၣ်ဒ်န့ၣ်တုၤလီၤလၢမုၢ်မဆါတနံၤအံၤန့ၣ်လီၤ.