လံာ်သိၣ်လီၤသီလီၤတၢ် 13:16 - Sgaw Karen Common Bible

¹⁶ ဟဲစိာ်ဃီၤပှၤဂီၢ်မုၢ်လၢအအိၣ်ဖဲန့ၣ်တဖၣ်အတၢ်ဖိတၢ်လံၤခဲလၢာ် ဒီးပာ်ဖှိၣ်ထီၣ်အီၤဖဲဝ့ၢ်န့ၣ်အတၢ်လီၤပျီတက့ၢ်. ဒီးဆူးထီၣ်ကွံာ်ဝ့ၢ်န့ၣ်ဒီးတၢ်ခဲလၢာ်လၢအအိၣ်လၢအပူၤဒ်တၢ် လုၢ်တမံၤအသိးဆူယွၤသုကစၢ်ယွၤအအိၣ်တက့ၢ်. ဝ့ၢ်န့ၣ်ကဘၣ်တၢ်ပာ်တီၢ်အီၤလၢတၢ်ဟးဂီၤအပူၤလီၤထူလီၤယိာ် ဒီးတၢ်တဘှီထီၣ်က့ၤကဒီးအီၤနီတစုလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 13:16 Iomraidhean Croise

လံာ်တၢ်ဟးထီၣ်ကွံာ် 22:19

ပိာ်ခွါတဂၤလၢ်လၢ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်မၤသံကွံာ်အီၤတက့ၢ်.

လံာ်ယၡါယၤ 17:1

ယွၤစံးဝဲဒၣ်, “ဒၤမ့းစ့းတမ့ၢ်ဝ့ၢ်တဖျၢၣ်ယံာ်ယံာ်လၢၤဘၣ်. ကမ့ၢ်ဒၣ်တၢ်လီၤပှီၢ်ဟးဂီၤတဖၣ်အတၢ်ပာ်ဖှိၣ်ထီၣ်အသးအလီၢ် တတီၤလီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယဃ့းစက့လး 26:14

ယကပာ်လီၤတဲာ်ထဲလၢၢ်လ့ၤကဒိတဖျၢၣ် ဧိၤဖဲပှၤမၤညၣ်ဖိတဖၣ် လိဃ့ထီအပှာ်ကသ့ဝဲအဂီၢ်န့ၣ်လီၤ. ဝ့ၢ်န့ၣ်တဘၣ်တၢ်ဘှီထီၣ်က့ၤလၢၤအီၤနီတဘျီလၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.’ ”

လံာ်မံကၤ 1:6

မ်ဒ်န့ၣ်ဒီးယွၤစံးဝဲဒၣ်, ယကဒုးကဲထီၣ်ၡၤမရံလၢတၢ်ဟးဂီၤပူၣ်ထီၣ်သးအလီၢ်တပူၤလၢတၢ်ပျီပူၤ, တၢ်လီၢ်လၢတၢ်ကသူၣ်စပံးမုၢ်အဂီၢ်လီၤ. ယကဂၢ်လီၤကွံာ်လၢၢ်အက့အခီတဖၣ်လၢဝ့ၢ်ပူၤဆူကစၢၢ်ကဆူးအပူၤ ဒီးယကဒုးအိၣ်ဖျါထီၣ်ဝ့ၢ်အခီၣ်ထံးတဖၣ်လီၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 6:21

အဝဲသ့ၣ်မၤသံပှၤကိးဂၤဒဲးလၢဝ့ၢ် အပူၤလၢနးတဖၣ်ပှၤပိာ်ခွါ, ပှၤပိာ်မုၣ်, ပှၤသးစၢ်ဒီးပှၤသးပှၢ်တဖၣ်န့ၣ်လီၤ. အဝဲသ့ၣ်မၤသံစ့ၢ်ကီးကျီၢ်တဖၣ်, သိတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.

လံာ်စီၤယိၤၡူ 6:26

ဖဲအကတီၢ်ဝဲအံၤ, စီၤယိၤၡူဆိၣ်အၢတၢ်လၢယွၤအမဲာ်ညါဒီးစံးဝဲ, “ပှၤတဂၤဂ့ၤတဂၤဂ့ၤလၢအကျဲးစၢးသူၣ်ထီၣ်က့ၤဝ့ၢ်ယရံၤဃိ န့ၣ်ကဘၣ်ယွၤအတၢ်ဆိၣ်အၢန့ၣ်လီၤ. ပှၤတဂၤဂ့ၤတဂၤဂ့ၤလၢအပာ်လီၤတၢ်အခီၣ်ထံးန့ၣ်, အဖိခွါအဒိၣ်ကတၢၢ်ကလီၤမၢ်ကွံာ်န့ၢ်အီၤ, ဒီး ပှၤတဂၤဂ့ၤတဂၤဂ့ၤလၢအသူၣ်ထီၣ်ဝ့ၢ်အတြဲၤတဖၣ်န့ၣ်, အဖိသဒါကလီၤမၢ်ကွံာ်န့ၢ်အီၤန့ၣ်လီၤ.”

လံာ်စီၤယိၤၡူ 8:28

စီၤယိၤၡူဒွဲၣ်အူထီၣ်ဝ့ၢ်ဂဲဒီးပာ်တီၢ်အီၤလၢတၢ်ဟးဂီၤဖးဒိၣ်အပူၤန့ၣ်လီၤ. အိၣ်ဒၣ်ဒ်န့ၣ်တုၤလီၤလၢမုၢ်မဆါတနံၤအံၤန့ၣ်လီၤ.