လံာ်သိၣ်လီၤသီလီၤတၢ် 13:15 - Sgaw Karen Common Bible

¹⁵ အန့ၣ်တစုမၤသံကွံာ်ပှၤခဲလၢာ်လၢအအိၣ်လၢဝ့ၢ်ပူၤဒီးအဆၣ်ဖိ ကီၢ်ဖိခဲလၢာ်စ့ၢ်ကီးတက့ၢ်. မၤဟးဂီၤကွံာ်ဝ့ၢ်န့ၣ်လၢလၢပှဲၤပှဲၤတက့ၢ်.

လံာ်သိၣ်လီၤသီလီၤတၢ် 13:15 Iomraidhean Croise

လံာ်စီၤဧ့စြၤ 10:16

ပှၤတဖၣ်လၢအဟဲက့ၤကဒါက့ၤလၢတၢ်စိာ်မၢကဲကုၢ်အလီၢ်တူၢ်လိာ် တၢ်ကူၣ်ကျဲၤအံၤ, အဃိဒီးပှၤလုၢ်တၢ်အခိၣ်စီၤဧ့စြၤဃုထၢပာ်လီၤပှၤပိာ်ခွါ တဖၣ်လၢဒူၣ်ထၢတဖၣ်အခိၣ်အနၢ်အကျါဒီးကွဲးနီၣ်ကွဲးဃါအဝဲသ့ၣ် အမံၤတဖၣ်န့ၣ်လီၤ. ဖဲလါတဆံလါထီၣ်အခီၣ်ထံးတသီအနံၤန့ၣ်, အဝဲသ့ၣ်စးထီၣ်မၤတၢ်သမံသမိးတၢ်ဂ့ၢ်တၢ်ကျိၤ,

လံာ်တၢ်ဟးထီၣ်ကွံာ် 22:20

ပှၤတဂၤလၢ်လၢ်လၢအလုၢ်တၢ်ပာ်တၢ်ဆူကစၢ်အဂုၤအဂၤတဂၤလၢ်လၢ် အအိၣ်လၢယၤ, ယွၤအမဲာ်ညါန့ၣ်, စံၣ်ညီၣ်သံကွံာ်အီၤတက့ၢ်.

လံာ်တၢ်ဟးထီၣ်ကွံာ် 23:24

ဆုးလီၤသုခိၣ်လၢသုကဘါထီၣ်အဝဲသ့ၣ်အကစၢ်တဖၣ်အဂီၢ်တဂ့ၤ. ဟံးန့ၢ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်တဖၣ်တဂ့ၤ. မၤဟးဂီၤကွံာ်အဝဲသ့ၣ်အကစၢ်တဖၣ်ဒီးမၤလီၤပှီၢ်ကွံာ်အလၢၢ်ထူၣ် စီဆှံတဖၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 27:28

တၢ်တမံၤမံၤဒ်အမ့ၢ်ပှၤကညီမ့ၢ်ဂ့ၤ, စံာ်လၢအဘၣ်တၢ်လုၢ်ထီၣ်အီၤလၢာ်လၢာ်ဆ့ဆ့မ့ၢ်ဂ့ၤန့ၣ်, တၢ်ဆါလီၤအီၤမ့ၢ်ဂ့ၤ, တၢ်ပှ့ၤက့ၤအီၤမ့ၢ်ဂ့ၤ, တသ့လ့ၤတက့ၤဘၣ်. မ့ၢ်တၢ်လၢအဘၣ်ဃးဒီးယွၤလီၤစိၤန့ၣ်လီၤ.

လံာ်သိၣ်လီၤသီလီၤတၢ် 13:14

သုမ့ၢ်နၢ်ဟူဘၣ်တၢ်ကစီၣ်ပစိၣ်ပစ့ဒ်န့ၣ်ဒီးဃုသ့ၣ်ညါအီၤလီၤ တံၢ်လီၤဆဲးတက့ၢ်. တၢ်အၢတၢ်သီအံၤမၤတ့ၢ်အသးန့ၣ်မ့ၢ်တီဝဲသၢပျၢၤဒီး,

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 17:4

သုမ့ၢ်နၢ်ဟူတၢ်ဂ့ၢ်ဒ်သိးန့ၣ်တမံၤဒီးဃုသ့ၣ်ညါအီၤလီၤတံၢ် လီၤဆဲးတက့ၢ်. တၢ်န့ၣ်မ့မ့ၢ်ဝဲတၢ်မ့ၢ်တၢ်တီလၢတၢ်အၢတၢ်သီအံၤမၤအသးလၢ ကီၢ်အံၣ်စရ့လးအပူၤဒီး,

လံာ်သိၣ်လီၤသီလီၤတၢ် 2:34

တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 6:24

ဝံၤဒီးအဝဲသ့ၣ်ဒွဲၣ်အူထီၣ် ဝ့ၢ်ဒီးမ့ၣ်အူအီၣ်ကွံာ်ဝ့ၢ်ဒီးကယဲၢ်တၢ်အိၣ်လၢအပူၤခဲလၢာ် န့ၣ်လီၤ. အိၣ်တ့ၢ်ဒၣ်ထဲတၢ်လၢအဘၣ်တၢ်မၤအီၤလၢထူ, စ့, တိၢ်ဘီ, ဒီးထးလၢအဝဲသ့ၣ်ဟံးန့ၢ်ဒီးပာ်အီၤလၢယွၤအတၢ်ပာ်ဖှိၣ်အလီၢ်န့ၣ် လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 20:3

ဒီးဖဲအကတီၢ်န့ၣ်ပှၤဘံၣ်ယၤမံၣ်ဖိတဖၣ်နၢ်ဟူဝဲလၢအံၣ်စရ့လးအဒူၣ်အဂၤခဲလၢာ် ပာ်ဖှိၣ်ထီၣ်အသးဖဲမံးစပၤန့ၣ်လီၤ. ပှၤအံၣ်စရ့လးဖိတဖၣ်သံကွၢ်ဝဲ, “တဲဘၣ်ပှၤလၢတၢ်မၤအၢမၤသီတမံၤအံၤမၤတ့ၢ်အသးဒ်လဲၣ်အဂ့ၢ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 20:48

ပှၤအံၣ်စရ့လးဖိတဖၣ်ဃၣ်တရံးထီဒါ ပှၤဘံၣ်ယၤမံၣ်ဖိလၢအအိၣ်လီၤတဲာ်ခဲလၢာ်, ပိာ်ခွါပိာ်မုၣ်, ဖိသၣ်တဖၣ်ဒီးကယဲၢ်ဆၣ်ဖိကီၢ်ဖိ တဖၣ်စ့ၢ်ကီးလီၤ. ဒီးအဝဲသ့ၣ်ဆူးထီၣ်ကွံာ်ကယဲၢ်ဝ့ၢ်တဖၣ်လၢ အအိၣ်လၢတၢ်လီၢ်ဖဲန့ၣ်လီၤ.