လံာ်သိၣ်လီၤသီလီၤတၢ် 13:13 - Sgaw Karen Common Bible

¹³ ပှၤတဂိာ်တသီၣ်တၢ်တနီၤအိၣ်လၢသုပှၤကလုာ်အကျါလၢအဆှၢကမၣ်တ့ၢ် ပှၤဂီၢ်မုၢ်လၢအဝ့ၢ်ဒၣ်ဝဲဒ်သိးကဘါထီၣ်ကစၢ်တဖၣ်လၢသုတဘါထီၣ် တ့ၢ်အီၤလၢညါနီတစုဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 13:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:7

စီၤၡံမံၤဆိၣ်အၢအီၤဒီးစံးဝဲဒၣ်, “ဟးထီၣ်ကွံာ်တက့ၢ်. ဟးထီၣ်ကွံာ်တက့ၢ်. ပှၤမၤသံမၤဝီတၢ်ဧၢ, ပှၤမၤကမၣ်တၢ်ဖိဧၢ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 23:6

မ့မ့ၢ်ပှၤလၢအယွၤတအိၣ်ဘၣ်တဖၣ်န့ၣ်မၤသးဒ်တၤဆှူၣ်တၤမဲ တဖၣ်လၢအဘၣ်တၢ်စူးကွံာ်အီၤ အသိးန့ၣ်လီၤ. ပှၤထိးဘၣ်အီၤထဲလၢအစုယၢ်ခီတသ့ဘၣ် နီတဂၤဘၣ်.

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:7

လၢခံ, အဝဲပာ်ဖှိၣ်ထီၣ်ပှၤအၢပှၤသီဖိလၢတဂိာ်တသီၣ်တၢ်တဖု ဒီးအဝဲသ့ၣ်မၤဆူၣ်စီၤၡလိၤမိၤအဖိခွါစီၤရဃၤဘၣ်လၢကမၤ ထွဲအဝဲသ့ၣ်အတၢ်ဘၣ်အသးအခံန့ၣ်လီၤ. စီၤရဃၤဘၣ်အသးစၢ်ဒံးဒိၣ်မးဒီးအတၢ်လဲၤခီဖျိစှၤဒံးဒိၣ် မးလၢကထီဒါဆၢအဝဲသ့ၣ်န့ၣ်ဘၣ်.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၂ ကရံၣ်သူး 6:15

ခရံာ်ဒီးမုၣ်ကီၤလံၢ်န့ၣ် အသးလီၤပလိာ်ကသ့ဝဲလၢကျဲဒ် လဲၣ်. ပှၤစူၢ်က့ၤနာ်က့ၤတၢ်တဂၤဒီးပှၤတစူၢ်တနာ်တၢ်တဂၤ န့ၣ်လီၤဂာ်လိာ်အသးကသ့လၢတၢ်မနုၤတမံၤလဲၣ်.

လံာ်သိၣ်လီၤသီလီၤတၢ် 13:12

ဖဲသုအိၣ်ဆိးလၢဝ့ၢ်တဖၣ်လၢယွၤသုကစၢ်ယွၤဟ့ၣ်လီၤသုအပူၤ န့ၣ်, သုကနၢ်ဟူဘၣ်,

လံာ်သိၣ်လီၤသီလီၤတၢ် 13:14

သုမ့ၢ်နၢ်ဟူဘၣ်တၢ်ကစီၣ်ပစိၣ်ပစ့ဒ်န့ၣ်ဒီးဃုသ့ၣ်ညါအီၤလီၤ တံၢ်လီၤဆဲးတက့ၢ်. တၢ်အၢတၢ်သီအံၤမၤတ့ၢ်အသးန့ၣ်မ့ၢ်တီဝဲသၢပျၢၤဒီး,

လံာ်သိၣ်လီၤသီလီၤတၢ် 13:2

ဒ်သိးလၢကဆှၢသုဆူတၢ်ဘါထီၣ်ဒီးမၤကစၢ်တဖၣ်လၢသုတဘါထီၣ် တ့ၢ်အီၤအတၢ်မၤန့ၣ်လီၤ. တၢ်လၢအဝဲအၢၣ်လီၤတဖၣ်မ့ၢ်လၢထီၣ်ပှဲၤထီၣ်ဒၣ်လဲာ်,

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 17:4

သုမ့ၢ်နၢ်ဟူတၢ်ဂ့ၢ်ဒ်သိးန့ၣ်တမံၤဒီးဃုသ့ၣ်ညါအီၤလီၤတံၢ် လီၤဆဲးတက့ၢ်. တၢ်န့ၣ်မ့မ့ၢ်ဝဲတၢ်မ့ၢ်တၢ်တီလၢတၢ်အၢတၢ်သီအံၤမၤအသးလၢ ကီၢ်အံၣ်စရ့လးအပူၤဒီး,

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

ယူဒၤ 1:19

ပှၤသ့ၣ်တဖၣ်အံၤမ့ၢ်ပှၤလၢအမၤလီၤဖးတၢ်, ဒီးဘၣ်တၢ်ပၢၤအီၤလၢအနီၢ်ခိဖံးညၣ်အတၢ်သူၣ်လီသးကွံဒၣ်ဝဲ ဒီးတအိၣ်ဒီးယွၤအသးဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်ပှၤစံၣ်ညီၣ်ကွီၢ် 20:13

ဟ့ၣ်လီၤပှၤလၢပှၤအိၣ်ဒီးလုၢ်လၢ်သကဲးပဝာ်အၢသီတဖၣ်လၢကံဘဧၤအပူၤန့ၣ် ဒ်သိးပကမၤသံအီၤဒီးသုးကွံာ်တၢ်အၢတၢ်သီအံၤလၢအံၣ်စရ့လးပူၤတက့ၢ်.” ဘၣ်ဆၣ်ဒီးပှၤဘံၣ်ယၤမံၣ်ဖိ တဖၣ်တပာ်ကဲဘၣ်အံၣ်စရ့လးအဒူၣ်အဂၤတဖၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:12

စီၤဧ့လံၤအဖိခွါတဖၣ်န့ၣ်မ့ၢ်ပှၤတတီတလိၤတဖၣ်လီၤ. အဝဲသ့ၣ်တပာ်ကဲယွၤအကလုၢ်မ့ၢ်ဂ့ၤ,

လံာ်စီၤၡမူၤအ့လးအခီၣ်ထံးတဘ့ၣ် 25:17

ဆိကမိၣ်ကွၢ်တၢ်အံၤဒီးစံၣ်ညီၣ်တဲာ်တၢ်လၢနကဘၣ်မၤအီၤတက့ၢ်. တၢ်အံၤကဲထီၣ်တၢ်တတၢးတနါလၢပကစၢ်အဂီၢ်ဒီးအဒူၣ်ဖိ ထၢဖိခဲလၢာ်အဂီၢ်သ့ဝဲလီၤ. အဝဲဒၣ်အခိၣ်ကိၤအၢသီတုၤဒၣ်လဲာ်တကနၣ်ဘၣ်ပှၤနီတဂၤဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.