လံာ်သိၣ်လီၤသီလီၤတၢ် 13:11 - Sgaw Karen Common Bible

¹¹ အန့ၣ်တစု, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ကနၢ်ဟူတၢ် လၢအမၤတ့ၢ်အသးန့ၣ်လီၤ. အဝဲသ့ၣ်ကပျံၤတၢ်ဖုးတၢ်ဒီးပှၤတမၤကဒီးတၢ်အၢတၢ်သီဒ်န့ၣ်အသိး တမံၤလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 13:11 Iomraidhean Croise

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

တၢ်ကတိၤဒိ. 19:25

ပှၤပာ်ထီၣ်ထီအသးတဖၣ်န့ၣ်, ကြၢးဘၣ်တၢ်စံၣ်ညီၣ်အီၤဒ်သိး, ပှၤလၢအတသ့ၣ်ညါတၢ်အါန့ၢ်အဝဲသ့ၣ်တဖၣ်ကမၤလိန့ၢ်တၢ်မၤလိ တမံၤန့ၣ်လီၤ. နမ့မ့ၢ်ပှၤကူၣ်သ့ဒီး, ဖဲတၢ်သိၣ်က့ၤသီက့ၤနၤန့ၣ်နကမၤလိတၢ်လီၤ.

တၢ်ကတိၤဒိ. 21:11

ဖဲပှၤပာ်ထီၣ်ထီသးတဂၤဂၤဒိးန့ၢ်ဘၣ်အတၢ်စံၣ်ညီၣ်န့ၣ်, ပှၤလၢအတဆိကမိၣ်တၢ်တဂၤဒၣ်လဲာ်မၤလိန့ၢ်တၢ်မၤလိတမံၤလီၤ. ပှၤတဂၤလၢအကူၣ်သ့န့ၣ်ကမၤလိန့ၢ်တၢ်လၢ, တၢ်လၢအဘၣ်တၢ်သိၣ်လိတ့ၢ်အီၤန့ၣ်လီၤ.

လံာ်သိၣ်လီၤသီလီၤတၢ် 13:12

ဖဲသုအိၣ်ဆိးလၢဝ့ၢ်တဖၣ်လၢယွၤသုကစၢ်ယွၤဟ့ၣ်လီၤသုအပူၤ န့ၣ်, သုကနၢ်ဟူဘၣ်,

လံာ်သိၣ်လီၤသီလီၤတၢ် 17:13

အန့ၣ်တစု, ပှၤကိးဂၤဒဲးကနၢ်ဟူဘၣ်တၢ်ဂ့ၢ်န့ၣ်ဒီးပျံၤတၢ်, ဒီးပှၤလၢအမၤတၢ်ဒ်န့ၣ်အသိးဘူၣ်န့ၣ်တအိၣ်လၢၤဘၣ်နီတဂၤဘၣ်.

လံာ်သိၣ်လီၤသီလီၤတၢ် 19:20

တုၤနုၤတစု, ပှၤအဂၤကိးဂၤဒဲးကနၢ်ဟူတၢ်လၢအမၤတ့ၢ်အသးန့ၣ် လီၤ. အဝဲသ့ၣ်ကပျံၤတၢ်, ဒီးတမ့ၢ်ပှၤကမၤကဒီးလၢၤတၢ်အၢတၢ်သီဒ်န့ၣ် အသိးတမံၤနီတဂၤလၢၤဘၣ်.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.