လံာ်သိၣ်လီၤသီလီၤတၢ် 13:10 - Sgaw Karen Common Bible

¹⁰ ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:10 Iomraidhean Croise

လံာ်စီၤပၤခံဘ့ၣ်တဘ့ၣ် 11:18

ဝံၤဒီးပှၤဂီၢ်မုၢ်လဲၤဆူဘဧၤလးအတၢ်လုၢ်ဟံၣ်, ဒီးမၤလီၤပှီၢ်ကွံာ်အီၤန့ၣ်လီၤ. အဝဲသ့ၣ်မၤကၢ်လီၤကလဲကွံာ် တၢ်လုၢ်လီၢ်တဖၣ်ဒီးတၢ်ဂီၤတၢ်ဖီၣ်တဖၣ်, ဒီးမၤသံကွံာ်ဘဧၤလးအပှၤလုၢ်တၢ်အခိၣ်စီၤမးတၣ်, ဖဲတၢ်လုၢ်လီၢ်တဖၣ်အမဲာ်ညါန့ၣ်လီၤ. စီၤယဟိယဒါပာ်လီၤပှၤပၢၤတၢ်ဖိတဖၣ်ဖဲယွၤအတၢ်လုၢ်ဟံၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 24:21

စီၤပၤယိၤအၣ်မၤဃုာ်သကိးတၢ်ဒီးပှၤတဖုလၢအကူၣ်တၢ်အၢထီဒါ စီၤစကၤရယၤ, ဒီးလၢစီၤပၤအတၢ်ဟ့ၣ်လီၤအကလုၢ်အဃိန့ၣ်, ပှၤဂီၢ်မုၢ်ကွံာ်စီၤ စကၤရယၤလၢလၢၢ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်တၢ်ဟးထီၣ်ကွံာ် 32:27

ဒီးအဝဲစံးဘၣ်အဝဲသ့ၣ်, “ယွၤ, ကီၢ်အံၣ်စရ့လးအကစၢ်ယွၤမၤ လိာ်သုဝဲကိးဂၤဒဲးလၢသုကဟံးထီၣ်သုနး, ဒီးလဲၤခီဂာ်တၢ်သူၣ်ဒဲအလီၢ်စးထီၣ်လၢကျဲစၢၤအံၤတုၤဆူ ကျဲစၢၤဘးခီတတီၤန့ၣ်ဒီးမၤသံကွံာ်သုဒီပုၢ်ဝဲၢ်ခွါတ ဖၣ်, သုတံၤသကိးတဖၣ်, ဒီးပှၤအိၣ်လၢသုဃၢၤတဖၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 20:27

ဒီးကယဲၢ်ပှၤတဂၤလၢ်လၢ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, လၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤသံအကလၤန့ၣ်ကဘၣ်တၢ် ကွံာ်သံအီၤလၢလၢၢ်န့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ်အိၣ်ဒီးတၢ်ကမၣ်လၢကြၢးဘၣ်တၢ် မၤသံအီၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 24:23

ဒီးဖဲစီၤမိၤၡ့စံးဘၣ်တဲဘၣ်ပှၤအံၣ်စရ့လးဖိဝံၤဝဲန့ၣ်, အဝဲသ့ၣ်ဟဲစိာ်ထီၣ်ပှၤတဂၤလၢအဆိၣ် အၢယွၤန့ၣ်ဆူတၢ်သူၣ်ဒဲလီၢ်အချၢဒီးကွံာ်သံအီၤလၢလၢၢ်န့ၣ်လီၤ. အအံၤမ့ၢ်တၢ်လၢပှၤအံၣ်စရ့လးဖိမၤဝဲဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 17:5

အန့ၣ်တစု, ဟဲစိာ်ပှၤတဂၤန့ၣ်, ဆူဝ့ၢ်အချၢဒီးကွံာ်သံအီၤလၢ လၢၢ်တက့ၢ်.

လံာ်သိၣ်လီၤသီလီၤတၢ် 17:7

ပှၤအုၣ်အသးတဖၣ်ကဘၣ်တၢ်ကွံာ်ဆိအီၤလၢလၢၢ်တဖၣ်ဝံၤဒီးပှၤဂီၢ်မုၢ် အဂၤလၢအအိၣ်လီၤတဲာ်တဖၣ်ကကွံာ်အီၤလၢလၢၢ်န့ၣ်လီၤ. လၢကျဲအံၤန့ၣ်, သုကမၤပူၤဖျဲးသုသးဒီးတၢ်အၢတၢ်သီ တမံၤအံၤန့ၣ်လီၤ.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.