လံာ်သိၣ်လီၤသီလီၤတၢ် 12:8 - Sgaw Karen Common Bible

⁸ ဖဲတၢ်ဆၢကတီၢ်န့ၣ်ဟဲဝဲဒီးသုတဘၣ်မၤတၢ်ဒ်တၢ်လၢသုမၤတ့ၢ် ခဲအံၤအသိးန့ၣ်ဘၣ်. တုၤလၢခဲကနံၣ်အံၤဒၣ်လဲာ်သုဝဲခဲလၢာ်သု ဘူၣ်ထီၣ်ဘါထီၣ်တၢ်ဒ်အဂ့ၤလၢသုမဲာ်အသိး,

လံာ်သိၣ်လီၤသီလီၤတၢ် 12:8 Iomraidhean Croise

တၢ်ကတိၤဒိ. 21:2

နကဆိကမိၣ်လၢတၢ်လၢနမၤနဲကိးမံၤဒဲးန့ၣ်ဘၣ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢယွၤစံၣ်ညီၣ်နတၢ်တိာ်သူၣ်ပာ်သး လၢအမၢန့ၢ်ဆီၣ်ခံနၤတဖၣ်တက့ၢ်.

လံာ်ဧၤမိၣ် 5:25

ကီၢ်အံၣ်စရ့လးအပှၤဂီၢ်မုၢ်ဧၢ, ယတဃ့သုလၢတၢ်လုၢ်တၢ်ပာ် တဖၣ်ဒီးတၢ်မၤဘူၣ်တဖၣ်, ဖဲယဆှၢတ့ၢ်သုခီဖျိပှၢ်မုၢ်ကနၢလၢအနံၣ်လွံၢ်ဆံအတီၢ်ပူၤ န့ၣ်ဘၣ်.

လံာ်တၢ်ဂံၢ် 15:39

တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 12:9

မ့ၢ်လၢ, သုတလဲၤနုာ်ဒံးဘၣ်ဆူကီၢ်လၢယွၤသုကစၢ်ယွၤဟ့ၣ်လီၤ သုဖဲသုအိၣ်ဆိးဘၣ်လၢတၢ်ဃူတၢ်မုာ်အပူၤကသ့ဝဲ အဃိန့ၣ်လီၤ.

လံာ်စီၤယိၤၡူ 3:9

အန့ၣ်ဒီးစီၤယိၤၡူစံးဘၣ်ပှၤဂီၢ်မုၢ်, “ဟဲဖဲအံၤဒီးဒိကနၣ်တၢ်လၢယွၤသုကစၢ်ယွၤစံးဘၣ်သုန့ၣ်တ က့ၢ်.

လံာ်စီၤယိၤၡူ 5:5

ပှၤလၢအဟးထီၣ်ခဲလၢာ်ဘၣ်တၢ်ကူးတရံးအီၤသနာ်က့, ပှၤလၢအအိၣ်ဖျဲၣ်ထီၣ်လၢကျဲလၢပှၢ်မုၢ်ကနၢအပူၤလၢအဟးထီၣ်လၢ ကီၢ်အဲၤကူပတူးဝံၤအလီၢ်ခံတဖၣ်တဘၣ်တၢ်ကူးတရံးအီၤဒံးဘၣ်.

လံာ်ပှၤစံၣ်ညီၣ်ကွီၢ် 17:6

ဖဲန့ၣ်အကတီၢ်န့ၣ်စီၤပၤတအိၣ်ဝဲလၢကီၢ်အံၣ်စရ့လးအပူၤနီတဂၤဘၣ်. ဒီးပှၤကိးဂၤမၤဖဲဒၣ်အသးအိၣ်မၤဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 21:25

ဒီးအကတီၢ်ဖဲန့ၣ်, စီၤပၤတအိၣ်ဘၣ်နီတဂၤဘၣ်လၢအံၣ်စရ့လးအပူၤဘၣ်. ပှၤကိးဂၤဒဲးမၤဒ်တၢ်ဘၣ်အသးဒၣ်ဝဲအသိးန့ၣ်လီၤ.