လံာ်သိၣ်လီၤသီလီၤတၢ် 12:31 - Sgaw Karen Common Bible

³¹ ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 12:31 Iomraidhean Croise

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:31

ဧးဝါအပှၤဂီၢ်မုၢ်မၤဝဲတၢ်ဂီၤတၢ်ဖီၣ်တဖၣ်လၢနံးဘဃးဒီးတၢ် တးအဂီၤတဖၣ်, ဒီးစဖၤရဝံၣ်အပှၤဂီၢ်မုၢ်လုၢ်ထီၣ်အဖိတဖၣ် ဒ်တၢ်လုၢ်မ့ၣ်အူတဖၣ်အသိးဆူအဝဲသ့ၣ်အကစၢ်တဖၣ်လၢ အမ့ၢ်အဒြၤမ့လ့းဒီးဧၤနမ့လးအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:2

စီၤမနၤၡ့ၤမၤတၢ်ဒဲးဘးထီဒါယွၤ, ခီဖျိတၢ်ပိာ်ထွဲပှၤ ကလုာ်တဖၣ်အတၢ်မၤလၢအလီၤသးဘၣ်အၢတဖၣ်အခံ, ပှၤတဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ဖဲအဝဲအပှၤဂီၢ်မုၢ် ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:27

လၢတၢ်န့ၣ်အဃိအဝဲဟံးထီၣ်အဖိခွါအဒိၣ်ကတၢၢ်လၢကထီၣ်က့ၤအလီၢ် ဒ်စီၤပၤအသိးဒီးလုၢ်ထီၣ်အီၤလၢဝ့ၢ်အခိၣ်ဒူအဖီခိၣ်ဒ်တၢ်လုၢ် တမံၤအသိးဆူပှၤမိၤအးဖိအကစၢ်အအိၣ်န့ၣ်လီၤ. ပှၤအံၣ်စရ့လးဖိတဖၣ်ပျံၤတၢ်ဖုးတၢ်ဒိၣ်မးအဃိအဝဲသ့ၣ်ဂုၤ က့ၤဆူအလီၢ်ခံလၢဝ့ၢ်ပူၤ, ဒီးက့ၤကဒါက့ၤဆူအဝဲသ့ၣ်အထံကီၢ်ဒၣ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:2

စီၤမနၤၡ့ၤမၤတ့ၢ်တၢ်လီၤသးဘၣ်အၢအတၢ်မၤတဖၣ်ဒီးမၤတၢ်ဒဲး ဘးထီဒါယွၤ, ဒ်ပှၤကလုာ်တဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤဖဲ အပှၤဂီၢ်မုၢ်ဟဲနုာ်ဝဲ, မၤတ့ၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

စံးထီၣ်ပတြၢၤ 106:37

အဝဲသ့ၣ်လုၢ်ထီၣ်အဖိခွါတဖၣ်ဒီးအဖိမုၣ်တဖၣ်, ဒ်တၢ်လုၢ်တၢ်ပာ်တဖၣ် အသိးဆူကနၤဧၣ် အတၢ်ဂီၤတၢ်ဖီၣ်တဖၣ်လီၤ.

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 23:27

ယကမၤကတၢၢ်ကွံာ်နတၢ်သူၣ်ကတၢသးကတၢ, နတၢ်ကလုာ်ကလိၤအတၢ်မၤလၢအလီၤသးဘၣ်အၢတဖၣ်လၢနမၤတ့ၢ်နဲ စးထီၣ်လၢနအိၣ်ဆိးတ့ၢ်လၢကီၢ်အဲၤကူပတူးအပူၤလံၤလံၤန့ၣ် လီၤ. နတကွၢ်ကဒီးလၢၤတၢ်ဂီၤတၢ်ဖီၣ်တဖၣ်မ့ၢ်ဂ့ၤ, ဆိကမိၣ်ထီၣ်က့ၤကဒီးကီၢ်အဲၤကူပတူးအဂ့ၢ်မ့ၢ်ဂ့ၤနီတဘျီ လၢၤဘၣ်.”

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

လံာ်သိၣ်လီၤသီလီၤတၢ် 12:30

တုၤယွၤမၤဟးဂီၤကွံာ်ပှၤကလုာ်တဖၣ်န့ၣ်ဝံၤအလီၢ်ခံဒီးပလီၢ် သုသးလၢသုတပိာ်ထွဲဘၣ်အဝဲသ့ၣ်အတၢ်ဘူၣ်တၢ်ဘါအလုၢ်အလၢ်အခံ တဂ့ၤန့ၣ်တက့ၢ်. အဂ့ၢ်ဒ်အံၤ, တၢ်န့ၣ်ကမ့ၢ်တၢ်မၤသံတၢ်န့ၣ်လီၤ. တဘၣ်ကျဲးစၢးဃုသ့ၣ်ညါအဝဲသ့ၣ်ဘါထီၣ်ကစၢ်တဖၣ်ဒ်လဲၣ်, လၢသုဘါထီၣ်တၢ်ဒ်အဝဲသ့ၣ်အသိးကသ့ဝဲအဂီၢ်န့ၣ်တဂ့ၤ.

လံာ်သိၣ်လီၤသီလီၤတၢ် 12:4

ဘူၣ်ထီၣ်ဘါထီၣ်သုကစၢ်ယွၤလၢကျဲလၢပှၤဂီၢ်မုၢ်တဖၣ်အံၤဘါ ထီၣ်အယွၤတဖၣ်န့ၣ်တဂ့ၤ.

လံာ်သိၣ်လီၤသီလီၤတၢ် 20:18

မၤသံကွံာ်အဝဲသ့ၣ်, ဒ်သိးဒီးအဝဲသ့ၣ်ဒုးမၤသုတၢ်ဒဲးဘးထီ ဒါယွၤ, ခီဖျိသိၣ်လိန့ၢ်သုလၢ, သုကမၤတၢ်လီၤသးဘၣ်အၢတဖၣ်လၢအဝဲ သ့ၣ်မၤဝဲ, လၢတၢ်ဘူၣ်ထီၣ်ဘါထီၣ်အယွၤတဖၣ်အပူၤ, သုတသ့ဝဲတဂ့ၤအဂီၢ်န့ၣ် တက့ၢ်.

လံာ်သိၣ်လီၤသီလီၤတၢ် 9:4

ဖဲယွၤ, သုကစၢ်ယွၤနီၣ်ထီၣ်ကွံာ်အဝဲသ့ၣ်လၢသုဂီၢ်ဝံၤတစု န့ၣ်, စံးလီၤသုသးလၢအဝဲဆှၢနုာ်သုလၢသုကမၤန့ၢ်ဘၣ်ကီၢ်အံၤ, မ့ၢ်လၢသုကြၢးဒိးန့ၢ်အီၤအဃိန့ၣ်တဂ့ၤ. တမ့ၢ်ဘၣ်. ယွၤကနီၣ်ထီၣ်ကွံာ်ပှၤဂီၢ်မုၢ်တဖၣ်အံၤလၢသုဂီၢ်, မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.